I Versetti Biblici più popolari da Maliko 5

Condividi

Yesu akamulonjelaje mudala yula, “Muhintsa, litumbilo lyako likuponitse, bitaje kwa wusichimafu. Ng'odeko yako yidutsile.”

Kaha hono iho havaga na mudala yumwe yo atamikaga wutamwa wa kuhuma danda tsa siku tsa vamama kwa myaka kumi na jivili. Mudala uyo avaga akodiche ndalahela kwa vaganga wolofu. Hamwe na kuva avaga agutsitse finu fyolofu siapatite chiba chochive, lechelelo wutamwa wake walutilaga nachene.

Hoavaga kugudometsa mwenda gwa Yesu, luvala lulo danda yila yikadugaje. Akitselaje kuta aponile wutamwa wake.

Yesu akalibataje liwoko lya muhitsa yula yo atajiche, na kumulonjela, “Talita kumi!” Chinya kutijila, “Muhintsa ulamuche!”

Yesu hoavaga ankwendelela kulonga, vanu kuhuma kwa kaye ya Yayilo vakafikaje na kumulonjela Yayilo, “Muhintsa vako mwanga atajiche, lelo kwasawuli yachi unkwendelela kumukoda Mudahitsi?” Lechelelo Yesu hoavaga kuhulika ihyo akamulonjelaje yula muvina va nyumba ya kitang'anila Vayawudi, “Witumbile hela, uleche kuva na muloto.”

Lisoka ilyo lyalontsile ihyo kwasawuli Yesu avaga aling'anulye lisoka lila kwa kulilonjela, “Hume kwa munu yuno!” Kaha Yesu akaliwutsaje lisoka lila, “Litawa lyako uli nani?” Nalyo likalongaje, “Litawa lyangu Lijesi, kwasawuli hetwe tuli wolofu!”