ខគម្ពីរពេញនិយមពី مَتّی 6

ចែក​រំលែក

آما سیز اَوّل تارئ پادشاه‌لیگی و اؤنونگ عِدالتی قولونجوندا اولینز، اوندا بوللارینگ واریسی سیزه وئریلَر.

پس صابا ایچی نگران اولمانز، بو سَبریه کی صابا اؤز نگرانلیگینی واری. هر گؤنونگ سَختلیگی، ائله او گؤن ایچی بَس دیر.

«پس سیزه دئییرم، نه زندلیگینز ایچی نگران اولینز کی نه یئیه‌سینز یا دا نه ایچَسینز، نه ده بَدنینز ایچی نگران اولینز کی نه گئیَسینز. بئیه زندلیگ، خورَکیدن و بَدن رَختدن اوخاری ده‌ییل؟

آما سَن، دُعا ائدَنده، اؤز اُتاقینگ ایچینه گئد، دری باغلا و گؤزلَردن پناه اولان، گؤیده‌کی بووآنگ حُضوروندا دُعا ائد. و بووآنگ کی پناهی گؤرور، اَجرینگی وئره‌ر.

«پس سیز بئله دُعا ائدینز: «ای گؤیده‌کی بووآمیز، سَنینگ آدینگ مُقدّس اولسون، سَنینگ پادشاه‌لیگ‌ینگ گلسین. سَنینگ اِراده‌ینگ ائله اوله‌یین کی گؤیده اولونیر، یئرده ده اولونسون.

بیزه گؤنده وئردیگینگ چؤره‌کی، بوگؤن بیزه وئر.

بیزیم قَرض‌لَریمیزی باغیشلا، ائله اوله‌یین کی بیز دا بیزه مَدیون اولانلاری باغیشلامیشاک.

و بیزی امتحانا چَکمه بلکی شَریردن قورتار، چونکی پادشاه‌لیگ و قُدرت و شوکت اَبَدنچاز سَنینگ دیر. آمین.

«چون اگر سیز، آداملارینگ خطالارینی باغیشلایاینز، گؤیده‌کی بووآینز دا سیزی باغیشلایار.

گؤیینگ قوش‌لارینا باخینز: نه اَکیرلَر، نه بیچیرلَر و نه ده آمبارلارا ییغیرلَر، و گئنه ده سیزینگ گؤیده‌کی بووآینز، اوللاری دویاردیر. بئیه سیز اوللاردان اَرزشلی‌تر ده‌ییلَینز؟

«اؤزونزه، یئر اوستونده گنج ییغمَینز. اؤرا کی بید وورور، مَنگ وورور و اوغرولار اؤرا گیریرلَر و اؤنو اوغورله‌ییرلار. بلکی اؤزونزه، گؤیده گنج ییغینز. اؤرا کی نه بید وورور، نه مَنگ وورور، نه ده اوغرولار اؤرا گیریرلَر و اؤنو اوغورلاییرلار. بو خاطره کی گنجینگ هر یئرده اولسا، اؤره‌کینگ دا ائله اؤردا اولور.

«هئچ کَس ایکّی اَربابینگ قوللوقوندا اولا بیلمَز؛ بو خاطره کی یا بیریندَن نفرت واری اولور و او بیرینی چوخ سئیر، یا دا بیرینه وفالی قالار و او بیرینی کوچوک سایار. سیز باشارماینز کی هم تارئ قوللوقوندا اولاینز، هم‌ده پیل قوللوقوندا.

آما اگر تارئ چؤل اوتونا کی بوگؤن وار و صابا اوت اوجاغ ایچینه آتولیر، بئله گئیدیریر، آیا سیزه اوللاردان چوخ آرتیق گئیدیرمَز؟ ای ایمانی آزلار!

آما بیر یوخسولا کؤمَک ائدنده قؤیما چَپ اَلینگ، ساغ اَلینگ ائدیگی ایشدَن خَبر اولا، تا ائدیگینگ کؤمَک پناه دا اولا؛ و گؤیده‌کی بووآنگ کی پناهی گؤرور، سَنه اَجر وئره‌ر.

«گؤزله‌یینز کی خیر ایشلَرینزی خَلخ گؤزو دَمینده، بو نیّت اینن کی اؤزونزو اوللارا گؤرسَدَینز، یئرینه ائتیردمیه‌ینز. چونکی اوندا گؤیده‌کی بووآینز یانیندا هئچ اَجرینز اولماز.

«اوروج توتاندا، ایکّی‌ایزلی‌لَر له‌یین اؤزونزو پَکَر گؤرسَدمَینز، چونکی اوللار اؤز قیافه‌لَرینی ده‌ییشیرلَر تا خَلخه گؤرسَدَلَّر کی اوروج دیرلار. گرچَکینی سیزه دئییرم، اوللار اؤز ایشلَری‌نینگ اَجرینی آلمیشلار! آما سَن اوروج توتاندا، باشینگا یاغ سؤرت و ایزینگی یو، تا سَنینگ اوروج اولدوگونگی نه خَلخ، بلکی گؤزلَردن پناه اولان بووآنگ گؤره. و بووآنگ کی پناهی گؤرور، سَنه اَجر وئره‌ر.