LUKE 16
16
Pingingat adi Birakar
1Jesus nang di bara murid-I, “Agi ndi naan daya kaya adi biyŭn daya-gaji adi dog tijuan-i da jadi pingingat buat rata-i. Daya kaya anŭ mbŭh dog kidaan nang pingingat-i anŭ agi nyiraba duit-i, 2jadi ayŭh bagan pingingat-i anŭ da mŭrŭt ka nang, ‘Ani kayuh ati adi aku dingah pasar kuu? Taban kamati surat kira-kira kraja mu, sabab kuu mbŭh dŭh bisa jadi pingingat buat-rata ku tia.’ 3Daya-gaji anŭ nang darŭm asŭng-i, ‘Tuan ku re taran aku so kraja ku. Ani meh re ku ndai? Aku dŭh bake nyakor parit, ka aku mangŭh mite sidakah. 4Aku puan ani re ku ndai! Isa kan aku mbŭh dŭh nyiraja, bara dingan ku an kambat aku di ramin ngara.’
5“Jadi ayŭh bagan da mŭrŭt barang naan daya adi agi birutang di tuan-i. Ayŭh siken di ndi, ‘Kiang-ki utang mu di tuan ku?’ 6‘Siratus tipayan inyo kanā,’ ayŭh nam. ‘Ta surat kira-kira mu,’ pingingat anŭ nang di ayŭh; ‘guru ka nuris rimŭh-puru.’ 7Komŭnŭ ayŭh siken sianŭ ndi, ‘Kuu boh, kiang-ki jamu utang?’ ‘Siribu kandi gandom,’ ayŭh nam. ‘Ta surat kira-kira mu,’ pingingat anŭ nang di ayŭh; ‘nuris mai ratus.’
8“Sitagar anŭ, tuan anŭ muji pingingat adi dŭh jujur anŭ amai ayŭh birakar di pingandai-i; sabab daya ong ati agi rabis birakar darŭm-i digŭng kraja pingandai-i so daya adi udip darŭm jawa.”
9Ka Jesus pijuu minyu, nang-I, “Ngapŭi Aku kidaan di angān: pakai meh pinyikaya ong ati ngga ndai dingan, isa kan-i mbŭh abo, angān re dog kambat ka darŭm arŭn adi tan adu adu. 10Asi asi adi tŭtŭd di har adi siit re tŭtŭd di har adi baga; asi asi adi dŭh jujur di har adi siit re dŭh jujur di har adi bās. 11Jadi meh, kambŭi angān dŭh tŭtŭd darŭm ngatur kaya ong, simuki meh angān re bisa dog sabah di pinyikaya adi sawŭ? 12Ka kambŭi angān dŭh bisa dog sabah di kayuh adi daya bŭkŭn dapu, asi meh re nggen di angān kayuh adi angān dapu?
13 #
Mat 6.24
“Mating daya-gaji bisa jadi urun duwŭh naan tuan, amai ayŭh re tiru di ndi, ka rindu di sianŭ ndi; puan kah tŭtŭd di siati, ka ngamun sianŭ ndi. Angān dŭh bisa bituan di Tapa buang bituan di duit.”
Ajar Jesus
(Mat 11.12-13, 5.31-32; Mrk 10.11-12)
14Kan daya Pharisee dingah sopŭrŭg kayuh anŭ, ngara napat Jesus, sabab ngara awang duit. 15Jesus nang di ngara, “Angān inŭh bara adi ndai adŭp-i mun adi batur di batŭh daya, pak Tapa puan atin ngan. Amai kayuh adi dog nyirundeng raru brega di manusia agi au-tarun di batŭh Tapa.
16 #
Mat 11.12-13
“Ukum-adat Moses ka surat bara nabi dog sita ndŭg jaman John Pembaptisa; so nganŭ Agah Kana pasar munki Tapa mritah#16.16 Tapa mritah; Anŭ inŭh so tigŭrŭ bang piminyu: Pritah Tapa. mbŭh dog kidaan, ka barang naan daya mbŭh birabut an mŭrŭt ka dieh. 17#Mat 5.18 Pak udah dŭ rangit ngga ong manyap, so ndi sirah batŭh turis Ukum-adat anŭ dog kinanyap.
18 #
Mat 5.32; 1Co 7.10-11 “Daya adi taran sawŭn-i ka sawan ngga dayung bŭkŭn mbŭh tanggah; ka ayŭh adi sawan ngga sianŭ adi ko dog taran banŭh-i mbŭh tanggah.
Daya Kaya ngga Lazarus
19“Agi ndi naan daya kaya nēn piraka adi raru brega buang udip darŭm sangŭn barang andu. 20Ka agi gŭh ndi naan daya sirata dŭn Lazarus, bigadag ndi pŭrŭng ganan-i, adi siraru dog taban ka tiban ramin daya kaya anŭ, 21kirarŭn an man tatuh adi rabu so mija-i. Sawŭ, ndŭg ka kasong mandŭg di nyarek gadag-i.
22“Daya sirata anŭ kabŭs ka dog taban malaikat da guru ngapid Abraham di shorga. Daya kaya anŭ kabŭs gŭh ka dog kubur, 23ka di Sibayan,#16.23 SIBAYAN: tarun yŭn pinyirŭŭ daya adi mbŭh kabŭs. di yŭn-i sangsara, ayŭh nyigura ka kiris Abraham, sadang jo-i, ngga Lazarus ngapid-i. 24Jadi ayŭh bagan, ‘Sama Abraham! Masi di aku, ka pait Lazarus da njug trinju-i di piin ka kadud jura ku, amai aku ati mbŭh sangsara darŭm apui ati!’
25“Pak Abraham nang, ‘Ingat nak, kuu darŭm pimudip ong mu mbŭh dog nggen sopŭrŭg kayuh kana, ka Lazarus kayuh arap. Pak madin ayŭh dog nyaduh digiti, ka kuu mbŭh sangsara. 26Ka dinge, di asah kieh ngga kuu agi au-tŭrŭp, isa daya dŭh tungang mutas so ti di ka yŭn mu, ka daya so yŭn mu dŭh tungang mutas kamati.’ 27Daya kaya anŭ nang, ‘Kambŭi sakanŭ, aku mite kaam, sama Abraham, pait Lazarus ka ramin sama ku, 28di yŭn rimŭh naan jurud ku. Bada ayŭh bakan ngara, isa ngara dŭh mandŭg ka yŭn sangsara ati.’
29“Abraham nang, ‘Bara jurud mu biyŭn surat Moses ka surat bara nabi adi bakan ngara; bara jurud mu patut dingah pinyibakan ngara.’ 30Daya kaya anŭ nang, ‘Anŭ dŭh-i dang, sama Abraham! Kadŭ-i kambŭi agi daya makat so kabŭs mandŭg tudu ngara, ngara an marik pimudip ngara pari ka Tapa.’ 31Pak Abraham nang, ‘Kambŭi ngara abah dingah Moses ka nabi nabi, ngara taŭn abah dog ngajar, sunggu makat bait kani daya so kabŭs.’ ”
ទើបបានជ្រើសរើសហើយ៖
LUKE 16: TBVONT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Hakcipta - Today's Biatah Version New Testament © The Bible Society of Malaysia, 2003.