San Mateo 1
1
Jä Jesucristo tyaatsk aptëjkta
(Lc 3.23-38)
1Xä jä japyet juu jekan jää Jesucristo tyaatsk aptëjkta, jä David tsyaan kyoo mëët jä Abraham:
2Isaac jää ijt tye'ep Abraham, naywe'en jä Jacob naywe'en jä Judá jäts jää y'ujtstëjkta. 3Fares jäts Zérah jää ijt tye'etep Judá, jäts jää ijt tyaaketep Tamar. Hesrón jää ijt tye'ep Fares, jats yëë Hesrón jää ijt tye'ep Aram. 4Aminadab jää ijt tye'ep Aram, jäts yëë tye'ep Nahasón jäts yëë Salmón. 5Booz jää ijt tye'ep Salmón jäts jää ijt tyaakep Rahab. Obed jää ijt tye'ep Booz jäts jää ijt tyaakep Rut. Jesé jää ijt tye'ep Obed, 6Jäts David mëj yajkutujkpa jää ijt tye'ep Jesé.
Yëë Salomón jää tye'ep David yajkutujkpa, wa ijt tyaakep juu ijt tye'extëjkep Urías. 7Roboam jää ijt tye'ep Salomón, jäts yëë Abías Jäts yëë Asá. 8Josafat jää ijt tye'ep Asá, jäts yëë Ozías. 9Jotam jää tye'ep Ozías, jäts yëë Acaz jäts yëë Ezequías. 10Manasés jää ijt tye'ep Ezequías, jäts yëë Amón jäts yëë Josías 11Josías jä ijt tye'ep Jeconías naywe'en jää y'utstëjkta, jää xëë juunt ku ojts yajktsuumta yajkmatsta jä israelitas jayeta jäts tyajknëjkxte jäm Babilonia.
12Ku yëë xä nyax, Salatiel jäts Zorobabel jä ijt tye'etep Jeconías. 13Abihud jää ijt tye'ep Zorobabel, jäts yëë Eliaquim jäts yëë Azor. 14Sadoc jää ijt tye'ep Azor, jäts yëë Aquim jäts yëë Eliud. 15Eleazar jää ijt tye'ep Eliud, jäts yëë Matán jäts yëë Jacob. 16José jää ijt tye'ep Jacob, jää María niya'ay José, jäts Jesús jää ijt tyaak, juu yajkuxe'ep juu mätswaamp.
17Jää abraham majkmäjks naskä'äxa wyena tmëëta ku jää David kye'ex, Jää David nay jää majkmäjks naskä'äxa nya'x ku jää Israelitas jayeta tyajknëjkxte jäm Babilonia, ku xa we'en jyaty nay jää majkmäjks naskä'äxa nya'x wa'nit jää Kunuukxtee y'unejk kye'ex.
Tso jää Kunuukxtee y'unejk kye'ex
(Lc 2.1-7)
18Yï'ïn jää Kunuukxtee y'unejk kye'ex, María, jää tyaakep, Të wyena t'atsoowne jää José jäts tmënapyëket; jäts kanem wyena tsyëneta tujk mujk, Wanitjye ojts jeetp tyan jää Kunuukx poj nyimëjen këx. 19Jä niya'ay José, wa jää ijt oy jaye kyutyuump tso jä Kunuukxtee pyawanen, wa'nit ojts t'payo'oy jäts ka tyajktsetyunet jää María ayu'uts tmajktsooknet. 20Tëwan wyena we'en tpayo'oy, wa'nit ojts jä Kunuukxtee y'angel kumajeetp myukejtse jäts nyë'ëmxe: José, David tsyaan kyoo, ka mtsëka mënapyëke mits yë María, jää Kunuukx poj këx tpaaty jä maax juu myeet 21María jäjap jä y'unejk, Jää xajkxëëjat Jesús. We'en jää txëëjat paaty ku jää tyajknitso'kep jä kyapen jäts tyajktoken niwatset.
22Tukëye we'en jya'ty jäts kyutyunjet wintsoj jää mëjWintsën wyaany juu ojts tkets jä kukexepa:
23Jeetp tyanet tujk jää kiixte'ex
Jääwe tujk jä mix'unejk tyajkä'äxep,
Emanuel jää xyëjap
(yïn y'ayuuk pitsem: Ïïm mëët jä Kunuukxtee).
24Ku jä José ojts myawij, jäts tkutyuun wintsoj jä mëj wintsën y'angel ojts pyawanye, wa'nit ojts tmëët tsïnyë ujkwaane jä María. 25Kanem wyena jä ya'atyëjk tmëët tsïïna, konem jä María y'unejk kye'ex, xäts jä José ojts txëëpíïma Jesús.
ទើបបានជ្រើសរើសហើយ៖
San Mateo 1: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល