San Mateo 2
2
Ja wij jayeta jyayeta kyu'ixta jä juu jekyem tsoontep
1Jäm Belén Ja Jesús kye'ex, tu´k jä kajpen juu jäm Judea ijt jootm, jää Herodes jää ijt wyena mëj yajkutujkpa jäm Jerusalén ijt jootm. Wa'nit jyayte jäm Jerusalén kyapen këxm jä ya'atyëjkta juu jä maatsa tni'ixpëjketep jäm tsyoonta juma tso yë xëë pitsem, 2jäts tyaktïïwete:
—Juma jä judíos myëj yajkutujkpa të kye'ex. Të ëëts n'ix ku jä maatsa pitsem jäm anuuxem paaty ëëts nmets jäts ëëts nwinjawat nwintsekat jäts n'ajootat.
3Ku ojts tnijawa jä yajkutujkpa Herodes ojts tko'oyjawa, naywe'en jä jya'te tukëye jä Jerusalén jayeta. 4Wa'nit jä mëj yajkutujkpa ojts twatsew jä teetëjkta nyiwintsënta mëët jä ixpïjk jayeta juu jä kutujken tnijawetep, Jäts tyajktïïwe mnijawetep miits juma kyä'äxwa'any jä Mesías. 5Wa'nit jä y'atsoote:
—Jäm Belén jä Judea ijt naxkïx; paaty we'n tja'ay jä kukexepa:
6Jäts miitsta, Belén kyajpenta, jä Judá nyaax kïx,
niyujk miits xnimëja
ka tii jä wiink jayeta juu tsinyetep yaja Judá ijt jeet;
Jäm Belén pitsem wa'any tujk jä yajkutujkpa
juu twinjayepap jä Israel kyajpenta.
7Wa'nit jä Herodes ojts ayu'ts twatsew jä juu maatsa tni'ixpëjketep, jä nyijawawaampy tii yaaxp ojts jää maatsa pitsem. 8Wa'nit ojts tpakex jäm Belén, jäts tnïmye:
—Nejkxta, jäts xajktïwetat juma ti kye'ex jä pijk unejk; ku xpaatat jäts xnikotstat, naywe'en ëts nëjkxwaamp nëjkx nwinjawa nwintseka.
9We'en jä mëj yajkutujkpa tpawa'any, jäts jä ixpïjk jäye nyëjkxte, wintsoj yo'oyta tookye xä winjayepeta jä maatsa konem jyayte juma maax unejk jäts jä maatsa atïïwe. 10Ku jä ixpïjkjaye t'ixte y'atïwa jä maatsa, mëjk ojts tuxoontejkta. 11Wa'nit ojts tyeketa tëjk jeetp, jäts ojts t'ixpaata jä María mëët jä y'unejk, jä tyaak; ojts twinkuxtäneta jäts t'ajootete. Wa'nit tyajk'awaatste jä wintsejken jäts tmootye jä oro jä poom jä pa'ajk xuukpa juu mirra tïjtep. 12Jää koots, ojts kyuma'ta jäts ka nyaxtat jäm juma tsyiina Herodes, kuts wimpijtene wiink tu'u pyëjktene.
Jäm Egipto y'ayutste
13Tëwan wyena tsyoontene jä jayeta juu jä maatsa tni'ixpëjketep, jää tsuu jä José ojts jä Kunuukxtee y'angel myukejtse kumajeetp, jäts nyë'ëmxe: Pu'tke, mëët nëjkxe yë unejktaak mëët yë mix, kääjke nëjkxe jäm Egipto. Jäm mtsenetat tujkwiin konem ëts nikotset, paaty ku jä yajkutujkpa Herodes ixtawaampy ye pijk mix jäts tyajk'ooket. 14Wa'nitjye jä José pyutejk jäts jä unejk tsäänejk mëët jä tyaak, jää koots tsyoonte jä tu'u pyëjkte juu nëjkxp Egipto, 15Jäm'ej tsyinyete konem jä Herodes y'ookne. We'en ojts jya'ty jäts kyutyunjet wintsoj jä mëj Wintsën wyaany juu ojts jä kukexepa tkets: Jäm Egipto ëts n'unejk nwasew.
Herodes tnipëma jäts jä pijk'unejk tyak'ookexet
16Ku jä Herodes tnijawa jäts të wyin'ïïne jä jayeta juu tni'ixpëjketep jä maatsa, jäts mëjk nyajkjotmäte wa'nit pawaany jäts nijum tyajk'ookëxtat jä pijk'unejkta jä maax jats mäjtsk juunt juu jäm Belén tsinyetep jäts jä kajpen juu nuux paa'a, jä xëë juu jä maatsa tni'ixpëjkketep we'en ojts t'akääka ntso tnikotste. 17We'en ojts kyutyune wintsoj tjapyet jä kukexepa Jeremías:
18Jäm Ramá ojts yajkmote jä ayuuk,
jä yaaxen mëjk jä tsaatsy winmaayen.
Jää Raquel, y'unejk tniyaaxp
ka tkupïjk jäts yajkkotspookxet
te wyena y'ooktene.
Ku jä José nyëjkxtene tsïnyepa jäm Nazaret
19Wa'nit ku jä Herodes y'ookne, Jäts jä kunuukxtee y'angel ojts myukejtse kumajeetp jä José, jäm Egipto, jäts tnïmye: 20Pujtke, mëëta yë m'unejk mëët jä tyaak, jäts wimpijtene jäm israel, Të jä y'ookëxtene juu ijt tyajk'ookwaantep jä mix'unejk.
21Wa'nit jä José pyutejk jäts tmëët nëjkxne jä y'unejk mëët jä tyaak jäm Israel. 22Ku ojts tnijawa jäts jä Arquelao wyena yajkutujknep jäm Judea jää Herodes y'unejk jä kyutujken tmutaan, tsëjkep jää'a ka' jäm nyëjkx wa'any; te wyena yajktuuknijawa kumajeetp jä Kunuukxtee këx, Jäm Galilea ijt naxkëxm tso nyïjkx. 23Ku jya'y, jäm ojts nyijkx Nazaret kyajpen këxm tsïnyepa. Paaty ojts jyaty we'n jäts kyutyunjet wintsoj ojts tnaskotseta jä kukexepa: Jää Jesús xyëjap Nazareno.
ទើបបានជ្រើសរើសហើយ៖
San Mateo 2: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល