مَتّی 3
3
تَعمید وئرَن یحیا یول آچیر
1چوخ ایل اوللارینگ ناصِره شَهرینه گلمَکیندَن سورا، یحیا یهودیه بیابانینا، تَعلیم وئرمَکه گلدی. 2او دئییردی: «توبه ائدینز، چونکی گؤی پادشاه‌لیگی کی ائله تارئ پادشاه‌لیگی دیر، یاخین دیر.» 3بو ائله او آدام دیر کی اِشعَیای پیغمبر اؤنونگ باره‌سینده دئمیش کی:
«بیر آدام بیاباندا جار چَکیر کی:
”رَبّینگ یولونو آماده ائدینز،
اؤنونگ یول‌لارینی دؤز ائدینز.“»
4یحیا دؤوه اینگیندن قابا گئییردی، بئلی‌باغیسی دَرّیدن ایدی و خورَکی‌سی، مَلَخ و داغ بالی ایدی. 5او زامان، خَلخ اورشلیم شَهریندن، بوتون یهودیه ولایتیندن و اوردون چئیی‌نینگ بوتون دئییر و بَریندن، اؤنونگ یانینا گئدیرلَردی، 6اؤز گُناه‌لارینا اِعتراف ائدیرلَردی و اوردون چئیینده اؤنونگ اَلیندَن تَعمید غُسلی توتیرلاردی.
7آما اوندا کی یحیا گؤردو کی چوخ آدام، فَریسی فِرقه‌سی‌نینگ عالِم‌لَریندَن و صَدوقی فِرقه‌سی‌نینگ عالِم‌لَریندَن، تَعمید توتماک ایچی اؤنونگ یانینا گلیرلَر، اوللارا دئدی: «ای اَفعی‌لَرینگ نَسلی، کیم سیزی هوشکار ائدی کی گلَن غَضّب‌دَن قاچانز؟ 8پس زندلیگینزده او ثَمره‌یی کی ثابت ائدیر توبه ائدمیشینز، گؤرسَدینز. 9اؤز گؤینونزده دئمَینز، ”بیز ابراهیم پیغمبر سؤیونداناک.“ چونکی سیزه دئییرم کی تارئ قادر دیر تا بو داشلاردان ابراهیم ایچی اولادلار دؤزَته. 10حتّی ائله ایندی تیشه، آغاج‌لار ریشه‌سینه قؤیولموش. هر آغاج کی خوب ثَمر گتیرمیه، کَسیلَر و اوت ایچینه آتیلار.
11«من سیزی توبه ایچی سو اینان تَعمید غُسلی وئریرَم، آما او کی مَندَن سورا گلیر مَندن قوّتلی‌تَر دیر، او کی لایق ده‌ییلَم کی اؤنونگ آیاق‌قابی‌لارینی ده گؤتورَم. او سیزی تارئ‌نینگ قُدّوس روحو اینان و اوت اینن تَعمید غُسلی وئره‌ر. 12اؤنونگ اؤساسی اَلینده دیر و اؤز جاخَرمنینی تَمیز ائده‌ر. اؤز بوغداسینی آمباردا ییغَر، آما سامانی بیر کور اولمایان اوت اینان، یاندیرار.»
عیسا تَعمیدی
13او زامان عیسا جَلیل ولایتیندَن اوردون چئیینه، یحیا یانینا گلدی تا یحیا اؤنو تَعمید غُسلی وئره. 14آما یحیا سئدی کی عیسا سئدیگینی رَد ائده و دئدی: «من سَندَن تَعمید آلماگا مُحتاجام؛ سَن منیم یانیما گلیرَینگ؟!» 15آما عیسا اؤنا جواب وئردی: «ایندی قؤی تا بئله اولا، چون بیزه یاراشیر کی واری دؤز زادلاری یئرینه ائتیشتیرَک.» اوندا یحیا قبول ائدی. 16عیسا تَعمید غُسلی آلاندا، سودان یازّیا چیخدیگی‌اینن، گؤی‌لَر اؤنونگ اوستونه آچیلدی و تارئ روحونو گؤردو کی بیر گؤی‌اَرچین له‌یین آشاغی گلدی و اؤنونگ اوستونه قوندو؛ 17و گؤیدَن بیر سَس گلدی و دئدی: «بو مَنیم عَزیز اوغلوم دور کی اوندان چوخ راضی‌یام.»
ទើបបានជ្រើសរើសហើយ៖
مَتّی 3: QII
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company