انجیلِ مَتّی 6
6
صدقه دایَن
1«ویراجون ببا که شَما اِشتن خِیر‌ه کارون مردمُن چَشمون پیش مکرا، چون هِمنَه شَما پِه وَر که آسمونَ دَ اِسِه پاداشی نِدارو.
2«پس اَ وختی که صَدَقه دی، جار مزن، دِ دیمه آدَمون شارین که عبادتگاهون و کوچه بازارانَ دَ اَم کار کرنده تا مردم چون تعریف بِکَرِندِه. حقیقتا، شَما را وام که اَوه اِشتن پاداششون ایگَتِه. 3پس تَه وختی صدقه دی، هِمنَه آده که اِشته چپَ دَسِ اَ کاری که اِشته راست دسِ کره، مَزونه 4تا اِشته صدقه مخفی بیبی؛ اُخُری اِشته پِه که هر مخفیه کاری چو را آشکاره، اَته پاداش دی.
دوُعا
5«وختی که دوُعا کری، دِ دیمه آدمون شارین مَبه که خُشِنده عبادتگاهون و کوچه سرون دَ پا وِندرنده و دوُعا بکرنده تا مردم اَجون بِوینِندِه. حَقیقتا، شَمارا وام که اَوه اِشتن پاداششون ایگَتِه. 6امّا، ته وختی که دوُعا کری اِشته اتاقه دِله بشه، و چو بَره دِبَند و اِشته آسمانیه په وَرَ که چشمونَ دَ مخفیه دُعا بکه، اُخُری اِشته آسمانیه په که مخفی کارون چو را آشکاره، اَته پاداش دی.
7«وختی دعا کری، بیخودیه لاوَعون تکرار مکه، هِمنه که بت پرسته لاوه کَرِنده، چون اَوه هِمنه فکر کرنده که پِر تکرار کردنییَم، چون دعا مستجاب بی. 8پس چون شارین مَبِه چون شَما پِه پیش از اَم که شَما چیزی چو کودَ آخازا، زونه که شَما چه احتیاج دارُو.
9«پس شَما هِمنَه دوُعا بِکَراه:
«ای چَما پِه که آسمانَ دَ اِسی
اِشته نوم مقدّس بیبی.
10اِشته پاتشاهی با.
اِشته خواستَه، هِمنه که آسمان دَ انجام بی،
زمینِ را انجام بیبی.
11چَما را روزانه غذا بایر و اَجَما آده.
12و چَما قرضون بِبخش،
همنه که اَما چَما قرضون بخشوم.
13و اَجَما امتحان مَکه،
بَلکم اَجَما اَ شریر دس دَ نجات آده. چون پاتشاهی و قدرت و جلال تا ابد اِشرا اسه. آمین.
14چون اگم مردمون خطاهون ببخشا، شَما آسمانیه په نی شَماهون بَخشه. 15امّا اگم مردمون خطاهون مبخشا، شَما آسمانیه پِه نی شَما خطاهون نِبَخشه.
روزَه
16«وختی که روزَه گیرا، دِ دیمون شارین اِشتن پَکَر مَکَرا چون اَوه اِشتن دیمه حالتِه عوض کَرنده تا مردمون وَرَ نشون بِدینده که روزِندِ. حقیقتن، شَمارا وام که اَوه اِشتن پاداششون ایگَتِه. 17امّا وختی ته روزَه گیری، اِشته سَرِ روعن آسون و اِشته دیمه بِشو 18تا مردم مَزونِنده ته روزَیش بلکم اِشته آسمانیه په که چشمانَ دَ مخفی اسه و اِشته په که مخفی کارون چو را آشکاره، اَته پاداش دی.
گنج آسمونَ دَ
19«شَمنا زمین دَ گنج جمع مکرو، یقایی که پِت زنه و زنگ زنه و دِزِه آینده و اَجو دِزِندِه. 20بلکم شَمنا آسمون دَ گنج جمع بِکَرو یقایی که نه پِت زنه و نه زنگ زنه و دِزِه ناینده و اجو نِدِزِنده. 21چون اِشته گنج هر یقا بیبی، اِشته دلَم بِر اِسِه.
22«چَشم، جانه چراوِه. اگم اِشته چَشم سالم بیبی، اِشته تموم وجود نورانی بی. 23امّا اگم اِشته چشم فاسد بیبی اِشته تموم وجود ظُلَمات بی. پس اگم نوری که اِشته وجودَ اِسِه ظُلَمات بیبی، چه پیله ظلماتی اِسه!
24«هیچکه نِتونِه دِ اربابه را خدمت بِکَره، چون یا ای نفرَ دَ بدش آ و اَ ایوِ محبت کَره، یا ایوَ دل بَندیه و اَ ایو اهمیت نِدی. شَما نِتونو هم خدا بَنده بِبا و هم پوله بَنده.
بی نگرانیه زندگی
25«پس شما را وام زندگی خونَین نگران مَبا که چه بُخَرا و یا چه آخرا، و شَما جانه را نگران مَبا که چه دِکَرا. مگم زندگی، شَما غذادَ و شَما بدن، خَلاوَ دَ مهم تَر نی؟ 26آسمون پَرندعون دِدِسو که نه کارِنده و نه درو کَرِنده و نه اَنبارونَ دَ ذخیره کرنده ولی هنی شَما آسمانیه په اَجون روزی دی. مگم شَما چونَ دَ با ارزشتر نییا؟ 27کومین از شَما تونه نگرانی اَم ای ساعت اِشتن عمره اضافه بکره؟
28«چرا خَلاوِ را نگرانیو؟ صحرا گُلون دِدِسو که چه طره رشد کَرِنده نه زحمت کشنده و نه وَجنده. 29ولی شَما را وام که حتی سلیمان پاتشاهَ نی اِشتن همه‌ی شکوه و جلالِییَم چون شارین بَزک نِبه. 30پس اَگم خدا علفون که هارو صحرا دَ اَبَر آینده و صَبا تَندَ دَ سوجِسه بی، هِمنَه پوشونِه، ای کم ایمانون مگم شَماهون چاکتر از اَم نِپوشونه؟
31«پس نگران مبا و موایا که چه بُخروم یا چه آخروم و یا چه دِکَروم. 32چون بت پرسته،همَّه هِمنَه چیون پش گردِنده، امّا شَما آسمانی په زونه که شَما همَّه اَم چیون احتیاج دارا. 33بلکم اول خدا پاتشاهی و چو عدالت پَش ببا، اُخُری همَّه چی شَماهون آدی 34پَس صَبا را نگران مبا. صَبا اِشتن نگرانیون داره. هارو مشکلات، هارو را وَسِنده!
ទើបបានជ្រើសរើសហើយ៖
انجیلِ مَتّی 6: KTT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company