ယောဟန် နိဒါန်း။
နိဒါန်း။
ယောဟန် ကဖေါႏနယ်ဖေႏဒါႏ သတင်ꩻဟဝ် ယောဟန်ကျမ်ꩻနဝ်ꩻ ၊ “ဗွေႏယေသျု ခံႏထူႏ လိုꩻဇာႏတိတဲင် အုံငီꩻအဝ်ႏရဝ်းစွဉ်ႏ နီအကို၊” နုဲင်းကျမ်ꩻ ကအဝ်ႏရိုꩻဒါႏ၊ ကအဝ်ႏတဲမ်းသေꩻခါꩻ သတင်ꩻဟဝ်ယိုနဝ်ꩻ ထွာဒျာႏ ဗွေႏဘုရာꩻ ထာဝရ နုတ်ကပတ်တောႏနဝ်ꩻသွူ။ ဖေႏနေး လိတ်ဖတ်သားဖုံႏ ကယွုမ်းဒျာႏ ဗွေႏယေသျုနဝ်ꩻထွာ ကအွဉ်ႏဂတိသေꩻခါꩻဒါႏ ထာꩻကယ်ႏတင်ႏဗွေႏ၊ ဖေႏနေး လိတ်ဖတ်သားဖုံႏကယွုမ်း ဗွေႏဘုရာꩻပိုခိုတဲင် စွဉ်ႏဝွေꩻသီးထာꩻယွုမ်း ဝွေꩻဗွေႏနဝ်ꩻ ယံဖေႏဝွေꩻသီးကလꩻ အသက်သွူ(၂၀:၃၁)။
ဗွေႏယေသျုနဝ်ꩻ ထွာဗွေႏဘုရာꩻ နုတ်ကပတ်တောႏကျောင်ꩻ တယ်ႏလွေꩻနိဒါန်းထွူ ကျမ်ꩻယိုပထမကွို့ꩻနဝ်ꩻ ဗွေႏယေသျုနဝ်ꩻထွာ ဗွေႏဘုရာꩻပိုခို ထာꩻကယ်ႏတင်ႏ ဂတိတောႏကျောင်ꩻ သတင်ꩻဟဝ်နဝ်ꩻ ဖေါႏနယ်သက်သေႏ နိမိတ်လက္ခဏာႏဖုံႏသွူ။ နဝ်ꩻထွူ ကသျင်ꩻနယ်ဖေႏဒါႏ နိမိတ်လက္ခဏာႏဖုံႏ အဓိပ္ပါယ်ႏနဝ်ꩻ ဒင်ႏနယ် ဒေါ့ꩻရီအုံကွံဝင်ꩻ ခန်ꩻနဝ်ꩻသွူ။ ကျမ်ꩻအုပ်ကို အခန်ꩻယိုနဝ်ꩻ ဖေါႏနယ်ပါ လိုꩻယင်ဟန်ႏ ယွုမ်းလွဉ် ဗွေႏယေသျုတဲင် ထွာလွဉ်ဝွေꩻဗွေႏ တပဲ့တောႏဖုံႏသွူ၊ အလင်ဖုံႏနဝ်ꩻ တယွုမ်းတဝ်း ဆန်ချာဝွေꩻဗွေႏတဲင် ပယ်ႏဒျာႏ ဝွေꩻဗွေႏနဝ်ꩻသွူ။ အခန်ꩻတန်၁၃-၁၇နဝ်ꩻ ဖေါႏနယ်ဖေႏဒျာႏ ကအီႏဆွမ်ꩻဒါႏ ဝွေꩻဗွေႏအဟာနဝ်ꩻ ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏနဝ်ꩻ မာꩻဖဉ်းမွိုတ် ဟဝ်မွေးနေးစွဉ်ႏဝင်ꩻတဲင် ကအီႏမာꩻသီဝွေꩻဗွေႏ ကင်းထွန်ႏလောင်း ဥပုသ်နီꩻတာႏနဝ်ꩻ ဝွေꩻဗွေႏ ဒေါ့ꩻတမာ ဖေႏအာႏသေꩻမꩻ ဝွေꩻသီးငဝ်းဖုံႏသွူ။ အသွတ်ꩻခန်ꩻဖုံႏနဝ်ꩻ ဖေါႏနယ်ဒျာႏ ဆွမ်ꩻဗွေႏယေသျု၊ မာꩻသီဝွေꩻဗွေႏ ကင်းထွန်ႏလောင်းတဲင် ထွိုင်ႏမွန်လွဉ်ချာတွော့ꩻ ပေါႏနယ်ဖေႏ ဝွေꩻဗွေႏ တပဲ့တောႏဖုံႏနဝ်ꩻသွူ။
ကျမ်ꩻအခန်ꩻ(၈:၁–၁၁)ကို ကပါသော့ꩻဒါႏ ဆွမ်ꩻလꩻလိုꩻမူႏ စာအံႏနမ်း ရာႏဇဝင်ႏနဝ်ꩻ ကျမ်ꩻမူလီꩻကို တပါသော့ꩻတဝ်းနဝ်ꩻမꩻ အွဥ်ႏသော့ꩻနေးဒျာႏ စူမီႏကွင်ꩻကိုနဝ်ꩻသွူ။ ကျမ်ꩻမူလီꩻ ယင်ဟန်ႏနဝ်ꩻ သော့ꩻတောဒျာႏ ခင်ႏလမ်းလင်ကိုသွူ။
ယောဟန်ကျမ်ꩻနဝ်ꩻ တဲမ်းအွဉ်ႏရေꩻသန်ဒျာႏ စွဉ်ႏဗွေႏခရစ်တောႏတွော့ꩻ ကလꩻဒါႏ ထာဝရအသက်နဝ်ꩻသွူ။ ဗွေႏယေသျုနဝ်ꩻထွာ တဖူꩻ၊ ထွာသမ္မာႏတရာꩻ၊ ထွာအသက်၊ လိုꩻကခံႏထူႏ လွဉ်ꩻသားဖုံႏနဝ်ꩻ တယ်ႏယိုခါကာႏ လꩻထာဝရအသက် ဆုကေꩻဇူꩻနဝ်ꩻသွူ။ ယောဟန် ကတဲမ်းမတ်ခါꩻ ကျမ်ꩻအချက် ဆန်ꩻခေါ်ဝင်ꩻနဝ်ꩻ တွမ်ႏနီလိုꩻစွုမ်ႏဖြာꩻ ကမော့ꩻခွဲခွိုတ်ꩻဒါႏ ကိစ္စတွမ်ႏ ဝိညာဉ်ႏရေꩻရာႏ ထီ၊ တခိုးခရာႏ၊ ထာꩻလေခရာႏ၊ သွိုꩻတီသားတွမ်ႏ သွိုꩻဖုံႏခရာႏ၊ တဗဲစ်မွူးတွမ်ႏ တဗဲစ်ရာႏဖုံႏခရာႏနဝ်ꩻ သွုံꩻအီဥပမာႏတွော့ꩻ ဖေါႏနယ်ဖေႏ ကယော့ဆုံးငါႏ အဓိပ္ပါယ်ႏဖုံႏနဝ်ꩻသွူ။
အကျောင်ꩻခရာႏအအဲဉ်ႏ
ငဝ်းတယ်ႏအွဉ် (၁:၁–၁၈)
ဗတ္တိဇံႏဆရာႏယောဟန်တွမ်ႏဗွေႏယေသျုတပဲ့တောႏအရီးသွတ်ꩻ (၁:၁၉–၅၁)
ဗွေႏယေသျုမာꩻဖေႏလိုꩻအမျာꩻအမုတောႏထာꩻမာꩻ (၂:၁—၁၂:၅၀)
ဝေင်ꩻယေရုသလမ်ႏအသောင်အထျꩻတွမ်ႏအဆုဲင်ꩻသွတ်ꩻနီꩻ (၁၃:၁—၁၉:၄၂)
ဗွေႏဘုရာꩻထွိုင်ႏမွန်တွမ်ႏပေါႏနယ်ဝွေꩻနမ်း (၂၀:၁–၃၁)
ကဒေါ့ꩻငဝ်းအဆုဲင်ꩻသွတ်ꩻ၊ ပေါႏနယ်ထင်ႏသျာꩻဖေႏယင်းအနမ်း ကာလိလဲခမ်းကိုတလဲင်ႏ၊(၂၁:၁–၂၅)
ទើបបានជ្រើសរើសហើយ៖
ယောဟန် နိဒါန်း။: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.