متى 7
7
1ما تحكموش ع الناس عشان مينحكمش عليكو 2لأنو زي مبتحكمو رح ينحكم عليكو وزي مبتوزن غيرك رح تِتوَزن 3كيف بتطلع عالوسخه الزغيـره اللي في عين أخوك وفي خشبة كبيـرة في عينك وانت مش شايفها؟ 4وكيف بتقول لأخوك خلينـي أطلّع الوسـخه الزغيـره من عينك وفي خشبه كبيـره مسكره عينك؟ 5يا اللي بتحكم عغيـرك وبتحكمش عنفسك طلّع بالأوّل الخشبه من عينك عشان تقدر تشوف منيح الوسخه إللي في عين أخوك. 6تعطوش الإشي الـمقدس للكلاب النجسه وتكشفوش اللآلئ قدام الخنازير. لأنو الخنازير راح تدعس عليها والكلاب راح تهجم عليكو.
7أُطلبو بتوخذو، دَوْرُو بتلاقو، ودُقو على الباب بفتح 8لأنو كل واحد بطلب بوخذ واللي بِدَوِّر بلاقـي واللي بدُق على الباب راح ينفتحلو. 9طيب إذا واحد منكو بطلب إبنو منو خبـز بيعطيه حجر؟ أكيد لأ. 10وإذا بطلب سمكه بعطيه حيه؟ طبعاً لأ. 11إنتو أشرار وبتعرفو تعطو ولادكو هدايا منيحه طيب كيف أبوكو السماوي؟ هو راح يعطي الخيـر لكل اللي بيسألوه. 12عاملو الناس زي ما بتحبو يعاملوكو. لأنو هذا هو مختصر تعليم التوراه والأنبيا.
13فوتو من الباب الزغير لأنو نهاية الباب الكبيـر والشارع الواسع هي الهلاك. وكثار إللي بفوتو منهن. 14بس الباب إللـي نهايتو الحياة ضيّق عالآخر وطريقو صعبه. وقلال إللي بيلاقوه.
15ديرو بالكو من القادة الكزابيـن. بيجو لابسين أواعي الغنم وبقلوبهن متخبيه ذئاب شرسه. 16راح يبينو من ثمرهن. فكركو الأعشاب اللي بتغز بطّلع قُطف عنب والشوك بطّلع تين. طبعا لأ. 17يعنـي كل شـجره منيحه بتطّلع ثمر منيح بس الشـجره الـمعفنه بتطلع ثمر عاطل. 18بتقدرش الشـجره الـمنيحة تطّلع ثمر عاطل ولا الشـجره الـمعفنه تطّلع ثمر منيح. 19كل شجره ما عندهاش ثمر منيح راح تنقطع وتنـزت بالنار. 20باختصار، راح ينكشفو من ثمرهن.
21مش كل واحد بيقولي يا رب يا رب راح يفوت عمملكة السما. إللي بفوت هو إللي بيعمل شو أبوي السماوي بدو. 22كثار راح يقولولي في يوم الحساب يا رب يا رب إحنا باسمك تنبأنا وطلّعنا شياطيـن وعملنا عجايب كتيره. 23وقتها راح أقولهن بعرفكوش بالـمرّة. إبعدو عنـي — إنتو إللـي بتطيعوش الوصايا.
24أي واحد بسمع كلماتي وبعيش عأساسها بكون إنسان فهمان بنـى بيتو عالصخر. 25ولما زخت الدنيا شتا وفاضت الـمـي وعصفت الرياح عالبيت موقعش لأنو أساسو إنبنى عالصخر. 26أما إللي بسمع كلماتي وبتجاهلها فبكون إنسان غبي بنـى بيتو عالرمل. 27فلما أجا الشتى والفيضانات والعواصف وضربو البيت وقع. وانهد البيت عالآخر. 28ولما خلّص يسوع حكي كانو الناس مصدوميـن من تعليمو 29لأنو ما كنش يعلم زي طريقة الـمعلميـن التانييـن واعتمد بس عسُلطتو.
ទើបបានជ្រើសរើសហើយ៖
متى 7: CGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Colloquial Galilean Bible © 2025 The Arab Israeli Bible Society
ترجمة الكتاب المقدس باللهجة العامية الجليلية © 2025 دار الكتاب المقدس في الناصرة