LUK 4
4
BA MEKE YEZU
(Mt. 4:1-11; Mk. 1:12-13)
1Tang atwé Yezu mu mbwetsi wa Yordani. kungwe la mbotiki yandé, Mfinzi ya mikiel, yakiali andi nde, Mfinzi ya mikiel yamutwali mu kibère ka nsé. 2Yezu wa we mu kibere ka nsé bilwomo makweme ma nang, Satani ma mumeke. Mu tang lani lanswene loka ndé wadi ata kimi. Tang alé bilwomo biani umawo nzali. 3Satani umusiama: «Le nze wele Mwani wa Nzem, musiami mukulu wo ukierela limpa,» 4Yezu wa mufirili é «yaswenama le: Mundu lokande uyi zingi mu limpa mpiere kasi mu ndaa ya yanswene ya Nzem.» 5Kungwe, Satani uma mutwali nswali kibene mu mong, wa bwele, wa muswo bimfumu bianswene bia ndie la meine. 6Satani wusiama Yuzu, mè ngi kupà bimfumu andi nkembe ya nsi yanswene, munga bia pelama kwelé mè, se mè malende kupà wo nzola mè. 7Le nze ma kumisi mè, bimi bianswene biyi kali bia nze. 8Yezu wafirili Satani: yaswenama le nze «fwete kumisi Mfumu Nzem wanze, se fwete kierilé nde mpiere. 9Tang le Satani wa twali Yezu kumbanzi ya Yelusalem. Uma musà mu kibo kanswè la yeng la tempele. usiama Yezu:» le nze welé masongo mwani wa Nzem; lèlè; tolo pani. 10Munga yaswenama mu masonama Uyi pà nswa,, kwelé Bawanzio ba ndé buyi kukiebe andi ku kuderé. 11Bawanzio buyi kusiene kumio mia bà, munga kwolo lanze likono kubwelila mu mukulu. 12Yezu umufirila: mutindi banswene se mu masonama le: nze lokanze ma fwete meke mfumu Nzem wanze.» 13kungwe la ku mumeke mpili yani amwene Satani, wa musisi mwa kwele wawè kandé
KISALI KA YEZU KU GALILEYA
Yezu wa yandiki kisali kandé
(Mt. 4:12-17; Mk. 1:14-15)
14Yezu, wa silafuru ku meine ma Galileya mu ngolo ya Mfinzi ya mikiel, mampeine ma ndé ma tambili mu ndambi yanswene. 15Wakiali wu longa kibo kakimvuku ka bayuda, bandi banswene bu kumisa ndé.
(Mt. 13:53-58; Mk. 6:1-6)
16Yezu wa we kumbanzi ya Nazarete. Kwani akwelé ndé, Mu kilwomo ka kupeme wa we wini kibo kakimvuku ka bayuda mpili wakiera tobo wa miarika mu muni mu kutang masonama. 17Kungwe ba mupà mukandi wa ngianzi Yezaya. wa musorolo wa tang kibo kiani yaswenama: 18Muwungu ya Mfumu Nzem wlé kwelé mè, munga wa ngwobo mè munga kulongo nsangi ya mbote kwelé ba mbolo. Wa ntome mè munga kulongo le bandi ba nzo ya nkoro buyi bawetse; le bifha misi biyi mono, bandi bani buniokola bani buyi bawetse 19Bubwani tang la lugulusu la Mfumu Nzem layi. 20Kungwe, wabiami mukandi, wapà kwelé nsari, wabianzi. Bandi banswene bakiali mubo la kibo kakimvuku ka bayuda badereka ndé. 21Bubwani ndé ubala:» nobo biswene bia kibo kie bia lwing tang la wo be mè bitanga. 22Bandi banwene bakiali pani batwere mbote munga ndé bayitiki mu dienge la ma ndà atwere nde. Ba fulu le welé mwani wa Yozef? 23Yezu wa bashami:» Mè mu ngieba le be linsiami kingani kie; Mungangi bizwinisi nzekakwa, kiere mu mbanzi ya nzekakwa bimpa baini kawé bisi akiere nze ku Kapernawume. 24Usila bashama:» mè lishama mu masongo, lokakwa kwelé andi ngianzi mwesi bakese kubwali la ndé. 25Mè lishama mu masongo manswene; mu tang la Elia, akiali andi bakandi ba nkwidi bavul ku Yisalaele; mu tang babiami yolo munga mvul loka wa wanweka mvul tari tii banswene; Nzali ya ngolo ya wini mu nsi yanswene 26Mu tang lani; Elia loka bà ba mutwemene ata kwelé mukandi mwesi; kaka kwelé mukiatsi wani afhi mudime wakiali nkwidi wa mbanzi ya Serepta; mu nsi ya Sidono, 27Akiali andi bingisi biavul kubwali la Yisalaele mu tang la Ngianzi Elisee tang lé ata mwesi mubo la bà loka ndé wa zwinisi mundu; kaka Naamana#4:27 Naamana Naamana loka ndé wakiali muyuda mundu wa meine ma Siriya,» 28Tang awé bandi banswene bakiali mu kibo kakimvuku ka bayuda bimi atwera ndé bawo buporo bavul. 29Bamari ba muyiri kunsà ya mbanzi ya bà, batwali Yezu tii kunswe ya mong; kibo batwé mbanzi ya bà, mu mpili ya ku mupinzi mu mong 30Kasi Yezu uma lèe mu bobo la bandi; uma we.
Yezu wa yiri ma mfinzi ma mbi se wa zwinisi bandi ba bukiali
(Mk. 1:21-28)
31Wawè ku Kapernawume yani yelé mu meine ma Galileya; ulonga mu kilwomo ka kupeme. 32Tang alwenga Yezu bandi bayitika kimfumu akialakia ndé mu kulonga. 33Tang le mubo la kibo kakimvuku ka bayuda kiani; mundu mwesi wakiali andi muwungu wa mbi; wasà mikwè mu ndaa ya ngolo: 34«Ah! Nze nkie zola kwelé bisi; Yezu wa Nazarete? Nze ayi munga bisi kito kuzingi? Mè mu ngieba le nze welé nà. Nze welé Santu wani atwemi Nzem,» 35Yezu wa ngianini Muwungu wa mbi (ubala): «Biami munu wanze; two munoro ya mundu wo. Tang le muwungu wa mbi wa pinzi mundu mubo la bandi, watwo kwelé mundu wani ata ku mukiere kimi ka mbi lo. 36Bandi banswene bayitiki butora bà-bà: «Nà malongo mà melé ti Kimfumu kavul ti ngolo ya kungianini miwungu mia mbi; mia se miatwo munoro ya bandi!»
37Bubwani nsangi ya Yezu ya patsila mu ma nzwungu mani.
(Mt. 8:14-17; Mk. 1:29-34)
38Le atwé ndé mu kibo kakimvuku ka bayuda, kilwomo kiani Yezu wawè kunzo ya Simono. Kwani wamono buko wa Simono wa mukandi wakiali wubiela ngolo ba musiami munga umuzwunisi. 39Bubwani Yezu wabianzi mumbimi ya ndé se wa ngianini bukiali, se ba mutwo mbalimwese. Mukandi wamiari nswali wa yandiki ku mukierele. 40Mu kuziami ka tang; bandi banswene bakiali andi bukiali ba kisaka-saka bayà batwali kwelé Yezu, ubasaka mio konso mundu wa ba zwinisi banswene. 41Akiali bandi ti miwungu mia mbi. Miwungu mia mbi miatwo kwelé bandi bavul andi kusà mikwè: «Mwani wa Nzem welé Kristu,» Kasi mutindi bayeba bà le ndé wakiali Ngulusu ndé ubasiama likiali kimpimbi. 42Mu kilwomo ka kulabi, Yezu mawè mu kibère ka nsé. Bandi ba mudie ndambi yanswene tang amumwene bà ba mu bwenze munga wuto ku ba tié. 43Kasi Ndé wu musiama:» mè mfwete longo se nsangi ya mboto ya kimfumu ka Nzem mu ma mbanzi masà, munga Nzem wa ntweme munga mampeine mwene. 44Kungwe wa labi kuya longo kibo kakimvuku ka bayuda ba ndambi yanswene ya Yudeya.
ទើបបានជ្រើសរើសហើយ៖
LUK 4: SOO
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.