LUK 3
3
KUYILAMA KA KISALI KA Yezu
Zaa Mbotiki ntumwa wa Nzem
(Mt. 3:1-10; Mk. 1:1-6)
1Akiali mumvul ya kweme andi tene ya liyali la Ampelere Tibere; Ponso Pilate wakiali Mfumu wa ndambi ya Yudeya, Erodi wakiali Mfumu mu meine ma Galileya se mpeing wa ndé Fripo wakiali Mfumu wa meine ma Ituré andi trakonite; Lisaniasi wakiali Mfumu ku meine ma Abilene. 2Ana ti Kaifa bakiali ba nganga nzem ba banene. Mu tang lilani nsangi yimwese yatwé kwele Nzem ya siama kwele Zaa, mwani Zakadia, wakiala mu kibère ka nsé. 3Babwani Zaa wawè ku meine ma Yordani wa balongo kusiene mbotiki ya kubumu miteme munga ndololo ya masomo; 4Mutindi yaswenama mu mukandi wa ma ndaa ma ngianzi Yezaya, Yelé ndaa yisaka mikwè mu kibère ka nsé. Liyiri nzili ya Mfumu Nzem; liswengisi binzili biandé, 5Konso kiwandi kiyi zikila, konso being se konso mong wuyi silila. Manzili ma kabené muyi silila manzili manswene ma mikulu muyi silila. 6Bandi banswene buyi mono lugulusu la Nzem, 7Zaa wamwene bandi buyaka muku ti siene mbotiki se wubala abo: be lelé anga bani ba bantetse ba buporo. nà ma lishami mu kutini buporo bà belé kuboso 8Liswe mu mpili ya be ya lizingi le be labwimi miteme mu ma masomo ma bè la wè kwelé Nzem. Loli toro le:» bisi kielé ba kagiebama, munga bisi kielé batili ba Abalayam.» loka yà yitora ata kimi. munga mè lishama, Nzem fwete ku miarisi bani ba Abalayam kaka mubo la mikulu mié. 9Soko la yilama munga kutsulu mute yandiki ku misasi; Mute wanswene wani ampa bora mbeing ya mboto buyi mutsulu se ba mupinzi ku mbaa.» 10Bandi bu mufulu: «Bisi kikiere ambwe sa, munga mu kutini ndolo ya Nzem 11Nde ubafirila: «Wo wele andi binkutu biele ukiabi andi wani umakono: wani se wele andi bisa bia kudia ukiere kitese kimwese» 12Ba kalaki ba bitari; baya mu kusiene mbotiki; bu musiama: «Longo bisi kikiere ambwe?» 13Lo kukwése kimi mundie la bie ba lipe nswa mu kukiere. 14Bapumbulu basà Bamufili: «aBisi? nkie ka fwete kukiere? Ndé wu bashama:» lo kuwolo nzimi ya mundu mu bwere se lo kufundu mundu mu bumpali. Liwé kiese mu lifutu labè. 15Bandi banswene bazili kuyà ka ntini ka kristu, bandi ba yandiki kuyindili le Zaa mbali yasà akiali Kristu. 16Bubwani Zaa ubasiama: «Mè lipaka mbotiki mu manza; kasi mundu uyaka wo wele bwere banga lé mè; mè loka mè kufene mu kusorolo mising mia sabati la ndé, Nde uyi libotiki ti mfinzi ya mikiel, 17Welé mfinama mu kukabi mbeing ya blé andi nkaa. Kungwe, uyi yungulu, wasiene mbeing ya blé wasà mu kitungu kasi wa fumbu bitiere ku mbaa ya kimakolo.
18Bubwani, andi ku bapà kikese kavul, Zaa wa longo nsangi ya Nzem kwelé bandi,
(Mt. 14:3-4; Mk. 6:17-18)
19Zaa wa bangiki Erodi Antipasi kumisi mia bandi, ntwarisi wa meine ma Galileya, munga wa kwèle Erodiati, mukiatsi wa mpeing wa ndé, munga se mambi mavul akiere ndé. 20Kungwe Erodi wakieri mpeine yimwese yambi ya kalenina, mu mutindi asi nde Zaa munzo nkoro.
Yezu wasiene Mbotiki
(Mt. 3:13-17; Mk. 1:9-11)
21Tang ashene bandi banswene mbotiki, Zaa se wa botiki Yezu. Tang akiali Yezu mu bisambi, yolo lasorola, 22Mfinzi ya mikiel wa tolo mundie la Yezu mu kifa ka lipombo, Ndaa yimwese buwoka ku yolo ibala: «Nze wele mwani wa mè wa lizolo nze wele ti nswa yanswene mè ma kupa,»
Ba nkaa ba Yezu
23Yezu wakiali andi mvul makweme matari tang le ayandigi nde kisali ka Nzem. wakiali mutindi ayindila bandi, mwani wa Yozef; mwani wa Elia, 24Mwani wa Matthat, Mwani wa Lewi Mwani, Melki Mwani wa Yannai, Yonnai Mwani wa Yozef. 25Yozef wa mwani wa Matiasi, Matiasi mwani wa Amosi; mwani wa Nahum; mwani wa Esli; mwani wa Nagayi; 26mwani wa Maat; mwani wa Matiasi, mwani wa Seme, mwani wa Yoseke, mwani wa Yoda, 27Mwani wa Yowanani; mwani wa Resa; mwani wa Zorobabel; mwani wa Seyatiel; mwani wa Neri 28Mwani wa Melchi; mwani wa Addi; mwani wa Kosam; mwani wa Elmadam: mwani wa Er 29Mwani wa Yosesi; mwani wa Eliezer; mwani wa Yeremi; mwani wa Mata; mwani wa Lewi; 30Mwani wa Simeyoni; mwani wa Yuda; mwani wa Yozef; mwani wa Yonami; mwani wa Eliakimi 31Mwani wa Melea; mwani wa Menna; mwani wa Matata; mwani wa Nathan; mwani wa Dawidi 32Mwani wa Isayi mwani wa Obedi; mwani wa Booz; mwani wa Salomono; mwani wa Nachshon, 33Mwani wa Aminadabi; mwani wa Admini; mwani wa Arni; mwani wa Hetsrom; mwani wa Perets; mwani wa Yuda 34Mwani wa Yakobo; mwani wa Kizaki; mwani wa Abalayam; mwani wa Tara; mwani wa Nachor; 35Mwani wa Seruk; mwani wa Ragau; mwani wa phalek; mwani wa Eber; mwani wa Sala; 36Mwani wa Kainami; mwani wa Apacha; mwani wa Sem; mwani wa Nowa; mwani wa Lametsi 37Mwani wa Mathusala; mwani wa Henoc mwani wa Jared; mwani wa Maleleel; mwani wa Kainan 38Mwani wa Henos; mwani wa Set; mwani wa Adam; mwani wa Nzem,
ទើបបានជ្រើសរើសហើយ៖
LUK 3: SOO
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.