LUK 2
2
Libutuku la Yuzu
(Mt. 11:18-25)
1Mu bilwomo biani; Ampelere wa Roma Kayisali wapà nsik le bandi banswene buzinga mu meine ma kimfumu ka Roma bafwete sweneke mazini; 2Kirisi wakiali mfumu wa meine ma Siriya. 3Bubwani mundu wanswene wa we ku kisini ka bwali labà nkà ba ndé munga kusweneke zini la ndé. 4Yozef wakiali mutili wa Ntotili Dawidi, tang le ndé (andi Madia) ba tié kubwali la Nazarete ku nsi ya Galileya munga kuwe kubwali la Beteleyeme ku meine ma Yudeya. munga Beteleyele, lakiali tobo bwali la Ntotili Dawidi munga Ntotili Dawidi wa bwitiki mu kibo kiani. 5Yozef wa we kwani munga kuswenikisi zini andi Madia wakiali mukiatsi wa ndé wakiali se andi zumu. 6Mu tang lé bakiali pani Madia miswo mia musimi; 7Waboro mwani wa ndé wa tobo wa bali, ndé wa mupiti masiani wa mubisi munzo bivami munga loka bà bakiali andi kibo munzo ya banzenze, 8Akiali mu ndambi yani se bandi bu dereka mameme ba biri mu mayuo munga kuderé mameme ma bà, 9Mu mbalimwese Wanzio wa Nzem wa ti batwekelé kwani se nkembe ya Nzem yavul isèma mubo la bà, bubwani bawo bomo bavul. 10Bubwani kasi wanzio Ngabidie ubasiama: «Loku liwo bomo; Mè lishama nsangi ya mboto. iyikali kisini ka kiese ka bandi banswene, 11Nobo le Ngulusu se wa bwitiki kubwali la Ntotili Dawidi welé Kristu, Mfumu Nzem. 12Dere mu nà kidimbi be liyi muyebe: Be liyimono mwani wa butuku; ba mupiti masiani ba mubisi mu kibo diaka bangombo. 13Mu mbali mwesi; kidiki ka Bawanzio katwé ku yolo bavukula andi wanzio, wa tobo Ba yandiki kukembili Nzem butora le. 14«Nkembe kwelé Nzem welé ku yolo, ngembe bundie la meine kwelé bani bu mupaka kiese! 15Tang atié wanzio Ngabidie mu kufuru kandé ku yolo; bandi bu dereka mameme butora baa-baa: «Tswena tii ku Beteleyeme munga kiwe yebe nkie bileka kwana; yani akishami Mfumu Nzem,» 16Ba sasiki mu kuwe bumona Madia andi Yozef andi mwani wa butiki ba mubisi bukibo diaka bangombo. 17Tang amwene ba ngungudi mwani, ba batelele yani atwere Wanzio munga mwani. 18Bandi banswene ba weka ma ndaa ma ba ngungudi bakiali buyitika. 19Kasi Madia usaka nzimbi ya mampeine manswene; uwisika ku muteme wa ndé, ulaba kuyindili munga bà 20Diagi bandi bu dereka mameme ba furu ti kuyangalala mu ngembe ya Nzem ti kumusikisi munga yanswene yani awé bà ti kumono kitese kimwese,
Batwali Yezu kunzo Nzem
21Tang alwingisi mwani bilwomo kinani; akiali tang la kukiese mwani: ba mupà zini la Yezu; zini le abashami wanzio kuboso la ndé mu kusiene zumu. 22Lé akwé tang la ku biwele mpili akiali mansik ma Moize. kukielela mpili alwema nsik ya Moize; Yozef andi Madia batwali mwani ku Yelusalem munga ku mutambiki kwele Mfumu Nzem, 23Mutindi yaswenama mu nsik ya Mfumu Nzem; Mwani wa tobo wa bali bafwete ku mu kitambiki kwele Mfumu Nzem 24Se bapà kitambiki mpili batwere mu nsik ya Mfumu Nzem:» Mitwene mia mapombo miele mutindi yaswenama mu nsik ya Mfumu Nzem. 25Munga akiali ku Yelusalem mundu mwese ba mubiela Simeyoni, Mundu wani wakiali wa masongo ti ki Nzem; wa zila tang lé ma fwete tiele Mfumu Nzem ntandi ya bandi ba Yisalaele mfinzi ya mikiel yakiali ti ndé», 26Mfinzi ya mikiel ya musiami le loka ndé wa fwete fha le loka ndé kumono Kristu. 27Simeyoni uma yà ku tempele; muwungu wa yamutwali, tang atitwali bibweri mwani wa mukieke Yezu munga kulwingisi kikomo kandé mutindi asweneke nsik; 28Simeyoni uma mono mwani Yezu wa musà kumio miandé; uma kembili Nzem ubala: 29«Tang le Mfumu Nzem fwete kuwetse mundu wanze wa kisali: wufhi mu ngembe nze alwingisi lizolo lanze kwelé mè. 30Munga misi mia mè mia mwene lugulusu lanze, 31Lugulusu mayili nze kuboso la bandi banswene, 32Wuyikali anga mwindi munga mu kuswo nseme kwelé bandi ampa belé Bayuda bubwani ndé kakwa wuyi pà nkembe kwelé bandi ba nze ba Yisalaele. 33Yozef ti Madia ba yitiki mu mpeine yé abasiami Simeyoni munga mwani wani Yezu. 34Kungwe Simeyoni wa basampulu usiama Madia; le Nzem waswele Mwani wo munga mu kuzwa bandi bavul andi kugulusu bandi bavul ba Yisalaele. Uyikali kidimbi yandiki kwelé Nzem bandi buyi mufirili mampeine. 35Bubwani yimwene mangindi ma kinsweke ma miteme miavul. Se nze yikali mu ntandi anga mbetsi yitsula muteme wanze. 36Mu tang lani akiali andi ngianzi mwese wa mukandi; zini la ndé Ana; mwani wa Panuel; mundu mu zumu la Aser. Wakiali muniende kibene, Wa zingi mvul nsambwari ti mudimi wa ndé kungwe la makwele ma bà, 37Wa nkwidi andi mvul makweme kinani andi nang wakiali kaka mubo la tempele mu kukumisi Nzem mpimbi mbwetsi. mu kibanzi to mu bisambi, 38Mu tang lani, wayà kwelé bà, wa yandiki kufurulu matondo kwelé Nzem se watoro munga Mwani kwelé bandi banswene bani bazila lugulusu la Yelusalem. 39Tang alwingisi Yozef andi Madia mampeine mani maswenama mubo la nsik ya Mfumu Nzem, ba furu ku meine ma Galileya kumbanzi ya Nazarete, 40Mwani Yezu wakwéle se wayà bwere; wakiali andi mayele makalenina se ma sampulu ma Nzem makiali andi ndé.
Yezu mubo la Nzo ya Nzem
41Bibweri bia Yezu biaweka konso mvul ku Yelusalem munga kuta nkienze yani babiela Paki la bayuda. 42Tang, malwingisi nde mvul kweme andi yuele nde andi bibweri biandé bawe mu nkienze yani kumbanzi ya Yelusalem mu mutindi bakiera. 43Kasi tang mawa nkienze, bu ma furu, kasi mwani Yezu umasali ku Yelusalem akona kuyebe ngwene ti Yozef akona kumono. 44Bibweri biandé ba yindila le wakiali andi ba mbayi ba ndé bani ba tembela andi ndé, ba tambili kilwomo ka mutsini se kungwe ba yandiki ku mudie kwelé bibweri biandé andi ba mbayi ndé. 45Tang le bibweri biandé loka bà ku mumono; ba silafuru ku Yelusalem munga kudie Yezu. 46Kungwe la bilwomo bitari, bawe mumono mu muwangi wa tempele wabianzi mubo la balongo ba bayuda, ubawoka se wu bafula miliabi. 47Bandi banswene baweka ndé, buyitika mayele ma ndé ti ma mvutu ma ndé. 48Tang ma mumono bibweri biandé, bu mayitiki; Madia ma mufulu: «Mwani wa mè, nkie ma kikierile abo? Tara nze andi mè kayà kudieka ti bomo.» 49Ndé ubasiama: «Munga nkie be liyandieka? Be loka be liyeba le mè ma fwete kieri mampeine ma tara mè?» 50Kasi lokaba bayeba nkie wa bashami. 51kungwe wu mawè andi bà ku Nazarete wa balemfekele. Ngwene Madia uwisika bimi bianswene ku muteme wa ndé. 52Yezu wa kwelé mbalimwese munoro se andi mu mayele, wa nungu kiese ka Nzem andi ka bandi.
ទើបបានជ្រើសរើសហើយ៖
LUK 2: SOO
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.