ရှင်လုကာ 5
5
အခန်း (၅)
ပထမဆုံးတပည့်တော်တိ
(ရှင်မဿဲ ၄:၁၈-၂၂။ ရှင်မာကု ၁:၁၆-၂၀)
1တစ်ရက်နိန့်ခါ ကိုယ်တော်ယေရှုဟာ ဂင်္နေသရက်ရီအိုင်#5:1 ဂင်္နေသရက်ရီအိုင် ဂါလိလဲရီအိုင်ရဲ့ နောက်ထပ်နာမေတစ်ခုဖြိုက်ပါရေ။ နားမာ ရပ်တော်မူနီရေအခါ လူပရိတ်သတ်တိဟာ ဘုရားရှင်ရဲ့ နှုတ်ကပတ်တော်တိကို ကြားနာဖို့အတွက် ကိုယ်တော်ရဲ့ဘေးနားပတ်ပတ်လည်မာ ကြိတ်ကြိတ်တိုးစုလို့ရောက်နီကတ်တေ။ 2ယေပနာ ကိုယ်တော်ဟာ ကမ်းနားမာ ကပ်ထားရေ ငါးဖမ်းလောင်းနှစ်စီးကို မြင်တော်မူခရေ။ ငါးဖမ်းသမားတိဟာ လောင်းထက်ကဆင်းပနာ ငါးဖမ်းပိုက်တိကို ရီဆီးနီကတ်တေ။ 3ယေခါ ကိုယ်တော်ယေရှုဟာ ယင်းလောင်းနှစ်စင်းထဲက ရှိမုန်ရဲ့လောင်းထက်ကိုတက်လာပနာ လောင်းကို ကမ်းကနီ တကေလောက် ခွါဖို့ မိန့်ဆိုလိုက်တေ။ ယေပနာ သူဟာ လောင်းထက်မာထိုင်ပြီးကေ လူတိကို ဟောပြောသွန်သင်ခရေ။
4ယင်းပိုင်ဟောပြောသွန်သင်ပြီးရေအခါ ကိုယ်တော်ဟာ ရှိမုန်ကို “လောင်းကို ရီနက်ပိုင်းကို လှော်ပနာ ငါးဖမ်းဖို့အတွက် အသင့်ပိုက်ကွန်ကို ချလိုက်ပါ” လို့မိန့်တော်မူလိုက်တေ။
5ရှိမုန်ကလည်း “ဆရာ၊ ကျနော်ရို့ တညဉ့်လုံး ပင်ပင်ပန်းပန်းကြိုးစားပြီးကေ ငါးဖမ်းခတာလဲ ကျွန်တော်ရို့ ငါးတစ်ကောင်လဲမရခပါ။ ယေတာလဲ ဆရာက လုပ်ခိုင်းတဲ့အတွက်ကြောင့် ပိုက်ကို ထပ်လို့ချလိုက်ပါမေ” လို့ဖြေလိုက်တေ။
6ယင်းပိုင်နဲ့ သူရို့ဟာ ငါးဖမ်းပိုက်ကို ချလိုက်တေခါ ပိုက်တိပြဲလောက်အောင် ငါးတိအများကြီး ဖမ်းမိကတ်တေ။ 7ယင်းကြောင့် သူရို့ဟာ အရာလောင်းတိထက်မာဟိရေ ငါးဖမ်းသမားအပေါင်းအသင်းတိကို သူရို့ကို ကူညီဖို့အချက်ပြလိုက်တေ။ ယင်းလူတိရောက်လာကတ်ပနာ ငါးတိကို လောင်းနှစ်စီးစလုံးထဲမာ ထည့်ကတ်ခါ သူရို့လောင်းတိဟာ မြုပ်လောက်အောင်ဖြိုက်လားခရေ။
8ရှိမုန်ပေတရု#5:8 ရှိမုန်ပေတရု ရှိမုန်ကို ကိုယ်တော်ယေရှုက ပေတရုဆိုရေ နာမေကို ပီးပနာ ဟေဘရူးဘာသာစကား နဲ့ (Sephas) ကျောက်ခဲ လို့ အဓိပ္ပါယ်ရပါရေ။ ဟာ ဒေအဖြိုက်အပျက်ကို မြင်ရတဲ့ခါ သူက ကိုယ်တော်ရဲ့ရှေ့မာ ဒူးထောက်ပနာ “အရှင်၊ ကျွန်နော်ဟာ အပြစ်ဒုစရိုက်တိများရေလူဖြိုက်ဟာကြောင့် ကျွန်နော့်နားကနီ အဝီးကို ကြွလားတော်မူပါ” လို့လျှောက်လိုက်တေ။ 9အဇာဖြိုက်လို့ဆိုကေ သူနဲ့ အရာလူတိဟာ ဖမ်းမိရေငါးတိများအားကြီးလို့ အံ့ဩမဆုံးဖြိုက်နီကတ်ဟာကြောင့် ဖြိုက်တေ။ 10ယင်းထဲမာ ရှိမုန်ရဲ့အပေါင်းအပါတိဖြိုက်တဲ့ ဇေဗေဒဲရဲ့သားနှစ်ယောက်ဖြိုက်တဲ့ ယာကုပ်နဲ့ ယောဟန်ရို့လည်း အံ့ဩနီကတ်တေ။
ယပြီးကေ ကိုယ်တော်ယေရှုက ရှိမုန်ကို “မကြောက်ကေ့။ အဂုကစလို့ အသင်ဟာ ငါးဖမ်းဖို့အစား လူတိကို ငါ့နောက်လိုက် တပည့်တော်တိဖြိုက်အောင် စုကတ်ရဖို့”#5:10 လူတိကို ငါ့နောက်လိုက် တပည့်တော်တိဖြိုက်အောင် စုကတ်ရဖို့ မူရင်းကျမ်းမှာ လူတိကို ဖမ်းမိရေလူဖြိုက်လိမ့်မေလို့ ရေးထားပါရေ။ လို့မိန့်တော်မူလိုက်တေ။ 11ယပြီးကေ သူရို့ဟာ လောင်းတိကို ကမ်းထက်ကိုဆွဲတင်ပနာ ဟိသမျှတိကို စွန့်ပခပြီးကေ ကိုယ်တော်ရဲ့ နောက်တော်ကို လိုက်ခကတ်တေ။
အနာကြီးရောဂါသည်တစ်ယောက်ကို ပျောက်ကင်းစီခြင်း
(ရှင်မဿဲ ၈:၁-၄။ ရှင်မာကု ၁:၄၀-၄၅)
12တစ်ခါတုန်းက ကိုယ်တော်ယေရှုဟာ မြို့တစ်မြို့မာဟိနီခါ ယင်းမြို့မာ အနာကြီးရောဂါခံစားနီရတဲ့ယောကျာ်းတစ်ယောက် ဟိခရေ။ ယင်းလူဟာ ကိုယ်တော်ကိုမြင်ဟာနဲ့ ကိုယ်တော်ရှေ့မာ သူ့မျက်နှာကိုမြီကြီးနဲ့ထိလိုက်ပြီးကေ “အရှင်၊ အရှင်ဆန္ဒဟိကေ ကျွန်နော့်အနာရောဂါကို ပျောက်ကင်းအောင် ကုသပီးနိုင်ပါရေ” လို့တောင်းပန်ခရေ။
13ယေခါ ကိုယ်တော်ဟာ သူ့လက်ကိုဆန့်ပနာ ယင်းလူကို ထိလိုက်ပြီးကေ “ငါအလိုဟိရေ။ ပျောက်ကင်းစီ” လို့မိန့်တော်မူလိုက်ရေ။ ယပြီးဟာနဲ့ချက်ချင်း ယင်းလူရဲ့အနာကြီးရောဂါဟာ ကောင်းလားခရေ။
14ယေပနာ ကိုယ်တော်က သူ့ကို ဒေပိုင်မျိုးရောဂါပျောက်ခရေအကြောင်းကို တစ်ယောက်ကိုလေ့ မပြောဖို့ မိန့်မှာလိုက်ပြီးကေ “ပုရောဟိတ်ပါးကို လားပနာ အသင့်ရောဂါ ပျောက်ကင်းလားကြောင်းကို စစ်ဆေးခွင့်ပီးလိုက်ပါ။ ပြီးကေ အသင်ရဲ့ရောဂါပျောက်လားဟာအတွက် မောရှေပညတ်ကျမ်းမှာ ဖော်ပြထားရေအတိုင်း ပူဇော်တဲ့အမှုကို လားလို့လုပ်ခီပါ။ ယေမှရာ လူတိက အသင့်ရောဂါပျောက်လားရာဆိုဟာကို သိကတ်လိမ့်မေ” လို့မိန့်တော်မူလိုက်တေ။
15ယေတာလဲ ကိုယ်တော်ရဲ့သတင်းတိဟာ ပိုလို့ပျံ့လားဟာကြောင့် လူတိဟာ ကိုယ်တော်ရဲ့ဟောပြောသွန်သင်ချက်တိကို နားထောင်ဖို့နဲ့ မကျန်းမာဟာတိကို ကုသဖို့အတွက် ရောက်လာကတ်တေ။ 16ယေတာလဲသို့ ကိုယ်တော်ဟာ လူတိနဲ့ဝီးရေအရပ်ကို မကြာမကြာ လားပြီးကေ ဆုတောင်းလေ့ဟိရေ။
ကိုယ်တော်ယေရှု လီဖြတ်နီတဲ့လူတစ်ယောက်ကို ကုသပီးခြင်း
(ရှင်မဿဲ ၉:၁-၈။ ရှင်မာကု ၂:၁-၁၂)
17တစ်ရက်နိန့်ခါ ကိုယ်တော်ယေရှု ဟောပြောသွန်သင်နီတုန်း ဂါလိလဲပြည်နဲ့ယုဒပြည်မာဟိရေရွာတိနဲ့ ဂျေရုဆလင်မြို့ကနီ လာကတ်တဲ့ ဖာရိရှဲ#5:17 ဖာရိရှဲ ဖာရိရှဲဆိုဟာ ဂရိဘာသာစကား (Pharisaios-သီးခြားခွဲနီကတ်လူတိ)၊ ဟေဘရူးဘာသာစကားနဲ့ ခွဲခွါသူ၊ သီးသန့်နီထိုင်ရေလူလို့ အဓိပ္ပါယ်ရပါရေ။ ယေရှုခရစ်တော်ကာလမှာ သူရို့ဟာ ဘာသာရေးအာဏာရ အဖွဲ့အစည်းတစ်ခုအဖြိုက် အခိုင်အမာ ရပ်တည်ခကတ်ပြီးကေ နဂိုဦးတည်ချက်က ကွဲလွဲပနာ နောက်ပိုင်းမှာ ဘာသာရေး ဟန်ဆောင်ကိုင်းရှိုင်းရေလူတိ ဖြိုက်လာခကတ်တေ။ တချို့နဲ့ ကျမ်းတတ်ဆရာတချို့ဟာလည်း ယင်းနီရာနားမာ ထိုင်လို့ဟိကတ်တေ။ ဘုရားရှင်ဟာ လူတိရဲ့အနာရောဂါတိကို ပျောက်ကင်းစီဖို့အတွက် ကိုယ်တော်ယေရှုပါးမာ တန်ခိုးတော်ကို ပီးထားတော်မူခရေ။ 18ယင်းအချိန်ခါ လူတချို့ဟာ လီဖြတ်နီလူတစ်ယောက်ကို ဖျာထက်မှာ တင်လာပနာ အိမ်ထဲကိုယူလို့ ကိုတော်ရှေ့မာ ချထားဖို့ကြံကတ်တေ။ 19ယေတာလဲသို့ လူပရိတ်သတ်တိကြောင့် သူရို့ဟာ အိမ်ထဲသို့ ဝင်စရာလမ်းရှာမတွိ့ပဲ ဖြိုက်နီကတ်တေ။ ယင်းကြောင့် အိမ်ခေါင်မိုးထက်ကိုတက်ပနာ အမိုးကိုခွါပြီးကေ လူတိအလယ်မာဟိရေ ကိုယ်တော်ယေရှုရဲ့ရှေ့ကို ဖျာနဲ့အတူတူ လျှောချလိုက်ကတ်တေ။
20ယင်းလူတိရဲ့ ယုံကြည်မှုကြီးမာပုံကို ကိုယ်တော်မြင်ရေခါ လီဖြတ်နီရေလူကို “အဆွေ၊ အသင်ရဲ့အပြစ်တိကို ခွင့်လွှတ်ပီးလိုက်ယာ” လို့မိန့်တော်မူလိုက်တေ။
21ယေခါ ဖာရိရှဲတိနဲ့ ကျမ်းတတ်ဆရာတိက “ဘုရားရှင်ကို စော်ကားပြောနီရေ ဒေလူဟာ အသူရောင်။ ဘုရားရှင်ကလွဲလို့ တစ်ယောက်ကလဲ အပြစ်တိကို ခွင့်လွှတ်ပီးဟာတိ မလုပ်နိုင်” လို့တွေးနီကတ်တေ။
22ကိုယ်တော်ယေရှုဟာ ယင်းလူတိက ဒေပိုင်မျိုးတွေးနီဟာကို သိဟာကြောင့် ယင်းလူတိကို “အသင်ရို့ အဇာဖြိုက်လို့ ဒေပိုင်မျိုး တွေးနီကတ်ရောင်။ 23‘အသင်ရဲ့ အပြစ်တိကို ခွင့်လွှတ်ခံလိုက်ရယာ’ လို့ပြောဟာနဲ့ ‘ထလို့ လမ်းလျှောက်ပါ’ လို့ပြောဟာမာ အဇာက ပိုလွယ်ဖို့ရောင်။ 24ယေတာလဲ လူ့သားတော်#5:24 လူ့သားတော် လူ့သားတော်ဆိုဟာ ခရစ်တော်က ကိုယ့်ဟာကိုယ် တင်စားခေါ်ဝေါ်ဟာ ဖြိုက်ပါရေ။ ဟာ ဒေကမ္ဘာလောကမာဟိရေ အပြစ်ဒုစရိုက်တိအားလုံးကို ခွင့်လွှတ်နိုင်ရေအခွင့်အာဏာဟိဟာကို အသင်ရို့ကိုသက်သီပြမယ်” လို့မိန့်တော်မူလိုက်တေ။ ယပြီးကေ ကိုယ်တော်က လီဖြတ်နီတဲ့လူကို “အသင့်ကို ငါပြောမေ။ ထပါ၊ အသင့်ဖျာကိုယူပနာ အိမ်ကို ပြန်ပါ” လို့မိန့်တော်မူလိုက်တေ။ 25ယင်းပိုင်မိန့်လိုက်ဟာနဲ့ချက်ချင်း ယင်းလူဟာ လူတိအားလုံးရှေ့မှာ ထရပ်လိုက်ပနာ သူလှဲနီခရေဖျာကို ကောက်လို့သိမ်းပြီးကေ ဘုရားရှင်ကို ချီးမွမ်းပနာ အိမ်ပြန်ခရေ။ 26လူပရိတ်သတ်တိလည်း အံ့ဩပြီးကေ ဘုရားရှင်ကို ချီးမွမ်းကတ်တေ။ သူရို့ဟာ ကြောက်လန့်လားကတ်ပြီးကေ “ငါရို့ဟာ ဒေနိန့်ခါ ထူးဆန်းအံ့ဩစရာတိကို မြင်ပြီးကတ်ယာ” လို့ပြောကတ်တေ။
လေဝိကို ရွီးကောက်ခြင်း
(ရှင်မဿဲ ၉:၉-၁၃။ ရှင်မာကု ၂:၁၃-၁၇)
27ယပြီးကေ ကိုယ်တော်ယေရှုဟာ ယင်းနီရာက ထွက်လာတဲ့အခါ အခွန်ကောက်တဲ့ရုံးမာထိုင်နီတဲ့ လေဝိ#5:27 လေဝိ သူ့ရဲ့ အရာနာမေမှာ မဿဲလို့ခေါ်ပါရေ။လို့ခေါ်ရေ အခွန်ကောက်တေလူတစ်ယောက်ကို မြင်တော်မူခါ “ငါ့နောက်ကို လိုက်ခ” လို့မိန့်တော်မူလိုက်တေ။ 28ယင်းကြောင့် လေဝိဟာ ထပြီးကေ အားလုံးကို စွန့်ထားခပနာ ကိုယ်တော်ရဲ့နောက်ကို လိုက်ပါလာခရေ။
29ယပြီးကေ လေဝိဟာ သူ့ရဲ့အိမ်မာ ကိုယ်တော်ယေရှုအတွက် စားပွဲသောက်ပွဲကြီးကို ကျင်းပပီးပြီးကေ အခွန်ကောက်သမားအများကြီးနဲ့ အရာအာဂန္တုတိဟာ သူရို့နဲ့တတူ စားသောက်ခယေ။ 30ဖာရိရှဲတိနဲ့ သူရို့ထဲကကျမ်းတတ်ဆရာတိက ကိုယ်တော်ရဲ့တပည့်တော်တိကို “အသင်ရို့ဟာ ဒေအခွန်ကောက်တိ၊ အပြစ်ဒုစရိုက်သားတိနဲ့တတူ အဇာဖြိုက်လို့ စားသောက်နီကတ်ရောင်” လို့ဝေဖန်ပြောဆိုကတ်တေ။
31ကိုယ်တော်က သူရို့ကို ပြန်ဖြေခဟာက “ကျန်းမာရေလူတိအတွက် ဆီးဆရာမလို။ ယကေလဲ နီမကောင်းရေလူတိကရာ ဆီးဆရာလိုရေ။ 32ငါဟာ သူတော်ကောင်းတိကို နောင်တသံဝေဂရစီဖို့ လာဟာမဟုတ်။ ယေတာလဲ အပြစ်ဒုစရိုက်သမားတိကို နောင်တသံဝေဂရစီဖို့အတွက် ငါလာရဟာဖြိုက်တေ” လို့မိန့်တော်မူခရေ။
အစာရှောင်ဟာနဲ့သက်ဆိုင်ရေ မီးခွန်း
(ရှင်မဿဲ ၉:၁၄-၁၇။ ရှင်မာကု ၂:၁၈-၂၂)
33ယပြီးကေ တချို့လူတိက ကိုယ်တော်ယေရှုကို “ယောဟန်နဲ့ သူ့နောက်လိုက်တပည့်တိဟာ အစာရှောင်ဆုတောင်းဟာတိကို မကြာမကြာ လုပ်တတ်ကတ်ပြီးကေ ဖာရိရှဲတိရဲ့တပည့်တိလည်း ယင်းပိုင်လုပ်လေ့ဟိကတ်တေ။ ယေတာလဲသို့ အသင့်ရဲ့တပည့်တိကကျကေ အမြဲတမ်းစားသောက်နီကတ်တေ” လို့ပြောကတ်တေ။
34ကိုယ်တော်က “မင်္လာဆောင်ပွဲလာတဲ့လူတိဟာ သတို့သားနဲ့ အတူတူဟိနီတုံးမာ အစာရှောင်စီနိုင်လို့လား။ တစ်ယောက်လဲ ယင်းပိုင်မျိုး လုပ်ဖို့မဟုတ်။ 35ယကေလဲသို့ သတို့သားကို သူရို့ပါးက ခေါ်လားရေအချိန်ကျကေ သူရို့တိဟာ မစားမသောက်ဘဲ အစာရှောင်ကတ်လိမ့်မေ” လို့မိန့်တော်မူခရေ။
36ယပြီးကေ ကိုယ်တော်ဟာ သူရို့ကို ပုံဥပမာတစ်ပုဒ်နဲ့မိန့်တော်မူရေ။ ကိုယ်တော်က “အဝတ်အသစ်ကပိတ်စကို ဆုတ်ပြီးကေ အဝတ်အဟောင်းရဲ့အပေါက်ကို တစ်ယောက်တောင် မဖာကတ်။ ယင်းပိုင်လုပ်ကေ အဝတ်အသစ်က ပျက်စီးလားဟာတင်မကလို့ ဖာလိုက်တဲ့ပိတ်စအသစ်ကလည်း အဝတ်အဟောင်းနဲ့ ကိုက်ညီဖို့မဟုတ်။ 37စပျိုက်ရည်အသစ်ကို သားရီဘူးအဟောင်းထဲကို တစ်ယောက်တောင် မထည့်ကတ်။ ယင်းပိုင်မျိုး ထည့်ကေလည်း စပျိုက်ရည်အသစ်ဟာ သားရီဘူးကို ပေါက်လားစီနိုင်ပနာ စပျိုက်ရည်တိလဲ ယို၊ သားရီဘူးလည်း ပျက် ဖြိုက်လားဖို့။ 38ယင်းဟာကြောင့် စပျိုက်ရည်အသစ်ကို သားရီဘူးအသစ်မာရာ ထည့်ရဖို့။ 39စပျိုက်ရည်အဟောင်းကို သောက်ပြီးယေလူတိုင်းဟာ စပျိုက်ရည်အဟောင်းက ပိုကောင်းရေလို့ပြောပနာ စပျိုက်ရည်အသစ်ကို သောက်ချင်ဖို့မဟုတ်ယာ” လို့မိန့်တော်မူလိုက်တေ။
ទើបបានជ្រើសរើសហើយ៖
ရှင်လုကာ 5: RKI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yangbye (တောင်ပိုင်းရခိုင်) Bible by Beyond Translation is licensed under Creative Commons Attribution-ShareAlike 4.0 License.