यूहना ओळकण
ओळकण
लकवा वालो: यूहना
खास वात: ईसु परमेसवर ने सुरो
लकवा ने समय: ईसु ने जनम ने लमसम 85-95 साल बाद
यूहना ने लकजी थकण असल खबर मा ईसुई अमर वसन ने रूप मा पाळजो गियो हे। “वसने सरीर ने रूप लिदो, दया नी हासाई हू पराई ने अमारे वेसमा वाहो किदो।” ये असल खबर तणी लकजी गई हे के, अणाय पणवा वाला विसवास करी के, ईसुस तारण आलवा वालो नी परमेसवर ने सुरो हे। नी वा ईसु माते विसवास करवा हू जीवन पाई हके हे। सरूआत मा ईसुई परमेसवर अमर वसन ने रूप मा पाळजो गियो हे। वणाहू यू परगट थाए हे के, ईसु तारणहार नी परमेसवर ने सुरो हे। दुसरा पाग मा उपदेस हे। वणअ मा यू हमजावजू गियू हे के, असमबा ने कामा ने मतलब हूं हे। अणा पाग मा यू बी पाळजू गियू हे के, वणे मनकय ईसु माते विसवास किदो नी विने वाटे सालवा वाला बणी गिया, जेरे बिजे मनकय विने विरोद किदो नी विसवास करवा हू नटी गिया। पाट 13-17 मा ईसु ने हवाड़वा वाली राते, ईसु ने विने सेलअ हाते गहरो परेम, नी करूस माते सडावणा हू पेले ने हाज ने समय मा सेलय तेयार करवा नी वणय हिमत आलवा वालअ ईसु ने वसन ने बारामा हे। आकरी पाटअ मा ईसु ने हवाई जावो नी मुकदमो, नी वणाय करूस माते सडावजो जावो, गाड़वो जावो, पासो जीवी उटवो नी पासो जीवी उटवा वाहे सेलअ ने हामे परगट थावो, अणा ने बारामा पाळजू हे। यूहना मसी ने अमर जीवन ने दान माते जुर दिए हे। यो एक एवो दान हे जी अबार सुरू थाए हे नी वणे मले हे जी ईसु ने वाट, हासाई नी जीवन ने रूप मा अपनावे हे। आतमिक वाती पाळवा हारू दाडू ने जीवन ने सीजी काम मा लिवी यूहना ने एक खास वात हे, जेम पाणी, रूटा, उजाळू, गुआलजो नी विने गायरअ, नी डाळी नी विने फल।
रूप-रेका
भूमिका 1:1–18
यूहना बपतिसमा आलवा वालो नी ईसु ने पेलो सेलो 1:19–51
ईसु ने सेवा 2:1—12:50
यरूसलेम मा आकरी ने थुड़ाक दाड़ा 13:11—19:42
परबू ने पासू जीवतु थावू नी विने पासू दिकाई दिवु 20:1–31
उपसंहार नी गलील मा पासो दिकाई दिवु 21:1–25
ទើបបានជ្រើសរើសហើយ៖
यूहना ओळकण: WBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023 NLCI
CC BY-NC-ND 4.0