LUKAS 21
21
Sasumba ngu singkatau ko wal᷊u
(Mrk. 12:41-44)
1Su Wal᷊e ngu Mawu, I Yesus kaputuhunge manga tau ko kala kaputahoe doi su kasi u sasumba. 2I Sie nakawua l᷊ai singkatau ko wal᷊u ko susa kahingang, nutaho doi witu darua. 3Bou e'e I Yesus nangul᷊i, “Raringihiko: tau ko wal᷊u i'i nutaho lebe maul᷊i bou taumata ko wal᷊inge. 4Watu'u i sire kaul᷊ie nangonggo bou lebe ngu kakakala i sire. Arawe tau ko wal᷊u i'i, maningwe i sie ko susa kahingang, i sie nangonggo kaul᷊ie apang ko pia si sie ko mborong ikapuwiahie sisane.”
I Yesus kapuwisara hal᷊i u kal᷊aopehi Wal᷊e ngu Mawu
(Mat. 24:1-2; Mrk. 13:1-2)
5Pia manga taumata ko nuwisara hal᷊i u kirapa kasidadae Wal᷊e ngu Mawu nil᷊ighahitang u watu ko masasidada dang dingang u manga rarotong ko nisumba su Mawu Ruata. Kuteu I Yesus nangul᷊i si sire, 6“Sarung pia temponge, kaul᷊ie ko nikawua ngi kumu i'i sarung ipakaghoghahi, takoae sarang simbau watu su si'i ko sarung matatana mul᷊al᷊unsung su tampae!”
Singsara l᷊au papahang
(Mat. 24:3-14; Mrk. 13:3-13)
7I sire nukina si Yesus, “Tuang Guru, kangereng hal᷊i e'e sarung mariadi? Dang apa tatiange ko seng nurating temponge hal᷊i e'e sarung mariadi?”
8I Yesus nangul᷊i, “Pakaingati, kumbahang sarang i kumu kaakal᷊eng. Maul᷊i taumata sarung sumongo dingang u areng-Ku, dang mangul᷊i, ‘Ia i'i I Sie!’ dang ‘Seng temponge’. Kateho kumbahang i kumu tumuhu si sire. 9Kumbahang l᷊ai i kumu mataku boko makaringihi habari u parang l᷊au pugagara. Kaul᷊ie mambeng mariadi horo. Kateho e'e wal᷊ingewe mupakal᷊ahe seng temponge mukiamati.”
10Bou e'e I Yesus nanurusi didato-Nge, angkung-E, “Bangsa simbau sarung muparang mundoka bangsa ko wal᷊inge dang negara simbau sarung mangalo negara ko wal᷊inge. 11Suapang tampa sarung pia rinuhi mauha, kal᷊ahutung l᷊au sahinda. Sarung mariadi manga hal᷊i ko makal᷊ahiasi l᷊au makatataku su l᷊angi. 12Kateho suhoro kaul᷊i e'e mariadi, i kumu sarung isame l᷊au ipahangeng. I kumu sarung ipariksang su manga wal᷊e pukakal᷊iomanengang dang ipasu su l᷊al᷊ung u tutupang. Dang i kumu sarung irandasi sarang tingo ngu manga ratu dang manga mangangawasa ual᷊ing i kumu ko tumatuhu-Ku. 13E'e temponge si kumu muhabari Habari Mapia bou Mawu Ruata. 14#Luk. 12:11-12Pangakingte himoneu i kumu ta ghumagha hal᷊i u apa ko sarung iul᷊i i kumu su guna ngu mupakal᷊iwiri badang i kumu. 15Ia sisaneku sarung munggile si kumu apang didato l᷊au kapapilesa e'e, hakiu takoae sarang singkatau bou manga roka i kumu makapundoka arako musunial᷊i apang ko nihabari kumu. 16I kumu sarung ipusingking i mama papa ngi kumu, manga ana u simbau i kumu, manga ghe i kumu l᷊au manga ghawe ngi kumu. Simbahageang bo i kumu sarung ipate ngi sire. 17I Kumu sarung ipubunsi u apang taumata ual᷊ing i kumu ko tumatuhu-Ku. 18Kateho utau sarang simbua sarung ta mailang bou timbou. 19Boko i kumu mutatahang l᷊au musabari, i kumu sarung masal᷊amati.”
I Yesus kapuwisara hal᷊i u kal᷊aopehi Yerusalem
(Mat. 24:15-21; Mrk. 13:14-19)
20“Boko i kumu makawua Yerusalem nil᷊ikutang u sordado, i kumu sarung matitong himoneu soa e'e ta mal᷊iwue l᷊ai sarung ipakarusa. 21Su tempo e'e taumata ko su Yudea mambeng tal᷊ang sarang wul᷊uri. I sire ko su soa mambeng panintang u soa, dang i sire ko su l᷊ikuru soa kumbahang sumu su soa. 22#Hos. 9:7Watu'u l᷊ou – l᷊ou e'e ko l᷊ou-l᷊ou kananawo u hukumang, tadeau dingang kere'e naganapi apang ko mawawohe su Buki Susi. 23Wal᷊inge gampang kal᷊intihie l᷊ou-l᷊ou e'e su kowawine ko pia kal᷊uwaenge, dang i ma ko mborong kapupasusunge ana! Soa i'i sarung makapundang kasasusa ko l᷊abo, dang Mawu sarung muhukung u bangsa i'i. 24Pia ko sarung pateng dingang u pera, pia l᷊ai ko sarung itaweng sarang manga wanua ngu tau; dang apang taumata ko wugha ngu Mawu Ruata sarung mul᷊inda-l᷊inda Yerusalem sarang masue tempo ko nitantu u Mawu si sire.”
Rarinta ngu Ahusi Taumata
(Mat. 24:29-31; Mrk. 13:24-27)
25 #
Yes. 13:10; Yeh. 32:7; Yl. 2:31; Kl᷊h. 6:12-13 “Hindo sarung ikawua pia manga tatia su matangutiti, wul᷊ang, l᷊au su manga wituing. Su dunia, patiku bangsa sarung mataku dang mubingo mupasaruang ghal᷊udu l᷊au bulari u sasi. 26Taumata sarung mataku kahingang mupasaruang apa ko sarung mariadi su kaul᷊i u dunia i'i, watu'u apang mangangawasa ngu kinoang sarung mukal᷊imbuhung. 27#Dan. 7:13; Kl᷊h. 1:7Su tempo e'e Ahusi Taumata sarung ruminta su l᷊al᷊ung u winawa dingang u kawasa dang kawawantughi ko l᷊abo. 28Boko manga hal᷊i e'e seng manita mariadi, puwangungte l᷊au hengke'e timbou, watu'u singkodo l᷊ai i kumu sarung ipakasal᷊amati.”
Tintiro bou kau ara
(Mat. 24:32-35; Mrk. 13:28-31)
29Bou e'e I Yesus nuwuke ngu papinintu i'i si sire, angkung-E, “Putuhungko pakapia-pia kau ara l᷊au kaul᷊i u kau ko wal᷊inge. 30Boko manga tuwoe manita ikawua, i kumu matitong himoneu seng masandighi tempo ngu titi. 31Kere'e l᷊ai boko i kumu makawua manga hal᷊i e'e mariadi, i kumu sarung matitong himoneu Mawu Ruata seng maehong mamarenta kere Ratu.
32Katitongte! Manga hal᷊i e'e sarung mariadi suhoro apang taumata ko mborong wiahi tempo i'i masue mate. 33L᷊angi l᷊au dunia sarung mailang, arawe didato-Ku tatapi sarang kal᷊iwuenge.”
Mambeng pudadiaga
34“Diagate badangu, kumbahang sarang i kumu tumaniu musasibu ngu sal᷊iwang dang manginung inung ko maringga, arako tumaniu musipiri apang hal᷊i u puwawiahi kumu, hakiu i kumu ta nakasadia su tempo ngu l᷊ou e'e singkawawua nasupu. 35Watu'u l᷊ou e'e sarung sumongo musul᷊ung kere seri su kaul᷊i u taumata su wawo u dunia i'i. 36Pudadiagaete, dang pukal᷊iomaneng sintinia tadeau i kumu matoghasi mupasaruang kaul᷊i u hal᷊i ko sarung mariadi dang i kumu botonge mupasaruang Ahusi Taumata.”
37 #
Luk. 19:47
I Yesus su tempo ngu l᷊ou manintiro su Wal᷊e ngu Mawu, dang su tempo ngu huwi I Sie sumaka sarang Wukiri u Zaitung dang natana su se'e. 38Sintinia mal᷊ukari kaul᷊i u taumata sumongo sarang Wal᷊e ngu Mawu guna ngu mundaringihi si Yesus manintiro.
