Tika Lisano Ya Kopamela Basusu | Eteni 2Mwa ndambo

Kokokisa Bamposa

Verse oyo ezali kolobela ndenge oyo totyelaka Nzambe motema mpo na kokokisa bamposa na biso ya mosuni mpe ya molimo, mpamba te totyelaka ye motema ete akokokisa ba mposa na biso ya mokolo na mokolo. Tozali na mposa ya Nzambe mokolo na mokolo, tokoki te kozanga ye. Lolenge moko nzoto na biso ezali na mposa ya bilei mokolo na mokolo, moto na biso ya molimo mpe ezali na mposa ya bilei ya molimo mokolo na mokolo. Esengo na baoyo bazali na nzala mpe na mposa ya boyengebene, mpo bakotonda. Ezala ete ozali na mposa ya molimo to ya mosuni to mpe ozali na nzala, Nzambe azali na makoki ya kokokisa yango.

Kozala na mposa ya bilei ya Nzambe elimboli te été ozali goigoi to na bolembu, elimboli bobele été ozali na kondima epai na Nzambe mpe ondimi ete soki Nzambe azali te, molende na yo nyonso ekozala mpamba. Soki Nzambe azali te kati ya likambo nyonso ozali kosala, mosala na yo ekozala mpamba. Ekomama ete, soko Yahweh akotonga ndako te, baoyo bakotonga yango bakosala mosala mpamba. Soko Yahweh akobatela mboka te, mokengeli akolala mpongi mpamba. Yesu azali mai ya bomoi, soki okomela mai na ye okozala na mposa ya mi lisusu te ; azali lipa na bomoi, moto oyo akolia yango akokufa te.

Libondeli: Tata Nzambe, nalingi te kosala mosala ya mpamba, nazali na mposa na yo na sekondi nyonso ya bomoi na ngai mpo ete nazali kotalela yo mpenza, ee Nkolo. Sala oyo motema na yo elingi na bomoi na ngai. Na nkombo na Yesu, nabondeli yo, AMEN.

Botangi mosusu: Nzembo 127:1|Nzembo 84:1-2|Matayo 5:6|Matayo 4:4|Nzembo 119:105| 2Timote’ 3:16|Yoane 6:35|Yoane 4:14|Matayo 6:34|