Zwa applicationTika Lisano Ya Kopamela Basusu | Eteni 2Mwa ndambo
Masanzoli
Mpo ete bokonzi, na nguya, na nkembo ezali na yo, libela na libela. AMEN. Mabondeli masengeli kobanda na matondi mpe masanzoli mpe kosuka na masanzoli mpe na matondi. Na mabondeli na yo, kobakisa makambo ebele te, kasi lobela makambo oyo ozali na yango mposa mpe masanzoli. Kati na boloko, Paulo na Sila bazalaki kobondela mpe koyemba Nzembo ya masanzoli, libondeli oyo etondi na masanzoli ezali na esika monene kati na mabondeli na yo koleka bamposa na yo. Na Bantango mosusu okoki kosala oyo ebengami libondeli ya kozongisa matondi, uta na ebandeli kino na nsuka ozali bobele kotonda Nzambe. Nasi namona makamwisi mingi mpe nazwaka matatoli minene na boumeli ya mabondeli na ngai ya kozongisa matondi. Zala moto ya botondi mpe Nzambe akotika yo soko moke te ete oyoka nsoni soki ozali ntango nyonso kotonda mpe kosanzola Ye.
Libondeli: Kumisama Nkolo na nguya nyonso, nani yango akokani na yo? Obongi na masanzoli mpe lokumu nyonso. Masanzoli na yo ekozala na mbebo na ngai mikolo nyoso ya bomoi na ngai. Seko na seko ozali Yahweh. AMEN.
Botangi mosusu: Nzembo 150:6, 63:3-4, 28:7, 9:1|Yisaya 25:1|Misala 16:25|Emoniseli 5:13|Yakobo 3:10|Ba Efeso 4:16|Yakobo 3:3|Yoane 14:13-14|1 Yoane 3:22|Yoane 1:12|1 Bakolinto 8:6|Yoane 3:1|Yisaya 63:16|2 Bakolinto 6:16-18|Nzembo 68:5-6|Yakobo 1:16-18|
Makomi
Oyo etali Ebongiseli oyo
Libondeli ya Nkolo ezali ndakisa ya Libondeli oyo ezali na mokano ya koteya biso ndenge ya kopusana penepene na Nzambe na limemya, na elikya, mpe na komikitisa. Ezali komonisa ntina ya koluka Bokonzi ya Nzambe, Bolimbisi, mpe libateli, wana ezali biso kondima ete tozali na mposa ya bibongiseli, ya litambwisi mpe ya libateli na Ye kati na makambo nyonso ya bomoi.
More
Tolingi kopesa matondo mingi na Dennis Mutombo Mpanya mpo na kopesa mwango oyo. Mpo na koyeba makambo mosusu, talá na: https://www.facebook.com/Pastor.Wampayo?mibextid=LQQJ4d
