Andinin-tSoratra Masina malaza indrindra nalaina tao amin'ny Isaia 35

Hizara

Eny, hiverina ny navotan’NY TOMPO. Hankany Ziona* amin’ny fihobiana izy ireo, ary ny fifaliana mandrakizay no ho eny an-dohany; hahazo fifaliana sy faharavoravoana izy ka handositra ny alahelo sy ny fisentoana.

Ampaherezonareo ny tanana miraviravy ary hatanjaho ny lohalika malemy; Lazao amin’izay mitebiteby hoe: Mahereza, aza matahotra, indro Andriamanitrareo! Avy mitondra famaliana Izy, dia ny famalian’Andriamanitra; eny, Izy tokoa no ho avy ka hamonjy anareo.

Hisy lalambe any, lalana voavoatra, izay hatao hoe lalan’ny fahamasinana. Tsy mba handia izany ny tsy madio; fa ho an’izay mandeha eo aminy kosa, na ny adala aza dia tsy ho diso lalana

Dia hampahiratina ny mason’ny jamba ary hampandrenesina ny sofin’ny marenina.

Hitsambikina tahaka ny diera ny mandringa ary hihoby ny lelan’ny moana. Fa hisy rano hiboiboika any an-tany efitra ary hisy renirano any amin’ny tany karankaina.