Andinin-tSoratra Masina malaza indrindra nalaina tao amin'ny Ohabolana 3

Hizara

Matokia NY TOMPO amin’ny fonao manontolo; aza miantehitra amin’ny fahalalanao; mahaiza mamantatra Azy amin’ny alehanao rehetra, fa Izy no handamina ny lalanao.

Aza mihevi-tena ho hendry; matahora NY TOMPO ka mifadia ny ratsy

Mankalazà NY TOMPO amin’ny fanananao sy amin’izay voaloham-bokatrao rehetra, dia ho feno mitafotafo ny fitoeram-barinao, ary hihoatra ny vata fanantazanao ny ranom-boaloboka.

Aoka tsy handao anao ny famindrampo sy ny fahamarinana; aoka iambozonanao izany, ary soraty ao am-ponao tahaka ny amin’ny vato fisaka

Anaka, aza manamavo ny fitaizan’NY TOMPO, ary aza tofoka amin’ny fanitsiana ataony; fa izay tian’NY TOMPO no anariny, dia tahaka ny ataon’ny ray amin’ny zanaka tiany.

Anaka, aza manadino ny fampianarako, fa aoka ny fonao hitandrina ny didiko; fa hampitomboiny ho anao ny andro maro sy ny taona ela iainana ary ny fiadanana.

Sambatra izay olona mahita fahendrena sy izay olona mahazo fahalalana! Aleo mikatsaka tombony avy aminy, toy izay mikatsaka tombony avy amin’ny volafotsy, ary ny tombom-barotra avy aminy dia mihoatra noho ny volamena; sarobidy noho ny voahangy izy, ary izay rehetra irinao dia tsy misy azo ampitahaina aminy.

Aza mamihina ny soa amin’izay tokony homena azy raha azon’ny tananao atao ihany.

Tamin’ny fahendrena no nanorenan’NY TOMPO ny tany ary tamin’ny fahalalana no nampitoerany ny lanitra.