Andinin-tSoratra Masina malaza indrindra nalaina tao amin'ny Salamo 91

Hizara

Hoy aho amin’i Iaveh: «Ianao no trano mimandako sy fialofako, Andriamanitro izay itokiako.»

Izay mialoka eo ambany fiarovan’ny Avo Indrindra, miala sasatra eo amin’ny aloky ny Tsitoha.

Hiantso Ahy izy, ary hamaly azy Aho; homba azy amin’ny andron’ny fahoriana Aho. Hanafaka sy hanome voninahitra azy Aho.

Fa Izy handidy ireo Anjeliny, ny aminao, mba hiambina anao amin’izay alehanao rehetra

Hanarona anao amin’ny elany Izy, ary hahita fialofana ao ambany volon’elany, ianao. Ampinga sy fiarovan-tratra ny fahamarinany.

Fa ianao efa nilaza hoe: «Fiarovana ahy Ianao, ry Iaveh!» Nanao ny Avo Indrindra ho fialofanay ianao. Ny fahoriana tsy hihatra aminao, tsy hisy loza hanakaiky izay lainao akory.

Fa Izy no manafaka anao amin’ny fandriky ny mpihaza, sy ny pesta mandoza.

Na misy arivo lavo eo anilanao aza, sy iray alina eo ankavananao, ianao tsy mba ho tratra.

Tsy misy hatahoranao, na ny fampitahorana amin’ny alina, na ny zana-tsipìka manidina amin’ny antoandro, na ny pesta misoko anatin’ny haizina, na ny areti-mifindra, mandripaka amin’ny mitatao vovonana.