Andinin-tSoratra Masina malaza indrindra nalaina tao amin'ny Genesisy 49

Hizara

Ny tehim-panjakana tsy hiala amin’i Joda, Na ny tehina fanapahana eo anelanelan’ny tongony, Mandra-pahatongan’i Silo, Ka hanoa Azy ny firenena.

JOSEFA dia sampana mahavokatra. Eny, sampana mahavokatra eo anilan-doharano; Ny rantsany mananika mihoatra ny fefy. Nampahory azy ny mpitifitra, Dia nitifitra azy sy nanenjika azy

Kanefa mateza hery ny tsipìkany, Ary mailamailaka ny sandrin-tànany, Avy amin’ny tànan’Ilay Maherin’i Jakoba. Dia avy ao amin’ny Mpiandry, Izay Vatolampon’ny Isiraely, Avy amin’ny Andriamanitry ny rainao, ka Izy hamonjy anao– Avy amin’ny Tsitoha, ka Izy hitahy anao: Dia fitahiana avy amin’ny lanitra any ambony, Sy fitahiana avy amin’ny lalina, Izay mamitsaka any ambany, Ary fitahiana avy amin’ny nono sy ny kibo.

Ry JODA, hoderain’ny rahalahinao hianao, Ny tànanao ho ao amin’ny vozon’ny fahavalonao; Hiankohoka eo anatrehanao ny zanaky ny rainao. Zana-diona, Joda, Avy niremby hianao, anaka; Mamitsaka, mandry toy ny liona izy, Ary toy ny liom-bavy, ka iza no hanaitra azy!

Ry ROBENA, lahimatoako hianao, Heriko sy voalohan’ny tanjako, Manan-tombom-pisandratana, manan-tombon-kery. Mandroadroatra toy ny rano hianao ka tsy hanan-tombo, Fa niakatra tamin’ny fandrian’ny rainao hianao, Tamin’izany no nandotoanao azy. Endrey, ny farafarako lahy, ka dia niakarany!