Andinin-tSoratra Masina malaza indrindra nalaina tao amin'ny Isaia 35

Hizara

Eny, ny navotan’i Jehovah hiverina Ka hankany Ziona amin’ny fihobiana, Ary ny fifaliana mandrakizay no ho eny an-dohany; Hahazo fifaliana sy faharavoravoana izy, Ka dia handositra ny alahelo sy ny fisentoana.

Ampaherezonareo ny tànana miraviravy, Ary hatanjaho ny lohalika malemy. Lazao amin’izay reraka am-po hoe: Mahereza, aza matahotra, Indro, Andriamanitrareo ho avy mitondra famaliana, Dia ny famalian’Andriamanitra, Eny, Izy tokoa no ho avy ka hamonjy anareo.

Ary hisy làlambe any, dia làlana voavoatra, Izay hatao hoe Làlan’ny fahamasinana; Tsy mba handia izany ny tsy madio, Fa Jehovah homba azy, Ka izay mandeha amin’ny làlana dia tsy ho diso any, na dia ny adala aza.

Dia hampahiratina ny mason’ny jamba, Ary hampahaladina ny sofin’ny marenina.

Dia hitsambikina tahaka ny diera ny mandringa, Ary hihoby ny lelan’ny moana; Fa hiboiboika any an-efitra ny rano, Ary hisy renirano any amin’ny tany karankaina.