Andinin-tSoratra Masina malaza indrindra nalaina tao amin'ny Salamo 77

Hizara

Hampahatsiaro ny asan’i Jehovah aho, Fa ta-hahatsiaro ny fahagagana nataonao fony taloha; Eny, hisaina ny asanao rehetra aho Ary hihevitra ny nataonao.

Hianao no Andriamanitra Izay manao fahagagana; Efa nampahalala ny herinao teny amin’ny firenena Hianao.

Andriamanitra ô, amin’ny fitoerana masina ny làlanao; Iza no andriamani-dehibe tahaka an’Andriamanitra?

Ho an’ny mpiventy hira. Al-jedotona. Salamo natoan’i Asafa. NY feoko dia mankany amin’Andriamanitra, ka mitaraina aho, Eny, ny feoko mankany amin’Andriamanitra, ka mihaino ahy Izy. Tamin’ny andro fahoriako no nitadiavako ny Tompo; Ny tànako nasandratra nony alina ka tsy vizana; Ny fanahiko tsy nety nampiononina.