OHÚTU 23
23
Usára gekwú, Ébrahām le ajɛ onyi okwū lá
1Usára lé iháyí ofahāapa ce ahāapa. 2Anɔ́ɔ ó gekwú Uhɛ́brɔn (nēé ī hī ka ajɛ kú Ukiriyatába dúú ā) nōo yɔ̄ ajɛ kú Ukénan ā. Anɔ́ɔ Ébrahām jikwū klla yɔ̄ ekwu kú Usára á. 3Anɔ́ɔ ó nyɛ̄ɛ̄ ŋmá ɛga nɛ̄ okwū ɔnyā nū tá ā, lɛ tá ɛgiyí ācɛ Uhɛ́ti, gaá da uwā kahíníī, 4#Uhíb 11.9,13; Ācot 7.16“N wɛ ugbɔga nōo lā ipú aá. Aá lɛ ajɛ je gā um, ká n̄ kwú okwū kú ɔnyā um ú nyi ipú nū.” 5Anɔ́ɔ ācɛ Uhɛ́ti ā tá Ébrahām ohi kahíníī, 6“Jāhɔ̄ lɛ alɔ. Alɔ kpó eyī klla uwɔ bɛ̄ɛka otrɛ̄yí nɛ̄hi ā. Kwú okwū ɔnyā uwɔ ú nyɔ̄ í nyi ipú únóji olɔhi fíyɛ́ dúú nɛ̄ alɔ lɛ āa. Ɔ̄cɛ dóódu kú ipú alɔ í gáā tá ō je únóji kú nū gā uwɔ ŋ́, cɛ́ɛ́ ká ā kwú okwu ɔnyā awɔ í nyi.” 7Anɔ́ɔ Ébrahām cāŋjɛ, túkpɛɛ́ le ahínyá tá ācɛ kú Uhɛ́ti nēe wɛ ācɛ kú ajɛ ɔ́ɔmā ā á. 8Anɔ́ɔ ó da uwā kahíníī, “Ɔ́dāŋ ka aá cɛ̄ ká um nyi okwū kú ɔnyā um amānyā, ayíka aá le da Éfrɔn, ɔyí kú Usóha, 9kóō kwú ɔ̄gɛ̄cɔ̄ kú Umakpéla, nōo wɛ ákú nū ā ú gā um. Abɔ́ɔ yɔ̄ oŋmɛ́yí kú ajɛ kú nū āa, kóō lɛ ɔ́lá nū dúúdú ka gā um ipéyī aá, ká n le lá, kóō le pīya ɛga o nyi okwū kú um.”
10Éfrɔn cīce mɛ́mla ācɛ Uhɛ́ti ā dúú. Anɔ́ɔ ó tá Ébrahām ohi ipéyī kú odúúdú ācɛ, nēe bá okónɔɔwɛ ā kahíníī, 11“Ehée, ɔkpani um, jāhɔ̄ gā um. N kwú ajɛ ā mɛ́mla ɔ̄gɛ̄cɔ̄ nōo yɔ̄ ipú nū ā ú gā uwɔ ipéyī odúúdú ācɛ ɔlɛ́ um. Nyi okwū kú uwɔ abɔ́ɔ mɛ́ɛnɛ.”
12Anɔ́ɔ Ébrahām túkpɛɛ́ iyɔ̄bū ācɛ kú ajɛ ā, 13anɔ́ɔ ó da Éfrɔn ipéyī odúúdú ācɛ ā kahíníī, “Ɔ́dāŋ ka a cɛ̄, n géē je ije kú ajɛ ā gā uwɔ. Mīyɛ ije ŋmá um abɔ̄ um, cɛ́ɛ́ ká n bēē nyi okwū kú ācɛ ɔlɛ́ um abɔ́ɔ.”
14Éfrɔn tá Ébrahām ohi kahíníī, 15“Ɔkpani um, jāhɔ̄ gā um. Ajɛ ā lɔfú wɛ ɛkpa kú ije nɛ̄hɛ́ ɛnɛ glá, amáŋ ɔdí nɛ̄ ɔ́ɔmā wɛ ɔtāhɛ̄ kú ami mɛ́mla awɔ āa? Nyi okwū kú ɔnyā uwɔ ipú nū.” 16Ébrahām cɛ̄ ɛlā nɛ̄ Éfrɔn ka ā, anɔ́ɔ ó le ɛkpa kú ije nɛ̄hɛ́ ɛnɛ nōó ka ā gbā lɛ ɔ́ ipéyī ācɛ Uhɛ́ti, ɛ́gɛ́nɛ̄ ije o bī tɔ́ɔ́sú kú uwā lɛ ā ā.
17Ɛ́gɔ́ɔmā nɛ̄ odúúdú ajɛ kú Éfrɔn, mɛ́mla ɔ̄gɛ̄cɔ̄ mɛ́mla odúúdú aɔ́cí kú nū nōo yɔ̄ Umakipéla, ɛnɔ̄ɔ̄cī kú Umámre ā, 18je pīya ákú Ébrahām ipéyī odúúdú ācɛ Uhɛ́ti nēe bá ɔɔ́pu abɔ́ɔ ā á.
19Igbīhi ɛ̄nyā ā, Ébrahām le Usára, ɔnyā nū nyi ipú ɔ̄gɛ̄cɔ̄ kú ajɛ kú Umakipéla, ɛnɔ̄ɔ̄cī kú Umámre, (nōo wɛ Uhɛ́brɔn) ipú ajɛ kú Ukénan ā. 20Ajɛ ā mɛ́mla ɔ̄gɛ̄cɔ̄ nōo tɛtɛ wɛ ákú ācɛ Uhɛ́ti ā kwú pīya ákú Ébrahām kóō kwú pīya ajɛ o nyi okwū kú ācɛ ɔlɛ́ nū.
Voafantina amin'izao fotoana izao:
OHÚTU 23: IFBCL
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra