Maajɨ Bɛtɔ Twamagɨɨ Mʊlalɨgɔ
Mʊlalɨgɔ
Nǝb nyǝmtǝmɔ a jǝla gɔ nǝ mʊlalɨ Langǝn Bwangǝn Maajɨ Bɛtɔ Twamagɨɨ nǝn Luka, fwalɨ yɔm Bwɛ twama Bulusi. Nǝn gɔ a mʊla Maajɨ Bɛtɔ Twamagɨɨ jǝbɔ Fulon Kɛl Lǝmɨgɔ A Kang Lukaɨ (16:10-17; 20:5-15; 21:1-18; 27:1--28:16).
Kanjǝl a bwɨ Luka a mʊla langǝn bwangǝn nɨɨ, nǝn gɔ, sǝ a nǝ Tiyofalas fulon bɨlǝngkɛl kanga mʊrkalɨ nǝb bwangtǝmɨ a fʊʊlǝmɨ. Langǝn bwangǝn nɨ a nʊng kanga jǝfʊlǝn nǝb bwangtǝmɨ a tǝl a mʊgɔ Yahudawa nɨ a Urushalimaɨ, a bɛ nǝn a mʊgɔ Bʌtʌbi a tǝmɔ gwam a mʊgɔ yooli nɨɨ. Nǝn kwama gɔ, ja do nǝb bwangtǝmɔ na nǝb gungtǝm kutʌm a dul nǝb nɨ maa fɔlɔn nɛɨ. N dul kɛl nɨ Luka a mʊla langǝn bwangǝn nɨɨ sǝ a jǝg nǝb bwangtǝmɔ a kɛl nɨ gǝm.
Langǝn bwangǝn Maajɨ Bɛtɔ Twamagɨɨ, a yǝlam jǝ mɛlalɨ nɨ Yesu a bǝla jim a yooli sǝ ja ja kǝga nǝn maatǝmɨ. Yʊwa Kwaamaɨ a maa maajɨ a nǝtǝm bɛtɔ twamagɔ kwaan kiyotǝm fulon kɛl lǝmɨ nɨ. Langǝn bwangǝn nɨ a nǝ kwɨtǝm dul a yɨm jǝbɔ maajɨ Bitrusi jǝbɔ Bulus jǝbɔ tangǝn bɛtɔ twama Yesui. Daatɨn nɨ gwam ja kiyo fulon kɛl lǝmɨ nɨ woi, nǝbɔ gǝ nǝ nǝ bɨlǝngkɛl. Jatǝm kǝga nɨ jǝ nya a gola nyʊwatǝm gaalan.
Kanjǝlɔ A Mʊgɔ Langǝn Bwangǝn Nɨɨ
Fɛkalɨ Kiyotǝm Fulon Kɛl Lǝmɨ 1:1-26
Kiyotǝm Fulon Kɛl Lǝmɨ A Urushalima 2:1--8:3
Kiyotǝm Fulon Kɛl Lǝmɨ A Yahudiya Jǝbɔ Samariya 8:4--12:25
Yɔm Tɨkǝga Bulusi A Dul Kiyotǝm Fulon Kɛl Lǝmɨ 13:1--14:28
Mʊrkalɨ Nǝb Dʊʊm Bwangtǝmɨ A Urushalima 15:1-35
Yɔm Bulusi Na Yogɔ A Dul Kiyotǝm Fulon Kɛl Lǝmɨ 15:36--18:22
Yɔm Bulusi Na Taalɔ A Dul Kiyotǝm Fulon Kɛl Lǝmɨ 18:23--21:16
Ja Ta Bulus A Urushalima 21:17--23:22
Ja Kubʌl Bulus A Kaisar 23:23--26:32
Ja Shu Nǝn Bulus A Roma 27:1--28:31
Voafantina amin'izao fotoana izao:
Maajɨ Bɛtɔ Twamagɨɨ Mʊlalɨgɔ: DBD
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
©️2024 Luke Initiative for Scripture Translation