Salamo 40:1-4

Tao amin’ny tahirin-kiran’ny filohan’antoko-mpihira. Salamo nataon’i Davida. Niandry ny Tompo am-paharetana aho ka niondrehany ary nohenoiny taraina; nosintoniny avy tao an-davaka lalina aho, nakariny avy tao amin’ny fota-mandrevo; ny tongotro najorony tambony vatolampy ka indro azo antoka sy matotra ny diako. Nasiany hira vaovao teo am-bavako, dia hira fiderana an’Andriamanitsika! Maro tokoa no hahita izany, ka hanaja sy hatoky ny TOMPO.