ལུ་ཀཱ། 3
3
ལེའུ་གསུམ་པ།
ཁྲུས་གསོལ་བགྱིད་མཁན་ཡོ་ཧ་ནན་གྱིས་ཆོས་བསྟན་པ།
1རོ་མཱ་གོང་མའི་རྒྱལ་པོ་སེ་བཟིར་ཐེ་པེར་ཡཱ་ཟེར་མཁན་ཁོང་རང་། ལོ་བཅོ་ལྔ་བར་དུ་རོ་མཱ་རྒྱལ་ཁབ་ལེ་དབང་འཛིན་བགྱིད་དི་དུས་ལེ། ཡ་ཧུ་དཱ་ལུང་པའི་སྤྱི་དཔོན་དེ་ནི། ཕོན་ཏི་ཡུ་པི་ལ་ཏི་ཟེར་མཁན་ཁོང་རང་ཡིན་དིག དུས་དེ་རྒྱ་ག་ལིལ་ལུང་པའི་ས་གནས་དཔོན་དེ་ནི། ཧེ་རོ་དཱེ་ཁོང་རང་ཡིན་དི་མ་ཟད། ཧེ་རོ་དཱེ་ཁོའི་ནུ་བོ་ཕི་ལིབ་ཁོ་ནི། ཨེ་ཏ་རི་ཡཱ་ལུང་པ་དིང་། ཏྲ་ཀོ་ནི་ཏི་ཟེར་རི་ལུང་པ་དེ་གཉིས་ཀྱི་ས་གནས་དཔོན་པོ་ཡིན་དིག ཡང་ཨ་བི་ལེ་ནེ་ཟེར་རི་ལུང་པའི་ས་གནས་དཔོན་པོ་དེ་ནི། ལི་སན་ཡཱ་ཟེར་མཁན་ཁོ་རང་ཡིན་དིག 2ཡང་ཨ་ནཱ་སི་དིང་ཀ་ཡ་ཕཱ་ཟེར་མཁན་ཁོ་གཉིས་མཆོད་པ་འབུལ་མཁན་གཙོ་བོ་ཡིན་རྒྱ། དབེན་སྟོང་ལུང་པ་ལེ་ཟེ་ཀ་རི་ཡཱའི་བི་ས་ཡོ་ཧ་ནན་ཁོ་ལེ་དཀོན་མཆོག་གི་བཀའ་བབས་ཕེན། 3ཁོ་རང་ཡོར་དན་གཙང་པོའི་འགྲམ་གྱི་ལུང་པ་ཡེ་རེ་ལེ་ཕྱིན་ཏེ། དཀོན་མཆོག་གིས་མི་ཀྱ་ཀྱིས་བྱས་པའི་སྡིག་ཉེས་དེ་སེལ་གནང་རྒྱུ་ཆེད་དུ། མི་ཀུན་ལེ་རང་གི་སྤྱོད་པ་ངན་པ་དེ་ཀྱ་སྤངས་ཏེ། སེམས་ཁུགས་པའི་རྟགས་ལེ་ཁྲུས་གསོལ་གྱིས་ཟིན་ཡོ་ཧ་ནན་གྱིས་ཆོས་བཤད་དི་དིག 4དེ་ནས་དཀོན་མཆོག་གི་ལུང་སྟོན་པ་ཡེ་ཤ་ཡཱ་ཟེར་མཁན་གྱིས་བྲིས་པི་མདོ་ནང་དུ་ཡོ་ཧ་ནན་གྱི་སྐོར་ལེ།
དབེན་སྟོང་ལུང་པའི་ནང་ནས་བརྒྱབ་པའི་སྒྲ་དེས། །
ཇོ་བོའི་ཕེབས་ལམ་དེ་གྲ་སྒྲིག་གྱིས་ཤིག །
ལམ་དེ་ཟང་བདེ་མོ་བཟོས་ཤིག །
5ལམ་ཀྱག་ཀྱོག་དེ་བདེ་མོ་བཟོས་ཤིག །
ལམ་རྩུབ་པོ་དེ་ཀྱ་བདེ་མོ་བཟོས་ཤིག །
ཡུལ་ལུང་ཡེ་རེ་བཀང་བར་མཛད། །
རི་ལུང་ཡེ་རེ་ཆ་སྙོམས་པོ་བཟོས་ཤིག །
6ཀུན་གྱིས་དཀོན་མཆོག་གི་ཐར་པ་མཐོང་གྱི་དིག །
ཟིན་བྲིས་འོད་དིག#3.6 ཚིགས་བཅད་འདི་ནི་ལུང་སྟོན་པོ་ཡེ་ཤ་ཡཱས་བྲིས་པའི་མདོ་ལེའུ་ 40 ཨང་ 3-5 ནང་ལེ་གཟིགས་རོགས། 7ཡང་ཡོ་ཧ་ནན་གྱིས་རང་གི་རྩ་ལ་ཁྲུས་གསོལ་ལེན་དུ་འོང་མཁན་མི་ཚོགས་དེ་ཀྱ་ལེ། དུག་སྦྲུལ་གྱི་རིགས་ཁྱེད་ཀྱ་ལེ། མ་འོངས་པའི་དུས་ལེ་ཐུགས་ཁྲོ་བའི་ཉེས་ཆད་དེ་ནས་འབྲོས་ཤིག་ཟིན་སུས་བརྡ་གཏོང་རྒྱུ། 8འོ་དེ་ལེ་བརྟེན་ཏེ། ཁྱེད་ཀྱ་ཀྱིས་སྤྱོད་པ་ངན་པ་ནས་སེམས་ཁུག་ཏེ་འབྲས་བུ་དགའ་མོ་སྨིན་དུ་ཆུག ཨབ་ར་ཧམ་ནི་འུ་ཀྱ་ཀྱི་མེས་མེས་ཡིན་མ་བསམ་ཤིག ཅི་ལེ་ཟེར་ནི། ཨབ་ར་ཧམ་ནི་དཀོན་མཆོག་གིས་བདམས་གནང་བའི་མི་ཞིག་ཡིན་དིག ང་ཁྱེད་ཀྱ་ལེ་ཟེར་རོ། དཀོན་མཆོག་གིས་རྡོ་འདི་ཀྱ་ལེ་ཟང་ཨབ་ར་ཧམ་གྱི་བུ་རྒྱུད་བཟོ་ཐུབ་ཀྱི་དིག 9དཔེར་ན། ད་ལྟ་ཁྱེད་ཀྱ་ནི་སྡོང་པོ་ཅོག་འདྲ་ཡིན་དི་དིང་། སྡོང་པོའི་རྩ་བ་ལེ་སྟ་རི་བོར་འོད་དི་མ་ཟད། འབྲས་བུ་མི་སྐྱེད་མཁན་སྡོང་པོ་ཡེ་རེ་བཅད་དེ་མེ་ལེ་གཡུག་གྱི་དིག་ཟིན་སྨྲས་ཕེན། 10མི་ཚོགས་ཀྱ་ཀྱིས་ཡོ་ཧ་ནན་ལེ། འོ་ནེ། ཉེད་ཀྱ་ཀྱིས་ཅི་གི་ཞིག་བགྱིད་དགོས་འོད་དི་གོ་ཟིན་དྲིས་པི་དིག 11དེ་ནས་ཡོ་ཧ་ནན་གྱིས་མི་དེ་ཀྱ་ལེ། རང་ལེ་གོས་ལག་གཉིས་འོད་ནི། གཅིག་དེ་གོས་གྱོན་རྒྱུ་མེད་མཁན་ལེ་གཏོད་ཅིག ཡང་མི་སུ་ཞིག་ལེ་ཟ་མ་འོད་ནི། ཟ་མ་མེད་མཁན་དེ་ལེ་སྦྱིན་ཞིག་ཟིན་སྨྲས་པི་དིག 12ཡང་དེ་རྒྱ་ཁྲལ་སྡུད་མཁན་མི་ཀྱ་ཟང་ཁྲུས་གསོལ་ལེན་དུ་འོངས་ཏེ། ཡོ་ཧ་ནན་ལེ། སློབ་དཔོན། ཉེད་ཀྱ་ཀྱིས་ཟང་ཅི་བགྱིད་དགོས་འོད་དི་གོ་ཟིན་དྲིས་ཕེན། 13ཡོ་ཧ་ནན་གྱིས་མི་དེ་ཀྱ་ལེ། ཁྲིམས་ནང་ལེ་གཏན་ཁེལ་བྱས་པའི་ཁྲལ་དེ་རང་མ་གཏོགས་དེ་ལས་ལྷག་གི་ཁྲལ་སྡུད་མི་ཆོག་འོད་སྨྲས་པི་དིག 14ཡང་དམག་མི་ཁ་ཤས་ཀྱིས་ཟང་ཁོང་ལེ། འོ་ནེ། ཉེད་ཀྱ་ཀྱིས་ཅི་གི་བགྱིད་དགོས་འོད་དི་གོ་ཟིན་དྲིས་ཕེན། ཡོ་ཧ་ནན་གྱིས་ཁྱེད་ཀྱ་ཀྱིས་བཙན་དབང་བཏང་སྟེ་དངུལ་མ་ཕྲོགས། མི་སུ་ལེ་ཡིན་ནའང་། གནོད་མ་སྐྱེལ། ཁྱེད་ཀྱ་ཀྱིས་རང་ལེ་ཐོབ་འོད་ཡོད་གླ་ཆ་དེ་ལེ་ཡིད་ཚིམ་པར་གྱིས་སྨྲས་པི་དིག 15ཡང་དེ་རྒྱ་མི་དེ་ཀྱ་ཀྱིས་སྐྱབས་མགོན་གང་མགྱོགས་ཕེབས་འོང་གྱི་དིག་ཟིན་རེ་བའི་ངང་ནས་སྒུག་བསྡད་འོད་དིག ཡང་མི་དེ་ཀྱ་ཀྱི་ནང་མི་ཁ་ཤས་ཀྱིས་ཡོ་ཧ་ནན་ལེ། ཁྱེད་རང་ནི་སྐྱབས་མགོན་དེ་ཡིན་དས་ཟིན་དྲིས་ཕེན། 16ཡོ་ཧ་ནན་གྱིས་མི་དེ་ཀྱ་ལེ། ངས་ཁྱེད་ཀྱ་ལེ་ཆུ་པ་རྐྱང་གིས་ཁྲུས་གསོལ་བགྱིད་འོད། ཡིན་ནའང་། ངའི་རྗེས་ལེ་ང་ལས་ཟང་ལྷག་ཚོད་མཐུ་སྟོབས་ཆེ་བ་ཞིག་ཕེབས་འོང་གྱི་དིག ང་རང་ནི་ཁོང་གི་རྐང་མཐིལ་ལེ་ཟང་སླེབ་ཀྱི་མ་དིག#3.16 གེ་རིག་གི་ཟེར་ལུགས་ནང་ལེ། ང་ནི་ཁོང་གི་ལྷམ་སྒྲོག་ཟང་འགྲོལ་མི་འོས་འོད་ཟིན་འོད་དིག ཡིན་ནའང་། ཁོང་གིས་ཁྱེད་ཀྱ་ལེ་དམ་པའི་ཐུགས་ཉིད་དིང་མེས་ཁྲུས་གསོལ་གནང་གྱི་དིག 17ཁོང་གིས་རང་གི་འབྲུ་སྒམ་ནང་ལེ་འབྲུ་རིགས་སྡུད་རྒྱུ་ཆེད་དུ། ཁོང་གི་ཕྱག་ལེ་ཁྲོ་མ་དིང་ལྕགས་ཁེམ་བསྣམ་སྟེ་གཡུལ་ལས་བགྱིད་དི་མ་ཟད། གཡུལ་ས་དེ་ཟང་གཙང་མ་དགའ་མོ་བཟོ་གནང་གྱི་དིག ཡིན་ནའང་། ཕན་ཐོགས་མེད་མེད་སྤུན་མ་དེ་ནི། མེ་ཐག་ཆོད་རྒྱུ་མེད་མེད་མེའི་ནང་ལེ་གཡུག་གྱི་དིག་ཟིན་སྨྲས་པི་དིག 18ད་རུང་དེ་མིན་པ་བསྐུལ་མ་བཏང་སྟེ། མི་ཀྱ་ལེ་གཏམ་བཟང་བཤད་དི་དིག 19ཡིན་ནའང་། ས་གནས་དཔོན་པོ་ཧེ་རོ་དཱེ་ཁོས། རང་གི་ནུ་བོ་ཕི་ལིབ་ཀྱི་བུད་མེད་ཧེ་རོད་ཡཱ་ཟེར་མཁན་མོ་ཕྲོགས་པི་མ་ཟད། ད་རུང་ལས་ངན་མང་པོ་བྱས་པའི་རྐྱེན་གྱི་ཡོ་ཧ་ནན་གྱིས་ཧེ་རོ་དཱེ་ལེ་བཀའ་བཀྱོན་གནང་པི་དིག 20ཡིན་ནའང་། ཧེ་རོ་དཱེ་ཁོས་ལས་ངན་པ་མང་པོ་བྱས་པི་མ་ཟད། ད་རུང་ཁོས་ཡོ་ཧ་ནན་བཙོན་ལེ་བཅུག་པི་དིག
ཡེ་ཤུས་ཁྲུས་གསོལ་བླངས་པ།
21ཡང་མི་ཡེ་རེ་ཁྲུས་གསོལ་ལེན་རྒྱ། སྐྱབས་མགོན་ཡེ་ཤུ་ཟང་ཁྲུས་གསོལ་བླངས་ཏེ་གསོལ་བ་སྨོན་ལམ་འདེབས་རྒྱ་ནམ་མཁའ་ཕྱེ་གནང་སྟེ། 22དམ་པའི་ཐུགས་ཉིད་ནི་གཟུགས་དབྱིབས་ནང་ལེ་ཕུག་མོ་འབབ་འོང་གི་ཅོག་འདྲ། ཁོང་གི་ལུས་ལྟག་ག་ལེ་བབ་པི་མ་ཟད། ཞིང་ཁམས་ནས། བི་སོའོ། ཁྱོད་ནི་ངའི་སྙིང་ཕྲུག་ཡིན། ང་རང་ཁྱོད་ལེ་དགའ་སྤྲོ་འཇུ་གུ་འོད་ཟིན་གསུང་སྐད་ཞིག་བྱུང་པི་དིག
ཡེ་ཤུའི་རིགས་རྒྱུད་སྐོར།
23ཡེ་ཤུས་རང་གི་ཡབ་ཀྱིས་གནང་བའི་ཕྱག་ལས་དེ་འགོ་འཛུགས་གནང་རྒྱ། ཁོང་རང་དགུང་ལོ་སུམ་ཅུ་ཚོད་ཡིན་དིག མི་ཀྱ་ཀྱིས་ཟང་ཁོང་ནི་ཡོ་སེབ་ཀྱི་བི་ས་ཡིན་དིག་ཟིན་འོད་དིག ཡོ་སེབ་ནི། ཨེ་ལི་ཟེར་མཁན་གྱི་བི་ས་ཡིན་དིག 24ཨེ་ལི་ནི། མད་ཐད་ཟེར་མཁན་གྱི་བི་ས་ཡིན་དིག མད་ཐད་ནི། ལེ་ཝི་ཟེར་མཁན་གྱི་བི་ས་ཡིན་དིག ལེ་ཝི་ནི། མེལ་ཁེ་ཟེར་མཁན་གྱི་བི་ས་ཡིན་དིག མེལ་ཁེ་ནི། ཡན་ནཱ་ཟེར་མཁན་གྱི་བི་ས་ཡིན་དིག ཡན་ནཱ་ནི། ཡོ་སེབ་ཟེར་མཁན་གྱི་བི་ས་ཡིན་དིག 25ཡོ་སེབ་ནི། མད་ཐི་ཐི་ཟེར་མཁན་གྱི་བི་ས་ཡིན་དིག མད་ཐི་ཐི་ནི། ཨ་མོ་ཟི་ཟེར་མཁན་གྱི་བི་ས་ཡིན་དིག ཨ་མོ་ཟི་ནི། ནཱ་ཧུམ་ཟེར་མཁན་གྱི་བི་ས་ཡིན་དིག ནཱ་ཧུམ་ནི། ཧེ་ཟི་ལེ་ཟེར་མཁན་གྱི་བི་ས་ཡིན་དིག ཧེ་ཟི་ལེ་ནི། ནཱ་གེ་ཟེར་མཁན་གྱི་བི་ས་ཡིན་དིག 26ནཱ་གེ་ནི། མ་ཧ་ཐཱ་ཟེར་མཁན་གྱི་བི་ས་ཡིན་དིག མ་ཧ་ཐཱ་ནི། མད་ཐི་ཐི་ཟེར་མཁན་གྱི་བི་ས་ཡིན་དིག མད་ཐི་ཐི་ནི། སེ་མེ་ཟེར་མཁན་གྱི་བི་ས་ཡིན་དིག སེ་མེ་ནི། ཡོ་སེག་ཟེར་མཁན་གྱི་བི་ས་ཡིན་དིག ཡོ་སེག་ནི། ཡོ་དཱ་ཟེར་མཁན་གྱི་བི་ས་ཡིན་དིག 27ཡོ་དཱ་ནི། ཡོ་ཧན་ནཱ་ཟེར་མཁན་གྱི་བི་ས་ཡིན་དིག ཡོ་ཧན་ནཱ་ནི། རེ་སཱ་ཟེར་མཁན་གྱི་བི་ས་ཡིན་དིག རེ་སཱ་ནི། ཟེ་རུ་པ་པེལ་ཟེར་མཁན་གྱི་བི་ས་ཡིན་དིག ཟེ་རུ་པ་པེལ་ནི། ཤེ་ཨེལ་ཐི་ཨེལ་ཟེར་མཁན་གྱི་བི་ས་ཡིན་དིག ཤེ་ཨེལ་ཐི་ཨེལ་ནི། ནེ་རི་ཟེར་མཁན་གྱི་བི་ས་ཡིན་དིག 28ནེ་རི་ནི། མེལ་ཁེ་ཟེར་མཁན་གྱི་བི་ས་ཡིན་དིག མེལ་ཁེ་ནི། ཨ་དཱ་ཟེར་མཁན་གྱི་བི་ས་ཡིན་དིག ཨ་དཱ་ནི། ཁོ་སམ་ཟེར་མཁན་གྱི་བི་ས་ཡིན་དིག ཁོ་སམ་ནི། ཨེལ་མོ་དཱམ་ཟེར་མཁན་གྱི་བི་ས་ཡིན་དིག ཨེལ་མོ་དཱམ་ནི། ཨེར་ཟེར་མཁན་གྱི་བི་ས་ཡིན་དིག 29ཨེར་ནི། ཡོ་ཤུ་ཨ་ཟེར་མཁན་གྱི་བི་ས་ཡིན་དིག ཡོ་ཤུ་ཨ་ནི། ཨེ་ལི་ཨེ་བཟིར་ཟེར་མཁན་གྱི་བི་ས་ཡིན་དིག ཨེ་ལི་ཨེ་བཟིར་ནི། ཡོ་རིམ་ཟེར་མཁན་གྱི་བི་ས་ཡིན་དིག ཡོ་རིམ་ནི། མད་ཐད་ཟེར་མཁན་གྱི་བི་ས་ཡིན་དིག མད་ཐད་ནི། ལེ་ཝི་ཟེར་མཁན་གྱི་བི་ས་ཡིན་དིག 30ལེ་ཝི་ནི། སི་མུ་ཨོན་ཟེར་མཁན་གྱི་བི་ས་ཡིན་དིག སི་མུ་ཨོན་ནི། ཡུ་དཱ་ཟེར་མཁན་གྱི་བི་ས་ཡིན་དིག ཡུ་དཱ་ནི། ཡོ་སེབ་ཟེར་མཁན་གྱི་བི་ས་ཡིན་དིག ཡོ་སེབ་ནི། ཡོ་ནཱམ་ཟེར་མཁན་གྱི་བི་ས་ཡིན་དིག ཡོ་ནཱམ་ནི། ཨེལ་ཡ་ཀིམ་ཟེར་མཁན་གྱི་བི་ས་ཡིན་དིག 31ཨེལ་ཡ་ཀིམ་ནི། མེ་ལེ་ཡཱ་ཟེར་མཁན་གྱི་བི་ས་ཡིན་དིག མེ་ལེ་ཡཱ་ནི། མེན་ནཱ་ཟེར་མཁན་གྱི་བི་ས་ཡིན་དིག མེན་ནཱ་ནི། མད་ཐ་ཐི་ཟེར་མཁན་གྱི་བི་ས་ཡིན་དིག མད་ཐ་ཐི་ནི། ནཱ་ཐན་ཟེར་མཁན་གྱི་བི་ས་ཡིན་དིག ནཱ་ཐན་ནི། དཱ་བིད་ཟེར་མཁན་གྱི་བི་ས་ཡིན་དིག 32དཱ་བིད་ནི། ཡེ་སེ་ཟེར་མཁན་གྱི་བི་ས་ཡིན་དིག ཡེ་སེ་ནི། ཨོ་པེད་ཟེར་མཁན་གྱི་བི་ས་ཡིན་དིག ཨོ་པེད་ནི། པོ་ཨ་ཟི་ཟེར་མཁན་གྱི་བི་ས་ཡིན་དིག པོ་ཨ་ཟི་ནི། སལ་མོན་ཟེར་མཁན་གྱི་བི་ས་ཡིན་དིག སལ་མོན་ནི། ནཱ་སོན་ཟེར་མཁན་གྱི་བི་ས་ཡིན་དིག 33ནཱ་སོན་ནི། ཨ་མི་ན་དབ་ཟེར་མཁན་གྱི་བི་ས་ཡིན་དིག ཨ་མི་ན་དབ་ནི། ཨད་མན་ཟེར་མཁན་གྱི་བི་ས་ཡིན་དིག ཨད་མན་ནི། རམ་ཟེར་མཁན་གྱི་བི་ས་ཡིན་དིག རམ་ནི། ཧེ་ཟི་རོན་ནི་ཟེར་མཁན་གྱི་བི་ས་ཡིན་དིག ཧེ་ཟི་རོན་ནི། པེ་རེ་ཟི་ཟེར་མཁན་གྱི་བི་ས་ཡིན་དིག པེ་རེ་ཟི་ནི། ཡུ་དཱ་ཟེར་མཁན་གྱི་བི་ས་ཡིན་དིག 34ཡུ་དཱ་ནི། ཡ་ཀོབ་ཟེར་མཁན་གྱི་བི་ས་ཡིན་དིག ཡ་ཀོབ་ནི། ཨི་སཱག་ཟེར་མཁན་གྱི་བི་ས་ཡིན་དིག ཨི་སཱག་ནི། ཨབ་ར་ཧམ་ཟེར་མཁན་གྱི་བི་ས་ཡིན་དིག ཨབ་ར་ཧམ་ནི། ཐེ་རཱ་ཟེར་མཁན་གྱི་བི་ས་ཡིན་དིག ཐེ་རཱ་ནི། ནཱ་ཧོར་ཟེར་མཁན་གྱི་བི་ས་ཡིན་དིག 35ནཱ་ཧོར་ནི། སེ་རུག་ཟེར་མཁན་གྱི་བི་ས་ཡིན་དིག སེ་རུག་ནི། རེའུ་ཟེར་མཁན་གྱི་བི་ས་ཡིན་དིག རེའུ་ནི། ཕེ་ལེག་ཟེར་མཁན་གྱི་བི་ས་ཡིན་དིག ཕེ་ལེག་ནི། ཨེ་པེར་ཟེར་མཁན་གྱི་བི་ས་ཡིན་དིག ཨེ་པེར་ནི། ས་ལཱ་ཟེར་མཁན་གྱི་བི་ས་ཡིན་དིག 36ས་ལཱ་ནི། ཁེ་ནཱན་ཟེར་མཁན་གྱི་བི་ས་ཡིན་དིག ཁེ་ནཱན་ནི། ཨར་པག་སད་ཟེར་མཁན་གྱི་བི་ས་ཡིན་དིག ཨར་པག་སད་ནི། ཤེམ་ཟེར་མཁན་གྱི་བི་ས་ཡིན་དིག ཤེམ་ནི། ནོ་ཨཱ་ཟེར་མཁན་གྱི་བི་ས་ཡིན་དིག ནོ་ཨཱ་ནི། ལཱ་མེག་ཟེར་མཁན་གྱི་བི་ས་ཡིན་དིག 37ལཱ་མེག་ནི། མེ་ཐུ་ཟི་ལཱ་ཟེར་མཁན་གྱི་བི་ས་ཡིན་དིག མེ་ཐུ་ཟི་ལཱ་ནི། ཧེ་ནོག་ཟེར་མཁན་གྱི་བི་ས་ཡིན་དིག ཧེ་ནོག་ནི། ཡཱ་རིད་ཟེར་མཁན་གྱི་བི་ས་ཡིན་དིག ཡཱ་རིད་ནི། མཱ་ཧ་ལཱ་ཨེལ་ཟེར་མཁན་གྱི་བི་ས་ཡིན་དིག མཱ་ཧ་ལཱ་ཨེལ་ནི། ཀེ་ནཱན་ཟེར་མཁན་གྱི་བི་ས་ཡིན་དིག 38ཀེ་ནཱན་ནི། ཨེ་ནོ་ཤཱ་ཟེར་མཁན་གྱི་བི་ས་ཡིན་དིག ཨེ་ནོ་ཤཱ་ནི། སེད་ཟེར་མཁན་གྱི་བི་ས་ཡིན་དིག སེད་ནི། ཨ་དམ་ཟེར་མཁན་གྱི་བི་ས་ཡིན་དིག ཨ་དམ་ནི། དཀོན་མཆོག་གིས་བཀོད་གནང་ཕེན། ཁོ་རང་དཀོན་མཆོག་གི་བི་ས་དིང་ཁྱད་མེད་དིག །
Voafantina amin'izao fotoana izao:
ལུ་ཀཱ། 3: DLPO
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 Wycliffe Bible Translators, Inc. All rights reserved.