ལུ་ཀཱ། 7
7
ལེའུ་བདུན་པ།
དམག་མི་བརྒྱ་དཔོན་གྱི་དད་པའི་སྐོར།
1ཡེ་ཤུས་མི་ཚོགས་ཀྱ་ལེ་བཀའ་འདི་ཡེ་རེ་གསུངས་ནུས་པའི་རྗེས་ལེ། ཀ་ཕར་ན་ཧུམ་ཟེར་རི་ལུང་པ་ལེ་ཕེབས་གནང་པི་དིག 2ལུང་པ་དེ་རུ་དམག་མི་བརྒྱ་དཔོན་ལེ་རྩིས་འདང་ཆེན་པོ་བགྱིད་མཁན་གཡོག་པོ་ཞིག་འོད་དི་དིག ཡིན་ནའང་། གཡོག་པ་ཁོ་ལེ་ན་ཚ་ཕོག་སྟེ་ཤི་ལྷག་འོད་དིག 3ཡང་བརྒྱ་དཔོན་ཁོས་ཟང་ཡེ་ཤུའི་སྐོར་ལེ་ཐོས་ཕེན། ཁོས་རང་གི་གཡོག་པོའི་སྲོག་སྐྱོབ་རྒྱུ་ཆེད་དུ། ཡ་ཧུ་དཱ་པའི་དཔོན་རིགས་ཀྱི་རྒན་མི་ཁ་ཤས་ཤིག་ཡེ་ཤུ་འོད་ས་ལེ་བརྫངས་པི་མ་ཟད། 4མི་དེ་ཀྱ་ཡེ་ཤུའི་དྲུང་དུ་སླེབས་ཕེན། ཡེ་ཤུ་ལེ། ཁྱེད་ཀྱིས་བརྒྱ་དཔོན་ཁོང་ལེ། ཐུགས་རྗེ་གཟིགས་ཆོག་འོས་པ་ཞིག་ཡིན་དིག 5ཅི་ལེ་ཟེར་ནི། ཁོང་གིས་ཉེད་ཀྱ་ཀྱི་མི་རིགས་ལེ་བྱམས་སྙིང་རྗེ་བྱས་པི་མ་ཟད། ཚོགས་ཁང་དེ་ཟང་བཞེངས་རོགས་བྱས་པི་དིག་ཟིན་ཞུས་པི་དིག 6དེ་ནས་ཡེ་ཤུ་ཟང་མི་དེ་ཀྱ་དིང་སྐྱེན་ལེ་ཕེབས་གནང་སྟེ། བརྒྱ་དཔོན་གྱི་ཁྱིམ་གྱི་ཉེ་འགྲམ་ལེ་འགྲོ་རྒྱ། བརྒྱ་དཔོན་ཁོས་རང་གི་རོགས་པོ་ཁ་ཤས་ཁོང་གི་དྲུང་དུ་བརྫངས་ཏེ། ཇོ་བོ། ཁྱེད་ལེ་འོ་བརྒྱལ་བཟོ་གྱི་མན། ཅི་ལེ་ཟེར་ནི། ང་ནི་ཡ་ཧུ་དཱ་པའི་མི་ཞིག་མན་ཕེན། ངས་ཁྱེད་རང་ངའི་ཁྱིམ་ལེ་ཕེབས་སུ་ཞུ་མི་འོས་འོད་དི་མ་ཟད། 7ཡང་ང་རང་ཟང་ཁྱེད་ཀྱི་སྐུ་མདུན་ལེ་བཅར་དུ་འོང་མི་འོས་པ་ཞིག་ཡིན་བསམས་ཕེན། ཁྱེད་ཀྱིས་བཀའ་པ་རྐྱང་གསུངས་རོགས། ངའི་གཡོག་པོའི་ན་ཚ་དེ་དྲག་འགྲོ་གྱི་དིག 8ཅི་ལེ་ཟེར་ནི། ང་རང་ཟང་གཞན་གྱི་དབང་འོག་ཏུ་འོད། ཡང་ངའི་དབང་འོག་ལེ་ཟང་དམག་མི་འོད། དཔེར་ན། ངས་མི་ཀྱ་ལེ་རྒྱུགས་སྨྲས་ནི། དེ་ཀྱ་འགྲོ་འོད་དིག ཡང་མི་ཞིག་ལེ་འདི་རུ་ཤོག་སྨྲས་ནི། ཁོ་ཟང་འོང་འོད་དིག ཡང་ངས་གཡོག་པོ་ཞིག་ལེ་ལས་ཀ་དེ་ནུས་པི་གྱིས་ཤིག་ཟིན་སྨྲས་ནི། ཁོས་ཟང་ནུས་པི་བགྱིད་འོད་དིག་ཟིན་ཞུས་ལེད་སྨྲས་ཏེ་ལོན་བསྐུར་རི་དིག 9དེ་ནས་ཡེ་ཤུས་ལབ་དེ་ཐོས་ཏེ་ཡ་མཚན་སྐྱེས་ཕེན། ཞལ་ཚུར་འཁོར་ཏེ་རང་གི་རྗེས་ལེ་འབྲང་འོང་མཁན་མི་ཚོགས་དེ་ཀྱ་ལེ། ང་ཁྱེད་ཀྱ་ལེ་ཟེར་རོ། ཡི་སི་ར་ཨེལ་མི་རིགས་ཀྱི་ནང་ལེ་དད་སེམས་ཆེན་པོ་འོད་ཡོད་མི་འདི་ཅོག་འདྲ་ཞིག་ངས་མཐོང་མ་མྱོང་ཟིན་གསུངས་པི་དིག 10དེ་ནས་བརྒྱ་དཔོན་གྱིས་ཡེ་ཤུའི་དྲུང་དུ་བརྫངས་པའི་མི་ཀྱ་ཕར་རང་འཇགས་བརྒྱ་དཔོན་གྱི་ཁྱིམ་ལེ་ལོག་ཕེན། གཡོག་པོའི་ན་ཚ་ཟང་དྲག་ཚར་འོད་དི་ཁོང་ཀྱ་ཀྱིས་མཐོང་པི་དིག
ཤི་ཚར་རི་བི་ས་ཞིག་ཡང་དང་གསོན་དུ་བཅུག་པ།
11ཡང་དུས་ཡུན་ཁ་ཤས་བུད་དི་རྗེས་ལེ། ཁོང་དིང་སློབ་མ་ཀྱ་ནཱ་ཨིན་ཟེར་རི་རྒྱལ་ས་ལེ་ཕེབས་གནང་པི་མ་ཟད། མི་ཚོགས་མང་པོ་ཞིག་ཟང་ཁོང་གི་སྐྱེན་ལེ་བུད་དི་དིག 12ཁོང་ཀྱ་རྒྱལ་ས་དེའི་རྒྱལ་སྒོའི་ཉེ་འགྲམ་ལེ་སླེབས་རྒྱ། བི་ས་གཅིག་རང་གཅིག་འོད་ཡོད་ཡུགས་མོ་ཞིག་འོད་དིག དུས་དེ་རྒྱ་ཡུགས་མོའི་བི་ས་དེ་ཤི་ཕེན། རྒྱལ་ས་དེའི་མི་ཀྱ་ཀྱིས་ཟང་བི་ས་དེའི་རོ་ཕྱི་ལེ་འཁྱེར་འགྲོ་འོད་དི་མ་ཟད། 13ཇོ་བོ་ཡེ་ཤུས་ཟང་ཡུགས་མོ་དེ་མཐོང་སྟེ། སྙིང་རྗེ་ཆེན་པོ་སྐྱེས་ཏེ་ཁོང་གིས་མོ་ལེ། མ་ངུ་ཟིན་གསུངས་པི་རྗེས་ལེ། 14ཁོང་རང་ཚུར་ཚོད་ཕེབས་འོངས་ཏེ་བི་སའི་རོ་འཁྱེར་ས་ཤིང་དེ་ལེ་ཕྱག་ཐུག་ཚོད་བྱས་ལོང་མེད། རོ་འཁྱེར་མཁན་ཀྱ་ཟང་ལངས་བསྡད་དི་དིག ཡང་ཁོང་གིས། བི་སོའོ། ཡར་ལོངས་དང་ཟིན་གསུངས་ཏེ།#7.14 གེ་རིག་གི་ཟེར་ལུགས་ནང་ལེ། མི་གཞོན་ནུ་ཟིན་འོད་དིག 15བི་ས་དེ་ཡང་དང་གསོན་པོ་བྱུང་སྟེ་ལབ་སྨྲས་ཕེན། ཡེ་ཤུས་བི་ས་དེ་ཨ་མ་མོ་རང་ལེ་རང་འཇགས་གཏད་དི་དིག 16དེ་ནས་དེ་རུ་འོད་ཡོད་མི་ཡེ་རེས་གནས་ཚུལ་དེ་ལེ་ངོ་མཚར་སྐྱེས་ཏེ། དཀོན་མཆོག་ལེ་བསྟོད་པ་ཕུལ་ཏེ། ཕན་ཚུན་གཅིག་གིས་གཅིག་ལེ་ལུང་སྟོན་པ་རྩལ་ཆེན་ཞིག་འུའི་ནང་ལེ་ཕེབས་འདུག་ཟིན་འོད་དི་མ་ཟད། དཀོན་མཆོག་གིས་རང་གི་མི་རིགས་ཀྱ་ལེ་ཐུགས་རྗེས་གཟིགས་གནང་པི་དིག་ཟིན་འོད་དིག 17ཡེ་ཤུས་མཛད་པའི་གནས་ཚུལ་དེ་ཡ་ཧུ་དཱ་ལུང་པ་ཡེ་རེ་དིང་། དེའི་མཐའ་འཁོར་གྱི་ས་ཆ་ཡེ་རེ་ལེ་ཁྱབ་པི་དིག
ཁྲུས་གསོལ་བགྱིད་མཁན་ཡོ་ཧ་ནན་གྱི་སྐོར།
18ཁྲུས་གསོལ་བགྱིད་མཁན་ཡོ་ཧ་ནན་གྱི་སློབ་མ་ཀྱ་ཀྱིས་ཡོ་ཧ་ནན་ལེ་ཡེ་ཤུའི་སྐོར་གྱི་གནས་ཚུལ་དེ་བཤད་ཕེན། 19ཡོ་ཧ་ནན་གྱིས་རང་གི་སློབ་མ་གཉིས་ལེ། རྗེས་ལེ་ཕེབས་འོང་མཁན་སྐྱབས་མགོན་དེ། ཁྱེད་རང་ཡིན་དས། ཡང་ནི། ཉེད་ཀྱ་ཀྱིས་གཞན་མ་ཞིག་ལེ་སྒུག་དགོས་འོད་དི་གོ་ཟིན་དྲིས་ལེད་སྨྲས་ཏེ་ཡེ་ཤུའི་རྩ་ལེ་བརྫངས་པི་དིག 20ཡང་སློབ་མ་དེ་གཉིས་ཟང་ཡེ་ཤུའི་དྲུང་དུ་ཕྱིན་ཏེ། ཁྲུས་གསོལ་བགྱིད་མཁན་ཡོ་ཧ་ནན་གྱིས་ཅི་སྨྲས་པི་ཅོག་འདྲ་ཁོང་ལེ་ཞུས་པི་དིག 21དུས་དེ་རྒྱ་ཡེ་ཤུས་ནད་རིགས་སྣ་ཚོགས་དྲག་གསོས་གནང་པི་མ་ཟད། གདོན་འདྲེ་ཟང་ཐོན་པི་མ་ཟད། མིག་ཞ་ར་ཡིན་མཁན་ཀྱ་ཟང་མཐོང་རྒྱུ་འོད་ཡོད་བཟོས་གནང་པི་དིག 22ཡེ་ཤུས་ཁྲུས་གསོལ་བགྱིད་མཁན་ཡོ་ཧ་ནན་གྱི་སློབ་མ་དེ་གཉིས་ལེ། ད་ཁྱེད་གཉིས་རྒྱུགས། ཞ་ར་ཀྱ་མཐོང་ཐུབ་པི་དིང་། གོམ་པ་རྒྱག་མི་ཐུབ་མཁན་གོམ་པ་རྒྱག་ཐུབ། མཛེ་ནད་ཕོག་པ་ཀྱ་དྲག འོན་པ་ཀྱ་ཐོས་ཐུབ། གཤིན་པོ་ཀྱ་ཟང་ཡང་དང་གསོན། སྤྲང་པོ་ཀྱ་ལེ་གཏམ་བཟང་ཐོས་པི་མ་ཟད། ཁྱེད་གཉིས་ཀྱིས་ཟང་ཅི་མཐོང་པི་དིང་ཅི་ཐོས་པི་ཡེ་རེ་ཡོ་ཧ་ནན་ལེ་སྨྲོས་ཤིག 23ངའི་རྐྱེན་གྱིས་དད་པ་མི་ཉམས་མཁན་ཀྱ་བདེ་བ་ཆེའོ་ཟིན་གསུངས་པི་དིག 24དེ་ནས་ཡོ་ཧ་ནན་གྱིས་བརྫངས་པའི་སློབ་མ་གཉིས་པོ་དེ་ཕར་རང་འཇགས་ལོག་པི་རྗེས་ལེ། ཡེ་ཤུས་ཡོ་ཧ་ནན་གྱི་སྐོར་མི་ཚོགས་ཀྱ་ལེ། དེ་སྔོན་ཁྱེད་ཀྱ་མི་མེད་ལུང་སྟོང་ལེ་ཅི་ལྟ་རུ་ཕྱིན་དོ། མི་མགོ་སླ་མོ་ཞིག་གིས་ཅི་བགྱིད་འོད་མེད་དེ་ལྟ་རུ་ཕྱིན་དས#7.24 གེ་རིག་གི་ཟེར་ལུགས་ལེ། འདམ་རྩྭ་ཞིག་རླུང་གིས་གར་གཡུགས་ལེ་མགོ་གཡུགས་བགྱིད་དི་དེ་ལེ་ལྟ་རུ་ཕྱིན་དས་ཟིན་བྲིས་འོད་དིག། 25འོ་ནེ། གོས་ཆེན་གྱོན་པའི་མི་ཞིག་ལེ་ལྟ་རུ་ཕྱིན་དོ། གོས་ཆེན་གྱོན་ཏེ་སྤྲོ་སྐྱིད་གཏོང་མཁན་མི་ཀྱ་ནི། རྒྱལ་པོའི་ཕོ་བྲང་ནང་ལེ་སྡོད་གྱོ་འོད་དི་མ་གས། 26ཁྱེད་ཀྱ་ཀྱིས་ཅི་ཞིག་ལེ་ལྟ་རུ་ཕྱིན་དོ། འོ་ནི། དཀོན་མཆོག་གི་ལུང་སྟོན་པ་ཞིག་ལེ་ལྟ་རུ་ཕྱིན་དས། གལ་སྲིད་དེ་གི་ཡིན་ནི། ང་ཁྱེད་ཀྱ་ལེ་ཟེར་རོ། ཡོ་ཧ་ནན་ནི་དཀོན་མཆོག་གི་ལུང་སྟོན་པ་ཀྱ་ནང་ནས་གལ་ཆེ་ཤོས་ཡིན་དིག 27དཀོན་མཆོག་གི་གསུང་རབ་ནང་དུ་ཡོ་ཧ་ནན་གྱི་སྐོར་ལེ།
ངའི་ཕོ་ཉ་ཁྱོད་ཀྱི་སྔོན་ལེ་རྫོང་། །
ཁོས་ཁྱེད་ཀྱི་ལམ་གྲ་སྒྲིག་བཟོ། །
ཟིན་གསུངས་འོད་དིག#7.27 ཚིགས་བཅད་འདི་ནི་ལུང་སྟོན་པ་མཱ་ལ་ཀིས་བྲིས་པའི་མདོ་ལེའུ་ 3 ཨང་ 1 ནང་ལེ་ཟིགས་རོགས། 28ང་ཁྱེད་ཀྱ་ལེ་ཟེར་རོ། བུ་མའ་ནས་སྐྱེས་པ་ཡེ་རེའི་ནང་ནས་ཡོ་ཧ་ནན་ལས་གལ་ཆེ་ཤོས་གཞན་སུ་ཟང་མེད། ཡིན་ནའང་། མི་སུ་ཞིག་གིས་རང་གི་སེམས་ནང་ལེ། དཀོན་མཆོག་གིས་དབང་འཛིན་བགྱིད་དུ་འཇུག་མཁན་མི་དེ་དཀྱུས་མ་ཞིག་ཡིན་ནའང་། མི་དེ་ནི་ཡོ་ཧ་ནན་ལས་ལྷག་ཚོད་གལ་ཆེ་ཤོས་ཞིག་ཡིན་དིག་ཟིན་གསུངས་པི་དིག 29དེ་ནས་མི་ཡེ་རེས་གསུང་འདི་ཐོས་པའི་རྗེས་ལེ། མི་ཚོགས་དིང་ཁྲལ་སྡུད་མཁན་ཀྱ་ཀྱིས་ཟང་། དཀོན་མཆོག་གི་དྲང་བདེན་དེ་ལེ་ཁས་ལེན་བྱས་པི་དིག ཅི་ལེ་ཟེར་ནི། ཁོང་ཀྱ་ཀྱིས་ཡོ་ཧ་ནན་ནས་ཁྲུས་གསོལ་བླངས་པི་དིག 30ཡིན་ནའང་། ཕཱ་རུ་ཤི་པ་དིང་ཆོས་ཁྲིམས་མཁས་པ་དེ་ཀྱ་ནི། ཡོ་ཧ་ནན་ནས་ཁྲུས་གསོལ་ལེན་མྱོང་མེད་ཕེན། ཁོང་ཀྱ་ཀྱི་ཆེད་དུ་འོད་ཡོད་དཀོན་མཆོག་གི་ཐུགས་དགོངས་དེ་ལེ་ཟང་ཁོང་ཀྱ་ཀྱིས་ཁས་ལེན་མ་བྱས་པི་དིག
31ཡང་ཡེ་ཤུས་དུས་རབས་འདིའི་མི་ཀྱ་ནི་ཅི་གི་ཞིག་དིང་སྡུར་རྒྱུ། མི་འདི་ཀྱ་ནི་ཅི་ཞིག་དིང་འདྲ་བ་ཡིན་གོ། 32དུས་རབས་འདིའི་མི་ཀྱ་ནི་ཁྲོམ་སྲང་ལེ་ཕྲུ་གུ་རྩེ་མོ་རྩེ་མཁན་དིང་ཅོག་འདྲ་ཡིན་དིག ཕྲུ་གུ་དེ་ཀྱ་ཀྱིས་ཕན་ཚུན་བར་ལེ།
ཉེད་ཀྱ་ཀྱིས་ཁྱེད་ཀྱི་ཆེད་དུ་སྒྲ་བརྙན་རྡུང་ནའང་། །
ཁྱེད་ཀྱ་ཀྱིས་ཞབས་བྲོ་མ་བརྒྱབ་པི་དིག །
ཉེད་ཀྱིས་ཁྱེད་ཀྱ་ཀྱི་ཆེད་དུ་སྐྱོ་གླུ་བླངས་ནའང་། །
ཁྱེད་ཀྱ་ཀྱིས་མ་ངུ་པི་དིག །
ཟེར་རི་དིང་ཅོག་འདྲ་ཡིན་དིག#7.32 གེ་རིག་གི་ཟེར་ལུགས་ནང་ལེ་གླིང་བུ་ཟིན་བྲིས་འོད་དིག 33ཅི་ལེ་ཟེར་ནི། ཁྲུས་གསོལ་བགྱིད་མཁན་ཡོ་ཧ་ནན་འོངས་ཏེ། སྒོར་ཕྱེ་མ་བཟས་པི་མ་ཟད། རྒུན་ཆང་ཟང་མ་བཏུངས་པི་དིག ཡིན་ནའང་། ཁྱེད་ཀྱ་ཀྱིས་ཁོང་ལེ་གདོན་འདྲེ་ཞུགས་འདུག་སྨྲས་པི་དིག 34ཡང་མིའི་བི་ས་འོངས་ཏེ་བཟའ་བཏུང་བྱས་ཕེན། ཁྱེད་ཀྱ་ཀྱིས་ལྟོས་དང་། མི་དེ་ནི་ཤ་དིང་ཆང་ལེ་རྔམ་མཁན་ཞིག་ཡིན་དི་མ་ཟད། ཁྲལ་སྡུད་མཁན་དིང་མི་སྡིག་ཅན་གྱི་རོགས་པོ་ཡིན་དིག་ཟིན་འོད་དིག 35ཡིན་ནའང་། ང་དིང་ཡོ་ཧ་ནན་ཉེད་གཉིས་ཀྱིས་བྱས་པའི་ལས་དེ་ནི། ཡང་དག་པའི་ཤེས་རབ་ཡིན་དི་དཀོན་མཆོག་གི་བུ་ཕྲུག་གིས་ཁུངས་སྐྱེལ་བགྱིད་འོད་དིག་ཟིན་གསུངས་པི་དིག
ཡེ་ཤུའི་ཞབས་ལེ་སྤོས་ཆུ་བླུགས་པ།
36ཉིན་མ་ཞིག་ཕཱ་རུ་ཤི་པའི་མི་ཞིག་གིས་ཡེ་ཤུ་རང་གི་ཁྱིམ་ལེ་གདན་དྲངས་ཕེན། ཁོང་མི་དེའི་ཁྱིམ་ལེ་ཕེབས་ཏེ་མགོ་སྔས་ལེ་བསྙེས་ཏེ་གསོལ་བ་བཞེས་པི་དིག#7.36 སྔས་མགོ་ལེ་བསྙེས་ཏེ་གསོལ་བ་བཞེས་རྒྱུ་དེ་ནི་ཡ་ཧུ་དཱ་པའི་ལུགས་སྲོལ་ཞིག་ཡིན་དིག 37ཡང་དེ་རྒྱ་རྒྱལ་ས་དེ་རུ་བུ་མའ་སྡིག་ཅན་ཞིག་འོད་དིག མོས་ཡེ་ཤུ་ནི་ཕཱ་རུ་ཤི་པའི་ཁྱིམ་ལེ་བཞུགས་འོད་དི་ཧ་གོ་ཕེན། སྤོས་ཆུས་གང་བའི་རྡོ་ཀ་མ་རུའི་བུམ་པ་ཞིག་ཁྱེར་འོངས་ཏེ། 38ཁོང་གི་རྒྱབ་ཏུ་པུས་མོ་བཙུགས་ཏེ། ཁོང་གི་ཞབས་ཀྱི་རྩ་ལེ་འོངས་ཏེ་ངུས་པི་མ་ཟད། མོའི་མིག་ཆུའི་ཁོང་གི་ཞབས་རློན་པ་བྱུང་ཕེན། མོ་རང་གི་སྐྲས་ཁོང་གི་ཞབས་ཕྱིས་ཏེ། ཞབས་ལེ་ཐོད་པ་གཏུགས་ལས་གཏུགས་ལས་བྱས་ཏེ། དྲི་ཞིམ་གྱི་སྤོས་ཆུ་དེ་ཁོང་གི་ཞབས་ལེ་བླུགས་པི་དིག 39ཡང་ཁོང་ལེ་མགྲོན་པོ་འབོད་མཁན་ཕཱ་རུ་ཤི་པ་ཁོས་དོན་དེ་མཐོང་སྟེ། གལ་སྲིད་མི་འདི་ལུང་སྟོན་པ་ཞིག་ཡིན་ནི། རང་ལེ་ལག་ག་འཇུས་མཁན་བུ་མའ་འདི་སུ་ཡིན་མིན་དིང་། ཅི་གི་ཞིག་ཡིན་མིན་དིང་། ཡང་མོ་རང་ནི་སྡིག་ཅན་ཞིག་ཡིན་དི་མཁྱེན་གྱི་དིག་བསམས་པི་དིག 40ཡིན་ནའང་། ཡེ་ཤུས་མི་དེའི་སེམས་ཚུལ་དེ་མཁྱེན་གནང་སྟེ། ཡེ་ཤུས། སི་མོན། ང་ཁྱོད་ལེ་ལབ་ཞིག་ཟེར་རྒྱུ་འོད་ཟིན་གསུངས་ཕེན། ཁོས་ཟང་སློབ་དཔོན། གསུངས་རོགས་ཟིན་ཞུས་ཕེན 41ཡེ་ཤུས། བུ་ལོན་གཏོང་མཁན་མི་ཞིག་ལེ་བུ་ལོན་ལེན་རྒྱུ་འོད་ཡོད་མི་གཉིས་འོད་དིག མི་གཅིག་ལེ་དངུལ་གྱི་སྒོར་མོ་ལྔ་བརྒྱ་དིང་། ཡང་མི་གཅིག་ལེ་དངུལ་གྱི་སྒོར་མོ་ལྔ་བཅུ་བུ་ལོན་ལེན་རྒྱུ་འོད་དིག 42ཡིན་ནའང་། མི་འདི་གཉིས་ཀྱིས་བུ་ལོན་འཇལ་མ་ཐུབ་ཕེན། བུ་ལོན་གྱི་བདག་པོ་དེས་ཁོ་གཉིས་ལེ་དགོངས་ཡངས་བཏང་སྟེ་བུ་ལོན་བསལ་ལི་བྱས་པི་དིག ད་མི་དེ་གཉིས་ནང་ནས་སུས་ཁོང་ལེ་བྱམས་བརྩེ་བ་བགྱིད་འོད་དིག་གོ་ཟིན་དྲིས་ཏེ། 43སི་མོན་གྱིས་ངའི་སེམས་པ་ལེ། བུ་ལོན་མང་པོ་བསལ་ལི་མི་དེས་ཁོང་ལེ་བྱམས་བརྩེ་བ་བགྱིད་ཀྱི་དིག་ཟིན་ཞུས་ཕེན། ཡེ་ཤུས་ཟང་ཁྱོད་ཀྱིས་སྨྲས་པའི་ལབ་དེ་བདེན་པ་ཡིན་དིག་ཟིན་གསུངས་པི་དིག 44ཡང་ཁོང་གིས་བུ་མའ་མོ་ལེ་གཟིགས་ཏེ། སི་མོན། མོ་ལེ་ལྟོས་དང་། ང་ཁྱོད་ཀྱི་ཁྱིམ་ལེ་འོང་རྒྱ། ཁྱོད་ཀྱིས་ང་ལེ་རྐང་པ་འཁྲུད་རྒྱུ་ཆུ་ཟང་མ་བྱིན་བྱུང་། ཡིན་ནའང་། བུ་མའ་འདི་རང་གི་མིག་ཆུས་ངའི་རྐང་པ་བཀྲུས་པི་མ་ཟད། རང་གི་སྐྲས་ངའི་རྐང་པ་འཕྱིས་པི་དིག 45ཡང་ཁྱོད་ཀྱིས་སྣེ་ལེན་གྱི་ལུགས་སྲོལ་ཅོག་འདྲ་ང་ལེ་མ་བྱས་བྱུང་། ཡིན་ནའང་། བུ་མའ་མོས་ང་འདི་རུ་འོངས་པི་ནས་ཕེན། ངའི་རྐང་པ་ལེ་ཡང་ནས་ཡང་དུ་ཐོད་པ་གཏུགས་པི་དིག#7.45 ཡ་ཧུ་དཱ་པའི་ལུགས་སྲོལ་ནང་ལེ། མགྲོན་པོ་སླེབས་རྒྱ། ཐོད་པ་ཐུག་རེ་མི་བགྱིད་འོད་དིག ཁོང་ཀྱ་ཀྱི་ལུགས་སྲོལ་ལེ་རྐང་པ་འཁྲུ་རྒྱུ་ཆུ་སྟེར་གྱོ་འོད་དིག 46ཡང་ཁྱོད་ཀྱིས་ངའི་མགོ་ལེ་སྣུམ་མ་བྱུགས་ནའང་། བུ་མའ་མོས་སྤོས་ཆུ་གོང་ཆེན་པོ་འདི་ངའི་རྐང་པ་ལེ་བླུགས་པི་དིག 47འོ་དེ་ལེ་བརྟེན་ཏེ། ང་ཁྱོད་ལེ་ཟེར་རོ། མོས་སྡིག་ཉེས་མང་པོ་བསལ་ཚར་རི་ཕེན། མོ་རང་དགའ་སྤྲོ་ཆེན་པོ་བྱུང་སྟེ་མོས་ང་ལེ་བྱམས་བརྩེ་བ་ཆེན་པོ་བྱས་པི་དིག ཡིན་ནའང་། སྡིག་ཉེས་ཉུང་མ་བསལ་ལི་མི་དེས་ང་ལེ་བྱམས་བརྩེ་བ་འཇུ་གུ་མི་བགྱིད་འོད་དིག་ཟིན་གསུངས་པི་དིག 48དེ་ནས་ཁོང་གིས་བུ་མའ་མོ་ལེ། ད་ཁྱོད་ཀྱི་སྡིག་ཉེས་བསལ་ཚར་རི་དིག་ཟིན་གསུངས་ཕེན། 49ཁོང་དིང་སྐྱེན་ལེ་བཟའ་འཐུང་བགྱིད་མཁན་མི་དེ་ཀྱ་གཅིག་གིས་གཅིག་ལེ། སྡིག་ཉེས་ཟང་བསལ་ལི་དིག་ཟེར་མཁན་མི་འདི་སུ་ཡིན་ནེ་ཟིན་སྨྲས་པི་དིག 50ཡིན་ནའང་། ཡེ་ཤུས་བུ་མའ་མོ་ལེ། ཁྱོད་ཀྱི་དད་པས་ཁྱོད་རང་ལེ་བསྐྱབས་པི་དིག ད་ཞི་བདེའི་ངང་ནས་ལོག་རྒྱུགས་ཟིན་གསུངས་པི་དིག །
Voafantina amin'izao fotoana izao:
ལུ་ཀཱ། 7: DLPO
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 Wycliffe Bible Translators, Inc. All rights reserved.