Izaia 32
32
Ilay mpanjaka manaraka ny marina
1Indro misy mpanjaka#32,1 Indro misy mpanjaka, sns. Ny lazaina eto dia ny fanjakan’i Ezekiasa, nefa ny mifanandrify kokoa, dia ny fanjakan’i Jesoa Kristy izay Ezekiasa no tandindony. hanjaka araka ny rariny;
ary ny mpifehy#32,1 Mpifehy. Ny mpifehy izay hitondra amin’ny hitsiny, dia manambara ny Apôstôly. hitondra araka ny hitsiny.
2Ka izy ireo dia samy ho fiarovana amin’ny rivotra;
ho fialofana amin’ny ranonoram-baratra;
tahaka ny ranovelona amin’ny tany karankaina;
tahaka ny alo-batolampy eo amin’ny tany foana.
3Ny mason’ny mahiratra#32,3 Ny mahiratra. Ny lazaina amin’izany, dia ny mpahita na mpaminany. tsy hohajambaina intsony,
ny sofin’ny malady, hihaino tsara,
4ny fon’ny maivan-doha, halaky mahazo an-tsaina;
ny lelan’ny mikodedidedika, hahay miteny mazava.
5Ny adala tsy mba antsoina hoe andriana#32,5 Ny adala tsy mba antsoina hoe andriana. Ny tian’i Izaia ampitahaina amin’izany teny izany, dia ny fanjakan’i Ezekiasa na i Joâsa izay mpanjaka tsara fanahy sy antra olona, amin’ny fanjakan’i Akaza izay nampahory ny vahoakany sy nandreraka azy ireo noho ny fihinanam-bahoaka intsony. intsony;
ary ny mpihatsaravelatsihy, tsy ho lazaina hoe mahery mahery intsony.
Samy hafa ny adala sy ny andriana
6Satria ny adala miteniteny foana,
ary ny ratsy no imasoan’ny fony,
mba hanaovany zavatra mifanohitra amin’ny fivavahana;
sy hanononany teny diso manohitra an’i Iaveh,
mba hamelany ny fanahin’ny noana hilendalenda fotsiny eo,
sy hanesorany ny fisotro eny amin’izay mangetaheta.
7Ny fiadanan’ny mpamitaka dia enti-mamadika,
mamoron-tsain-dratsy izy io,
hamerezany amin’ny lainga ny olona iva toerana,
ary ny mahantra koa, na dia izay milaza zavatra ara-drariny aza.
8Fa ny andriana manan-kevitra mendrika andriana,
sy hitsangan-kanao asa mendrika andriana.
Ny vehivavy kamo
9Ry vehivavy tsy manahy, mitsangàna,
mihainoa ny feoko!
Ry zazavavy tsy manahy,
mampandria sofina amin’ny teniko.
10Raha afaka herintaona mahery andro vitsy,
dia hangovitra ianareo tsy manahy,
fa ny fiotazam-boaloboka tsy hisy;
ny fanangonam-boa tsy hatao.
11Manàna vadi-po, ry kala mitsilamodamoka!
mangovita, ry kala tsy manahy.
Esory ny fitafianareo sarobidy, mialà akanjo#32,11 Esory ny fitafianareo, mialà akanjo: Izany hoe, esory ny firavaka tsaranareo.,
misikìna lasàka#32,11 Misikìna lasàka. Raiso ny akanjo fisaonana sy fanaovana asa fivalozana..
12Migogogogo ny olona mandondon-tratra
ny amin’ny saha mahafinaritra,
ny amin’ny tanimboaloboka mahavokatra!
13Eo amin’ny tanin’ny vahoakako,
tsilo sy hery no maniry,
na dia eo ambonin’ny trano firavoravoana rehetra aza
ao amin’ny tanàna ravoravo.
14Fa ny lapa, nilaozana,
ny tanàna maresaka, zary tany foana;
Ofely sy ny Tilikambo fiambenana,
zary fierem-biby ho mandrakizay,
fikarenjen’ampondra dia,
ary fiandrasana biby fiompy.
Famonjen’i Iaveh
15Mandra-pampidina ho ao amintsika,
ny Fanahy avy any ambony,
ka ny efitra ho tonga saha misy hazo mamoa,
ary ny sahan-kazo mamoa hatao ala:
16Amin’izany, ny hitsiny hitoetra any an’efitra;
ny rariny hiorim-ponenana ao amin’ny sahan-kazo mamoa.
17Ary ny ho vokatry ny fahamarinana dia ny fitsaharana
sy ny fandriam-pahalemana mandrakizay.
18Ny vahoakako honina eo amin’ny toeram-piadanana,
eo amin’ny trano fonenana mahatoky,
eo amin’ny trano fipetrahana mandry feizay.
19Nefa ny ala, haripaky ny havandra;
ary ny tanàna#32,19 Ny tanàna: Angamba i Niniva izay nalain’i Nabokodonozora sy i Astiage, tamin’ny andro nanjakan’i Josiasa., haetry ambany dia ambany.
20Sambatra ianareo mamafy eny rehetra eny anilan’ny rano,
sy mamela ny tongotry ny omby aman’ampondra, hiriaria.
Voafantina amin'izao fotoana izao:
Izaia 32: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.