Matio 23
23
Fihatsarambelatsihin’ny mpanora-dalàna sy ny Farisianina
1Tamin’izay dia niteny tamin’ny vahoaka sy tamin’ny mpianany i Jesoa 2nanao hoe: «Efa mipetraka eo amin’ny fipetrahan’i Môizy ny mpanora-dalàna sy ny Farisianina; 3ka ataovy sy araho izay rehetra lazainy aminareo, fa aza maka tahaka ny ataony, satria milaza fotsiny izy fa tsy manao. 4Fehezin’izy ireo ny zava-mavesatra sarotra entina, dia atainginy eo an-tsoroky ny olona, nefa izy tsy mety hanetsika izany na dia amin’ny rantsan-tanany akory aza. 5Ny mba ho hitan’ny olona ihany no anaovany ny asany rehetra, ka dia filakitera#23,5 Ny filakitera, na hoe fahatsiarovana, dia tranon-javatra madinika fasiana tenin’ny Lalàna voasoratra tamin’ny hoditra, fentin’ny Jody mifehy an-kandriny sy amin’ny sandriny ankavia. Ny somotraviavin-damba dia zavatra efatra mitovy amin’ny sahondran-tsatroka mihantona amin’ny zoron-damba, nasain’Andriamanitra entin’ny Jody ho fahatsiarovana ny Lalàna koa. (Ireny indrindra no morontongotr’akanjon’ny Tompo notendren’ilay vehivavy nitsi-dra: 9,20). lehibebe kokoa sy somotraviavin-damba lavalava kokoa noho ny an’ny olona no entiny. 6Ny tiany dia ny voalohan-toerana amin’ny fanasana, ny fipetrahana voalohany amin’ny sinagoga, 7ny arahabaina eo an-kianja ary ny antsoin’ny olona hoe Raby#23,7 Raby, dia mpampianatra, fa kilasy ambony toy ny dokotera alehan’ny olona noho ny fahaizany.. 8Fa ianareo kosa, aza mba mety hantsoina hoe Raby, fa iray ihany no Mpampianatra anareo, ary mpirahalahy avokoa ianareo rehetra. 9Ary aza miantso olona eto an-tany ho rainareo; fa iray ihany no Rainareo, dia Izay any an-danitra. 10Aza mety hatao hoe mpampianatra; fa iray ihany ny Mpampianatra anareo, dia i Kristy#23,8-10 Tsy ara-bakiteny, fa araka ny heviny no tokony handraisana ireo anatra ireo, dia hoe: aza mila dera, aza mieboebo foana tahaka an’ireo Farisianina.. 11Izay lehibe indrindra aminareo dia ho mpanomponareo; 12fa izay hanandra-tena dia haetry, ary izay hanetry tena dia hasandratra.»
Loza fito hanjò ireo mpanora-dalàna sy Farisianina
(Jereo Lk 11,39-48, 52)
13Mila loza ianareo mpanora-dalàna sy Farisianina mpihatsaravelatsihy, fa hidianareo eo anoloan’ny olona ny fanjakan’ny lanitra; ka ny tenanareo tsy miditra, ny olona hiditra sakananareo. 14Mila loza ianareo, mpanora-dalàna sy Farisianina mpihatsaravelatsihy, fa ny fivavahanareo lavareny no entinareo mihinana ny fananan’ny mpitondratena; izany no vao mainka hahamafimafy kokoa ny fanamelohana anareo. 15Mila loza ianareo mpanora-dalàna sy Farisianina mpihatsaravelatsihy, noho ianareo mitetitety ny ranomasina sy ny tanety mba hahazo mpianatra#23,15 Mba hahazo mpianatra. Mpianatra hoe: prôzelita, Jentily tonga Jody amin’ny fivavahana. Zanaky ny gehen’afo: mendrika ny afobe. na dia iray aza; ka nony mahazo ianareo, dia ataonareo zanaky ny gehen’afo mihoatra indroa noho ianareo.
16Mila loza ianareo, ry mpitari-dalana jamba izay manao hoe: Raha misy mianiana amin’ny Tempoly, dia tsy mampaninona izany; fa raha misy mianiana amin’ny volamena izay ao amin’ny Tempoly, dia voafehy izy. 17Ry adala sy jamba, iza no ambonimbony kokoa, ny volamena sa ny Tempoly izay mahamasina ny volamena? 18Ary koa: Raha misy mianiana amin’ny ôtely, tsy mampaninona izany; fa raha misy mianiana amin’ny fanatitra eo amboniny, dia voafehy izy. 19Ry jamba, iza no ambonimbony kokoa, ny fanatitra sa ny ôtely izay mahamasina ny fanatitra? 20Koa amin’izany, izay mianiana amin’ny ôtely, dia mianiana aminy sy amin’izay rehetra eo amboniny; 21izay rehetra mianiana amin’ny Tempoly, dia mianiana aminy sy amin’Ilay mitoetra ao anatiny; 22ary izay mianiana amin’ny lanitra, dia mianiana amin’ny seza fiandrianan’Andriamanitra, sy amin’izay mipetraka eo amboniny.
23Mila loza ianareo, ry mpanora-dalàna sy Farisianina mpihatsaravelatsihy, fa ny ampahafolon’ny solila sy ny aneta ary ny komìna aloanareo#23,23 Ny solila... aneta... komìna, dia ny anana madinika izay tsy nandoavan’ny olona ny ampahafolony voadidin’ny Lalàna, nefa nandoavan’ny Farisianina ihany. Finoana. Ny heviny eto dia hitsim-pon’ny olona manaraka ny kônsiansiny, mifady ny fiolikolehana ka mendrika hinoana sy hitokiana.; nefa ny zavatra lehibebe kokoa amin’ny Lalàna tsy tandremanareo, dia ny rariny sy ny famindram-po ary ny finoana. Izany no tsy maintsy arahinareo, nefa ireroa koa tsy azonareo avela. 24Ry mpitari-dalana jamba, ny moka tantavaninareo#23,24 Notantavanin’ny Farisianina ny rano sy ny divay, sao dia misy bibikely na moka fady ao. Mitelina rameva dia manao ho tsinontsinona ny heloka be vava., nefa ny rameva atelinareo! 25Mila loza ianareo, ry mpanora-dalàna sy Farisianina mpihatsaravelatsihy, fa ny vohon’ny kapoaka sy ny lovia diovinareo, nefa ny ao anatiny feno halatra sy tsy fahononana. 26Ry Farisianina jamba, diovy aloha ny atin’ny kapoaka sy ny lovia, mba ho madio koa ny vohony. 27Mila loza ianareo, ry mpanora-dalàna sy Farisianina mpihatsaravelatsihy, fa tahaka ny fasana voalalotra fotsy ianareo eto ivelany ka miseho ho tsara, fa ao anatiny feno taolam-paty sy olitra. 28Toy izany koa ianareo eto ivelany miseho ho marina eo imason’ny olona, nefa ao anatinareo feno fihatsarambelatsihy sy faharatsiana. 29Mila loza ianareo, ry mpanora-dalàna sy Farisianina mpihatsaravelatsihy, fa manamboatra ny fasan’ny mpaminany ianareo sady manisy haingony ny tsangam-baton’ny olo-marina 30ka manao hoe: Raha izahay no mba tamin’ny andron’ny razanay, dia tsy ho niray tetika taminy, handatsaka ny ran’ny mpaminany izahay. 31Koa amin’izany ny tenanareo ihany no mitsangan-ko vavolombelona fa zanak’izay namono ny mpaminany ianareo. 32Fenoy àry ny famaran’ny razanareo!
Heloka sy sazy ho avy
(Jereo Lk 11,49-51)
33«Ry bibilava, taranaky ny menarana, ataonareo ahoana no fandositra tsy hohelohina ho any amin’ny gehen’afo? 34Koa amin’izany, indro fa anirahako mpaminany sy olon-kendry ary mpanora-dalàna ianareo; fa ny sasany hovonoinareo sy hofantsihanareo amin’ny hazofijaliana, ary ny sasany hokapohinareo amin’izay tanàna halehany, 35mba hanody anareo avokoa ny ra marina nalatsaka teto ambonin’ny tany, hatramin’ny ran’i Abela lehilahy marina ka hatramin’ny ran’i Zakaria zanak’i Barakia#23,35 Zakaria zanak’i Barakia. Tsy ilay Zakaria isan’ny Mpaminany io fa hafa, tokony ho ilay novonoin’i Joasy mpanjaka., izay novonoinareo teo anelanelan’ny Tempoly sy ny ôtely. 36Izaho milaza marina aminareo fa tsy maintsy hihatra amin’ity taranaka ity izany rehetra izany.»
Teny mafy amin’i Jerosalema
(Jereo Lk 13,34-35)
37Ry Jerosalema, ry Jerosalema, izay mamono ny mpaminany sy mitora-bato izay nirahina ho aminao, impiry no nitadiavako hanangona ny zanakao tahaka ny anangonan’ny reniakoho ny zanany eo ambanin’ny elany, fa tsy nety ianao? 38Indro fa avela aminareo ho trano lao ny tranonareo#23,38-39 Ny tranonareo, dia ny Tempoly; avela ho trano lao, fa hialan’Andriamanitra. Tsy hahita Ahy, sns., dia tsy hino mihitsy ny Jody, mandra-pibebany amin’ny farandro.. 39Fa lazaiko aminareo fa tsy hahita Ahy intsony ianareo ambara-pilazanareo hoe:
Hohasoavina anie Izay avy, amin’ny Anaran’ny Tompo.
Voafantina amin'izao fotoana izao:
Matio 23: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.
Matio 23
23
Fihatsarambelatsihin’ny mpanora-dalàna sy ny Farisianina
1Tamin’izay dia niteny tamin’ny vahoaka sy tamin’ny mpianany i Jesoa 2nanao hoe: «Efa mipetraka eo amin’ny fipetrahan’i Môizy ny mpanora-dalàna sy ny Farisianina; 3ka ataovy sy araho izay rehetra lazainy aminareo, fa aza maka tahaka ny ataony, satria milaza fotsiny izy fa tsy manao. 4Fehezin’izy ireo ny zava-mavesatra sarotra entina, dia atainginy eo an-tsoroky ny olona, nefa izy tsy mety hanetsika izany na dia amin’ny rantsan-tanany akory aza. 5Ny mba ho hitan’ny olona ihany no anaovany ny asany rehetra, ka dia filakitera#23,5 Ny filakitera, na hoe fahatsiarovana, dia tranon-javatra madinika fasiana tenin’ny Lalàna voasoratra tamin’ny hoditra, fentin’ny Jody mifehy an-kandriny sy amin’ny sandriny ankavia. Ny somotraviavin-damba dia zavatra efatra mitovy amin’ny sahondran-tsatroka mihantona amin’ny zoron-damba, nasain’Andriamanitra entin’ny Jody ho fahatsiarovana ny Lalàna koa. (Ireny indrindra no morontongotr’akanjon’ny Tompo notendren’ilay vehivavy nitsi-dra: 9,20). lehibebe kokoa sy somotraviavin-damba lavalava kokoa noho ny an’ny olona no entiny. 6Ny tiany dia ny voalohan-toerana amin’ny fanasana, ny fipetrahana voalohany amin’ny sinagoga, 7ny arahabaina eo an-kianja ary ny antsoin’ny olona hoe Raby#23,7 Raby, dia mpampianatra, fa kilasy ambony toy ny dokotera alehan’ny olona noho ny fahaizany.. 8Fa ianareo kosa, aza mba mety hantsoina hoe Raby, fa iray ihany no Mpampianatra anareo, ary mpirahalahy avokoa ianareo rehetra. 9Ary aza miantso olona eto an-tany ho rainareo; fa iray ihany no Rainareo, dia Izay any an-danitra. 10Aza mety hatao hoe mpampianatra; fa iray ihany ny Mpampianatra anareo, dia i Kristy#23,8-10 Tsy ara-bakiteny, fa araka ny heviny no tokony handraisana ireo anatra ireo, dia hoe: aza mila dera, aza mieboebo foana tahaka an’ireo Farisianina.. 11Izay lehibe indrindra aminareo dia ho mpanomponareo; 12fa izay hanandra-tena dia haetry, ary izay hanetry tena dia hasandratra.»
Loza fito hanjò ireo mpanora-dalàna sy Farisianina
(Jereo Lk 11,39-48, 52)
13Mila loza ianareo mpanora-dalàna sy Farisianina mpihatsaravelatsihy, fa hidianareo eo anoloan’ny olona ny fanjakan’ny lanitra; ka ny tenanareo tsy miditra, ny olona hiditra sakananareo. 14Mila loza ianareo, mpanora-dalàna sy Farisianina mpihatsaravelatsihy, fa ny fivavahanareo lavareny no entinareo mihinana ny fananan’ny mpitondratena; izany no vao mainka hahamafimafy kokoa ny fanamelohana anareo. 15Mila loza ianareo mpanora-dalàna sy Farisianina mpihatsaravelatsihy, noho ianareo mitetitety ny ranomasina sy ny tanety mba hahazo mpianatra#23,15 Mba hahazo mpianatra. Mpianatra hoe: prôzelita, Jentily tonga Jody amin’ny fivavahana. Zanaky ny gehen’afo: mendrika ny afobe. na dia iray aza; ka nony mahazo ianareo, dia ataonareo zanaky ny gehen’afo mihoatra indroa noho ianareo.
16Mila loza ianareo, ry mpitari-dalana jamba izay manao hoe: Raha misy mianiana amin’ny Tempoly, dia tsy mampaninona izany; fa raha misy mianiana amin’ny volamena izay ao amin’ny Tempoly, dia voafehy izy. 17Ry adala sy jamba, iza no ambonimbony kokoa, ny volamena sa ny Tempoly izay mahamasina ny volamena? 18Ary koa: Raha misy mianiana amin’ny ôtely, tsy mampaninona izany; fa raha misy mianiana amin’ny fanatitra eo amboniny, dia voafehy izy. 19Ry jamba, iza no ambonimbony kokoa, ny fanatitra sa ny ôtely izay mahamasina ny fanatitra? 20Koa amin’izany, izay mianiana amin’ny ôtely, dia mianiana aminy sy amin’izay rehetra eo amboniny; 21izay rehetra mianiana amin’ny Tempoly, dia mianiana aminy sy amin’Ilay mitoetra ao anatiny; 22ary izay mianiana amin’ny lanitra, dia mianiana amin’ny seza fiandrianan’Andriamanitra, sy amin’izay mipetraka eo amboniny.
23Mila loza ianareo, ry mpanora-dalàna sy Farisianina mpihatsaravelatsihy, fa ny ampahafolon’ny solila sy ny aneta ary ny komìna aloanareo#23,23 Ny solila... aneta... komìna, dia ny anana madinika izay tsy nandoavan’ny olona ny ampahafolony voadidin’ny Lalàna, nefa nandoavan’ny Farisianina ihany. Finoana. Ny heviny eto dia hitsim-pon’ny olona manaraka ny kônsiansiny, mifady ny fiolikolehana ka mendrika hinoana sy hitokiana.; nefa ny zavatra lehibebe kokoa amin’ny Lalàna tsy tandremanareo, dia ny rariny sy ny famindram-po ary ny finoana. Izany no tsy maintsy arahinareo, nefa ireroa koa tsy azonareo avela. 24Ry mpitari-dalana jamba, ny moka tantavaninareo#23,24 Notantavanin’ny Farisianina ny rano sy ny divay, sao dia misy bibikely na moka fady ao. Mitelina rameva dia manao ho tsinontsinona ny heloka be vava., nefa ny rameva atelinareo! 25Mila loza ianareo, ry mpanora-dalàna sy Farisianina mpihatsaravelatsihy, fa ny vohon’ny kapoaka sy ny lovia diovinareo, nefa ny ao anatiny feno halatra sy tsy fahononana. 26Ry Farisianina jamba, diovy aloha ny atin’ny kapoaka sy ny lovia, mba ho madio koa ny vohony. 27Mila loza ianareo, ry mpanora-dalàna sy Farisianina mpihatsaravelatsihy, fa tahaka ny fasana voalalotra fotsy ianareo eto ivelany ka miseho ho tsara, fa ao anatiny feno taolam-paty sy olitra. 28Toy izany koa ianareo eto ivelany miseho ho marina eo imason’ny olona, nefa ao anatinareo feno fihatsarambelatsihy sy faharatsiana. 29Mila loza ianareo, ry mpanora-dalàna sy Farisianina mpihatsaravelatsihy, fa manamboatra ny fasan’ny mpaminany ianareo sady manisy haingony ny tsangam-baton’ny olo-marina 30ka manao hoe: Raha izahay no mba tamin’ny andron’ny razanay, dia tsy ho niray tetika taminy, handatsaka ny ran’ny mpaminany izahay. 31Koa amin’izany ny tenanareo ihany no mitsangan-ko vavolombelona fa zanak’izay namono ny mpaminany ianareo. 32Fenoy àry ny famaran’ny razanareo!
Heloka sy sazy ho avy
(Jereo Lk 11,49-51)
33«Ry bibilava, taranaky ny menarana, ataonareo ahoana no fandositra tsy hohelohina ho any amin’ny gehen’afo? 34Koa amin’izany, indro fa anirahako mpaminany sy olon-kendry ary mpanora-dalàna ianareo; fa ny sasany hovonoinareo sy hofantsihanareo amin’ny hazofijaliana, ary ny sasany hokapohinareo amin’izay tanàna halehany, 35mba hanody anareo avokoa ny ra marina nalatsaka teto ambonin’ny tany, hatramin’ny ran’i Abela lehilahy marina ka hatramin’ny ran’i Zakaria zanak’i Barakia#23,35 Zakaria zanak’i Barakia. Tsy ilay Zakaria isan’ny Mpaminany io fa hafa, tokony ho ilay novonoin’i Joasy mpanjaka., izay novonoinareo teo anelanelan’ny Tempoly sy ny ôtely. 36Izaho milaza marina aminareo fa tsy maintsy hihatra amin’ity taranaka ity izany rehetra izany.»
Teny mafy amin’i Jerosalema
(Jereo Lk 13,34-35)
37Ry Jerosalema, ry Jerosalema, izay mamono ny mpaminany sy mitora-bato izay nirahina ho aminao, impiry no nitadiavako hanangona ny zanakao tahaka ny anangonan’ny reniakoho ny zanany eo ambanin’ny elany, fa tsy nety ianao? 38Indro fa avela aminareo ho trano lao ny tranonareo#23,38-39 Ny tranonareo, dia ny Tempoly; avela ho trano lao, fa hialan’Andriamanitra. Tsy hahita Ahy, sns., dia tsy hino mihitsy ny Jody, mandra-pibebany amin’ny farandro.. 39Fa lazaiko aminareo fa tsy hahita Ahy intsony ianareo ambara-pilazanareo hoe:
Hohasoavina anie Izay avy, amin’ny Anaran’ny Tompo.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.