Ekleziastika 46
46
I Jôsoe
1Nahery an’ady i Jôsoe#46,1 I Jôsoe. Ny hevitr’izany anarana izany amin’ny teny hebrio dia hoe: famonjena; nefa azo adika koa hoe: mpamonjy, mpamonjy nomen’Andriamanitra, Andriamanitra latsaka an-tany., zanak’i Nona,
izay nandimby an’i Môizy amin’ny fiambonian’ny mpaminany,
ka nanamarina ny anarany, dia niseho
ho lehibe tamin’ny fanafahana ny voafidin’ny Tompo;
nanafay ireo fahavalo nanohitra,
mba hampahazo an’i Israely ny tany.
2Endrey izany voninahitra azony, nony nanainga ny tanany izy,
ka nanangana ny sabany, namely ny tanàna.
3Zovy tany alohany no nahatohana azy be toy izany,
raha ny Tenan’ny Tompo no nampiavy ny fahavalo?
4Moa tamin’ny hatsi-tanany, tsy nihemotra va ny masoandro,
ary tsy toa andro roa va ny andro iray?#46,4 Jereo Jôs 10.12 sy ny manaraka.
5Niantso ny Andriana ambony indrindra izy,
raha namoritra ny fahavalo hatraiza hatraiza;
dia nihaino azy ny Tompo Tsitoha,
tamin’ny vato havandra mafy erỳ.
6Ka tenan’Izy Tompo no nirotsaka tamin’ny firenena nanohitra,
sy nandripaka ny fahavalo, teo amin’ny hadilanana;
mba hahalalan’ny firenena ny fiadian’i Jôsoe rehetra,
sy ny hoe: eo anatrehan’ny Tompo ny ady iandraiketany,
satria manaraka ny Tsitoha izy.
I Kaleba
7Tamin’ny andron’i Môizy no efa naneho sahady ny fitiavany vavaka izy,
dia izy sy i Kaleba, zanak’i Jefone,
tamin’izy nanoha mafy ny fahavalo,
nisakana ny vahoaka tsy hanota,
ary nampangina ny fimonomononan’ny ratsy fanahy#46,7 Jereo Fanis 13,31–14,9..
8Ka dia izy roa lahy ireo no hany voatahiry,
tamin’ny miaramila an-tongotra enina hetsy,
mba hampidirina amin’ny lova,
amin’ny tany tondra-dronono aman-tantely#46,8 Jereo Jôs 14,24-38..
9Ary ny Tompo nanome hery an’i Kaleba,
- sady naharitra tao aminy hatramin’ny fahafatesana izany;
ka afa-niakatra teo an-tampon’ny faritany izy,
ary voatanan’ny taranany izany lova izany:
10mba hahafantaran’ny zanak’i Israely rehetra,
fa tsara ny manaraka ny Tompo.
Ireo Mpitsara
11Ary ny Mpitsara samy araka ny anarany avy,
izay rehetra tsy niraiki-po tamin’ny fijangajangana,
izay rehetra tsy nihataka niala tamin’ny Tompo,
aoka hombam-pitahiana anie ny fahatsiarovana azy!
12Ho velona indray anie ny taolany avy ao am-pasana!
Hohavaozina indray anie ny anarany,
eo amin’ny taranak’ireo olo-malaza.
I Samoela
13Nankasitrahin’ny Tompo Andriamaniny i Samoela;
mpaminanin’ny Tompo izy nanorina ny fanjakana#46,13 Nanorina Fanjakana: izany hoe, nanova endrika ny fanjakan’ny Hebrio i Samoela, fa araka ny didy azony tamin’Andriamanitra dia izy no nanosotra an’i Saoly, sy i Davida manarakaraka an’io, ho mpanjakan’ny vahoaka Israely: fa taloha dia ny mpitsara no nitondra an’i Israely, ka i Samoela farany tamin’ireo. Jereo 1Sam 8,10-16.,
ary nanosotra andriana hanapaka ny vahoakany.
14Nitsara ny fiangonana, araka ny lalàn’ny Tompo,
ka dia nanopy maso nitsinjo an’i Jakôba ny Tompo.
15Niseho ho mpaminany izy, tamin’ny fahamarinany,
ary hita fa mpahita mendrika hinoana noho ny fahamarinan’ny filazany#46,15 Jereo 1Sam 3,19 sy ny manaraka..
16Niantso ny Tompo ambony indrindra izy,
tamin’ilay namoritra azy hatraiza hatraiza iny ny fahavalo,
ary zanak’ondry mbola minono no nateriny.
17Fa ny Tompo nikotrokotroka tany an-danitra ambony,
sy nampandre ny feony nipoaka mafy:
18ary nanorotoro ireo filohan’ny Sirianina#46,18 Nanorotoro ireo filohan’ny Tirianina. Ho solon’ny hoe, Tirianina, dia ny hoe fahavalo no marina tokony hovakina eto.,
mbamin’ireo rehetra mpanapaky ny Filistinina.
19Talohan’ny fotoan’ny fatoriana mandrakizay,
dia niantso ny Tompo, sy ilay voahosony ho vavolombelona izy,
nanao hoe: «Tsy misy nandraisako
fanomezana akory, na dia kapa aza.»
Ary tsy nisy olona nitsangan-kiampanga azy.
20Ary nony efa natory izy dia naminany#46,20 Ary nony efa natory dia naminany. Ny teny hoe, efa natory, dia milaza hoe, efa maty; naminany: satria na dia efa maty aza i Samoela, dia niseho toa avy any anatin’ny tany, ka nanambara ny hahafatesan’i Saola sy ny zanany (jereo 1Sam 28.18 sy ny manaraka).,
ka nilaza tamin’ny mpanjaka fa efa akaiky ny hiafarany.
Nanandratra ny feony izy avy tao anatin’ny tany,
ka naminany mba hanafoana ny heloky ny vahoaka.
Voafantina amin'izao fotoana izao:
Ekleziastika 46: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.