Ekleziastika 48
48
I Elia
1Manaraka izany, nitsangana i Elia, mpaminany hoatra ny afo,
ary nirehitra hoatra ny fanilo ny teniny.
2Niantso mosary hamely an’i Israely izy,
ary nahavitsy isa azy, noho ny zotom-pony#48,2 Jereo 1Mp 17,1 sy ny manaraka..
3Nanakatona ny lanitra#48,3 Nanakatona ny lanitra. Izany hoe, nandidy ny lanitra tamin’ny Anaran’ny Tompo izy, mba tsy handatsaka orana. Zahao 1Mp 17,1. tamin’ny tenin’ny Tompo izy,
ary nampilatsaka#48,3 Ary nampilatsaka. Jereo 1Mp 18,38; 2Mp 1,10 sy ny manaraka. afo avy any intelo toy izany ihany koa.
4Voninahitra lehibe manao ahoana, ry Elia,
no azonao tamin’ny fahagagana nataonao
ary zovy no afaka hihambo ho mitovy aminao?
5Ianao#48,5 Jereo 1Mp 7,20. nampitsangana ny maty#48,5 Maty: ilay zanakalahin’ny vehivavy mpitondratena tao Sareptà (1Mp 18,22) anankiray hiala amin’ny fahafatesana
sy amin’ny Seoly, tamin’ny tenin’ny Avo Indrindra;
6Ianao namarina mpanjaka ho amin’ny faharavana,
sy olo-malaza avy amin’ny fandriany ho any amin’ny fahafatesana#48,6 Jereo 1Mp 21,21; 2Mp 1,4-6 sy ny manaraka.;
7ianao nandre fananarana teo ambonin’i Sinaia,
sy didy famaliana tany Horeba#48,7 Jereo 1Mp 19,1-18.;
8ianao#48,8 Jereo 1Mp 19,15-21. nanokana mpanjaka#48,8 Ianao nanokana mpanjaka. Nahazo didy tamin’Andriamanitra i Elia mba handeha hanosotra an’i Hazraela, mpanjakan’i Siria, sy i Jehò, mpanjakan’i Israely (1Mp 19,15-16) nefa toa i Elisea mpianany no nanankinana ny fanatanterahana izany didy izany (2Mp 8,13; 9,1-12). hanao famaliana#48,8 Hanao famaliana: izany hoe mba hitarika ny vahoaka mpivadika hanao asa fivalozana. Ka ireo mpanjaka ireo no nasain’Andriamanitra nanasazy ny vahoaka izay meloka tamin’ny fanompoan-tsampy.,
sy mpaminany handimby anao;
9ianao nofaohina tamin’ny tadio afo,
sy tamin-kalesy tarihin-tsoavaly afo;
10ianao voatendry ao amin’ny teny mafy#48,10 Teny mafy. Angamba izany dia milaza ny didin’Andriamanitra momba ny tempoly, na mikasika ny zavatra izay tsy maintsy ho tonga amin’ny fotoana ho avy, fa indrindra amin’ny fotoana farany, araka ny faminanian’i Malakia (4,6). I Elia no hitarika ny fon’ny ray ho amin’ny zanaka, ary ny fon’ny zanaka ho amin’ny ray, mba tsy hanaovan’Andriamanitra anatema ny tany. Tsy izany ihany, fa hita mazava ao amin’ny lovantsofin’ny Sinagoga sy ny Eglizy Kristianina, fa io mpaminany io, dia ho avy alohan’ny fahataperan’izao tontolo izao, mba hiady amin’ny Antikristy ary hitaona ny Jody hankamin’ny Eglizin’i Jesoa Kristy. an-tsoratra ho amin’ny fotoana ho avy
ho tsy maintsy hampitony ny hatezerana alohan’ny hirehetany,
hitarika ny fon’ny ray ho amin’ny zanaka indray,
ary hanangana ny firenen’i Israely indray.
11Sambatra izay hahita anao, ka ho voahaingon’ny fitiavana an’Andriamanitra!
Fa izahay koa dia ho velona marina tokoa.
I Elisea
12Nony voahodidin’ny tadio i Elia
dia tonga feno ny fanahiny i Elisea.
Nandritra ny andro niainany tsy nisy mpanjaka
nahahozongozona azy,
ary tsy nisy olona nanapaka azy#48,12 Jereo 2Mp 3,14; 6,16-32..
13Tsy misy zavatra tsy azony natao,
ary ny vatany tafandry tao am-pasana nanao fahagagana.
14Velona izy, nanao zava-mahagaga;
maty indray nanao zava-mahatalanjona.
Ny vahoaka nivadika ka voasazy
15Na dia izany rehetra izany aza tsy nibebaka ny vahoaka,
ary tsy niala tamin’ny fahotany,
mandra-pitondra azy lavitra ny taniny,
sy tafaely amin’ny tany rehetra.
Tsy nisy tavela afa-tsy vahoaka vitsy foana,
mbamin’ny filohany avy amin’ny fianakavian’i Davida.
16Ireo indray kosa, ny sasany nanao izay sitrak’Andriamanitra,
ary ny sasany nampitombo ny fandikan-dalàna.
I Ezekiasa
17I Ezekiela nanamafy ny tanànany,
sady nitarika an’i Gihôna ho ao anatin’ny màndany;
nandavaka ny vatolampy tamin’ny vy izy,
ary nanao dobo fitahirizan-drano.
18Tamin’ny androny niakatra i Senakeriba,
ary naniraka an-dRabsakesa; dia niainga io,
ka nanainga tanana hamely an’i Siôna,
ary nihambohambo noho ny fireharehany.#48,18 Jereo 2Mp 18.
19Tamin’izany nivarahontsana ny fo aman-tanan’izy ireo,
ary latsaka am-panaintainana, toy ny vehivavy miteraka, izy.
20Niantso ny Tompo be indrafo izy,
nanandra-tanana taminy,
ary nandre azy niaraka tamin’izay ny Masina any an-danitra,
ka nanafaka azy tamin’ny alalan’i Izaia.
21Nasiany ny tafiky ny Asirianina
ary naringan’ny Anjeliny ireny.
I Izaia
22Fa nanao ny sitraky ny Tompo i Ezekiasa,
ary nifikitra mafy tamin’ny lalan’i Davida rainy,
araka ny famporisihan’i Izaia ilay mpaminany
lehibe sy marina amin’ny fahitany.
23Tamin’ny androny nihemotra ny masoandro,
ary nohalavain’i Izaia ny andro iainan’ny mpanjaka.
24Tamin’ny tsindry mandry mahery izy nahita ny andro ho avy,
ary nampiorina ny tra-pahoriana tao Siôna.
Nanambara ny tsy maintsy ho tonga hatramin’ny fahataperan’ny andro,
mbamin’ny zava-miafina alohan’ny fahatanterahany.
Voafantina amin'izao fotoana izao:
Ekleziastika 48: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.