Zava-dehibe ny fitsanganana amin’ny maty

Fantatrao ve fa betsaka ireo Jiosy nino ny fitsangana amin’ny maty?

Ny ankamaroan’izy ireo dia nino fa indray andro, mbola hitsangan-ko velona ireo olo-marina tsirairay efa maty. Eny e, tsy izy rehetra no nino izany indrindra fa ireo vondrona antsoina hoe Sadoseo. Ny Baiboly dia milaza hoe “Ary ny sasany tamin'ny Sadoseo, izay milaza fa tsy misy fitsanganan'ny maty, dia nanatona ka nanontany Azy hoe:...” (Lioka 20 : 27).

Nanao sangisangy ny amin’ny anaran’izy ireo aho satria amin’ny teny anglisy dia hoe “Sad, you see.” izay midika hoe Mampalahelo izy ireo. Izaho no namorona an’izay. Ny tena marina dia mahonena raha toa ka tsy mino ny fitsanganana amin’ny maty ianao. I Paoly nilaza hoe “... Fa raha tsy misy fitsanganan'ny maty, na dia Kristy aza dia tsy natsangana.” (I Koritiana 15 : 13)

Ndeha halalinina kely–Raha tsy nisy ny fiainana any an-koatra, tsy nisy lanitra, tsy nisy fihaonan-dehibe an’ny fianakaviana eny amin’ny rahon’ny lanitra, ary tsy nisy valisoa, dia ndao fotsiny isika hiliba. Fa faly aho fa nofoanan’I Jesosy avokoa ny resabe rehetra tamin’ny nitsanganany tamin’ny maty tamin’ny andro fahatelo, araka izay voalazany. Ny Baiboly dia manambara fa Izy no voalohany mitarika ny lalana: “Izy no endrik'Andriamanitra tsy hita, ny Lahimatoa talohan'izao zavatra ary rehetra izao.” (Kolosiana 1 : 15)

Eh, fantatro ny ao an-tsainao “Andraso kely hoe, dia ahoana ny amin’i Lazarosy?” Na dia natsangana tamin’ny maty aza izy, tsy nofo voatsangana tamin’ny maty no niverenany. Izany nofo izany manko dia tonga lafatra. Ny tena marina, ny ambaran’I Jesosy azy dia “ary tsy mety maty intsony izy, fa mitovy amin'ny anjely sady zanak'Andriamanitra, satria zanaky ny fitsanganana amin'ny maty.” (Lioka 20 : 36)

Mety namoy olona akaiky ianao vao haingana, tahaka ahy. Tsoriko fa tena mafy tokoa izany. Somary mikorontana ny fiainako amin’izao. Noheveriko efa vonona aho, saingy tsy mbola izay izany. Nivalaketraka teo anatrehan’ny “gérant de cabine” mihitsy ary aho. Nandalo fotsiny izy mba hamboatra zavatra, dia nitomany aho. Andriakaky oh!

Afaka lazaiko tsiambaratelo mahatonga ahy ho nihoatra izany ianao? Mino ny fitsanganana amin’ny maty aho. Eo anilan’ny Tompo ny reniko amin’izao. Afaka mifankahita amin’ny raiko sy ireo olona akaiky azy rehetra izy. Mahita ireo anjely sy I Jesosy izy. Oay! Indray andro dia mbola hahazo nofo voatsangan-ko velona koa izy, tahaka an’I Jesosy. Mahafinaritra ny mieritreritra hoe manatanteraka fanavaozana Andriamanitra. Mampahery be ny mahafantatra fa efa voalahatrany avokoa ny zavatra rehetra.

Afaka miaina fiainana tsy amin-tahotra sy manan-danja ianao satria izay no maha zava-mahagaga anao.

Fanamarihana: Ny lahatsoratra amin'ity vakiteny ity dia avy amin'ny mailaka isan'andro “Fahagagana isan’andro”. Raha te hahazo mailaka isan'andro ianao dia manasa anao hisoratra anarana ao amin'ny Fahagagana isan’andro.