Популарни Библиски стихови од Јован 21

Сподели

А кога завршија со јадењето, Исус му рече на Симона Петра: »Симоне Јонин, Ме љубиш ли повеќе отколку овие?« Петар Му рече: »Да, Господи, Ти знаеш дека Те сакам.« Исус му рече: »Паси ги јаганцата Мои!« Го праша пак, повторно: »Симоне Јонин, љубиш ли Ме?« Петар Му кажа: »Да, Господи, Ти знаеш дека Те сакам.« Исус му рече: »Паси ги овците Мои!« И по третпат му рече: »Симоне Јонин, Ме сакаш ли?« Петар се нажали дека по третпат го праша: »Ме сакаш ли?« И Му рече: »Господи, Ти сѐ знаеш; Ти знаеш дека Те сакам.« Исус му рече: »Паси ги овците Мои!

Вистина, вистина ти велам: кога беше помлад, сам се опашуваше и одеше каде што сакаше; кога ќе остариш, ќе ги рашириш рацете свои, и друг ќе те опаше и поведе на каде што нејќеш.«

А Он им рече: »Фрлете ја мрежата од десната страна на коработ и ќе најдете!« Ја фрлија, и не можеа веќе да ја извлечат од многу риби.

Симон Петар им рече: »Ќе одам да ловам риба.« Му рекоа: »И ние ќе дојдеме со тебе.« Тогаш излегоа и веднаш влегоа во кораб, но таа ноќ ништо не уловија.