Популарни Библиски стихови од Лука 14

Сподели

»Ако некој дојде при Мене и не го намрази татка си и мајка си, жената и децата свои, браќата и сестрите, па дури и душата своја, Тој не може да биде Мој ученик.

И, кој не го носи својот крст, и не оди по Мене, не може да биде Мој ученик.

Зашто, секој што се издига, ќе биде понизен; а тој што се понизува, ќе биде издигнат.«

Така и секој од вас, кој не се откаже од сѐ што има, не може да биде Мој ученик.

Зашто, кој од вас, сакајќи да соѕида кула, не ќе седне најнапред да направи сметка колку ќе чини и дали има сѐ, што е потребно за нејзиното довршување, та, откако ги постави темелите и не може да доврши, да не почнат, сите што гледаат, да му се смеат, и да речат: ‚Овој човек почна да ѕида и не може да доврши‘.

Но, кога даваш гозба, повикај ги сиромасите, хромите, слепите, и ќе бидеш блажен, оти тие не можат да ти вратат, а ќе ти биде отплатено при воскресението на праведните.«

Солта е добро нешто, но ако таа облутави, со што ќе се соли? Ниту на земјата, ниту на ѓубрето му е потребна; па затоа ја фрлаат надвор. Кој има уши да слуша, нека чуе!«