Популарни Библиски стихови од Лука 13

Сподели

– Потрудете се да влезете низ тесната врата; зашто ви велам: мнозина ќе сакаат да влезат и не ќе можат.

И ете, една жена имаше слаб дух осумнаесет години; беше згрчена и не можеше да се исправи. Штом ја виде Исус, ја повика и ѝ рече: – Жено, се ослободуваш од болеста своја!

И ги стави рацете Свои врз неа; и таа веднаш стана и Го славеше Бога.

И ете, има последни, кои ќе бидат први; а има први, кои ќе бидат последни.

Кога ќе стане домаќинот и ќе ја затвори вратата на куќата, а вие, стоејќи однадвор, ќе почнете да чукате и да викате: Господи, Господи, отвори ни! Он ќе ви одговори и ќе рече: не ве знам од каде сте.

Не, ви велам: но, ако не се покаете, сите така ќе загинете.

И Он ќе им рече: ви велам, не ве познавам од каде сте; бегајте од Мене сите што вршите неправда.

А Он рече: – На што личи царството Божјо и со што да го споредам? Тоа е како синапово зрно, кое, откако го зеде човек и го посади во градината своја, тоа израсна и стана големо дрво, па и птиците небески си правеа гнезда на неговите гранки.