Популарни Библиски стихови од Mateo 6

Сподели

Eta taka'e tatiwayare esenikayare ema Viya, taicha akenuka'i ema te anuma, ítauchayare tamutu eta mawara'akeneana'i, ema tíjaraka'eyare tamutu eta juka ekamunukeneana.

Eta taka'e, wa'i takuimipanererecha'e eta íchararakawayare achichu, taicha achichu jarari'iyaicha'a eta eñamirawayare. Puiti ekuchapaipa eta máimikatasira'eyare, ímiyanawa eta ekuchapirayare eta máimikatasira'eya, taicha tamutu sacheana titekapa eta tamaurikeneana.

“Étasera nuwara'a numetaka'e: Wa'i ekukaeñamarakawa eta enikakenerepi, étapa eta emuiri'arapi puiti juka sacheana. ¿Wa'i étaina eta vitaresira tiuripana taye'e eta viniripi, étapa eta viake'e tiuripana taye'e eta vimuiri'arapi?

Étisera te eyujaraka esiapayare te eye'e pusentu, ératakayare eta epajakura, eta eyujarasira maye'e ema Tata Vikaiyakene, ema tímararaka'e'i masamayare'i eta eñajichirawa'i eta eyujarasira, ema tijaraka'eyare eta ikuchi'i.

Eti, ani taka'eyare eta eyujarasirayare: ‘Tata Vikaiyakene piti piavi'a'i te anuma, vipikaucha'i eta pijare. Piteka pakarichu viye'evina rey. Námutu nasuapavi ena tiavi'ana te juka apake'e, tákuti eta nasuapiravi ena tiavi'ana te anuma.

Píjaraka'avi eta vinikakene vikamunukene puiti jena sache.

Pájapanu'avi eta viviurewana piye'e, takuti eta vijapanuirawaka'i viti ena tiviucha'avina'i.

Wa'i pikuisapa'avi vicha eta tamaurikeneana pikatiucha'avi maye'e ema wínaraji.’

“Taicha te eti, emetavika eta naviurewana'i ena apamuriana, éneichuwa temetavika'eya eta eviurewana ema Tata vikaiyakene tiavi'a'i te anuma

Ímararaka eta káyureana tiararaikana te anuke'e: wa'i táewaka'ini, táechatijirika'ipukaini, táunaka'ipukaini eta tanikakeneyare, émasera ema Tata Vikaiyakene máechapajirika'i, máijarasira'i tamutu eta tanikakenerepiana. ¡Evetijipa eti, iápajupanawa'i eta éñamakarewa'i taye'e eta káyureana!

“Wa'i takuawasamurereka'e eta íma'akeneana te juka apake'e. Eta juka tikamitiekene'akareana, taicha eta kachusiri tajarareka, tási'a natiari'iware ena tiámera'iana tisiapana. Epanerecha eta ekaima'akenéraya ánaki te anuma, ánaki tájina kachusirina, nájinaware ena tiámera'ina taye'e, tájinaware témitiakaima'i. Te tavi'a'i eta íma'akeneana, éneichuware ánaki tavi'ayarewa eta pisamure.

“Najina emanaina táurika'ini apinanaina'ini ena viákenuana, taicha vémunakapanayare'i ema émana, tási'a ema apana apaesaineya eta vémunasiraya, wáipainapa tisuapakarema'i ema émana. Ene taka'e'i eta juka víma'akeneana, wa'i vikuisapa ta'apasamurecha'avi eta platakare, machu ta'apapika eta vémunasira'i ema Viya.

Apanasika ema Viya máijaraka'i eta táurinawa'i eta flúreana, ánipichu'ineni eta táitaresira'i, ¡evetijipa eti eta máechapajirisira'e'i, máijarasira'eyare'i eta emuiri'arapi eti achaneana, wa'ineni ákasiñawa'ini!

Te píjarakayarepuka mákani tikamunuwa'i, wa'i pikumetajirika, wá'iware pikumetaka mákani pémunakasare, Piñájichayare eta píjarasirayare. Tási'a ema Tata máimararaka'i tamutu jákani piñájiruana'i, ema tíjarakavinapa eta píkuchi'i te juka apake'e.

“Échapawayare eta ekajirayare ena páureana, wa'i ekunakikawa te namira'u ena achaneana, te ewara'apuka náimararaka'e eta ekajira'i eta nakamunukene, ewaraira'i tikunacha'eanayare. Émasera ema Tata wa'i tikunacha'ema'i, waipaine'i tijaraka'ema'i eta ikuchi'i.

“Te íjima'i eti, wa'i ekajapanuramiraima'i te namira'u ena achaneana, wa'i ekukuti ena apimirana, ena tímikaecherachawana'i eta naijimaira'i. Nuti numetaka'e, tájinachucha nakunachakarewaima'i me Viya. Ema wa'i maijarakaima'i eta naikuchi'i. Piti, te pijima'ipuka, pikatatasiyare, pikasipaukiware, apaesa nakuija nakuimatiakavi ena achaneana eta pijimaira'i. Makarichu ema Tata vikaiyakene maecha eta pichira'i eta juka, ema tijarakaviya eta pikuchi'i.