Популарни Библиски стихови од Luuk 13

Сподели

“Chrai unu bes fi go chuu di naro duor. Nof sumadi a-go chrai fi go iin bot naa go get iin.

an wan uman did de de we wan diiman kaaz fi kripl fi ietiin ier. Ar bak did ben an shi kudn chrietn op. Wen Jiizas si ar, im kaal ar an se, “Uman, yu beta nou.”

Im put im an pan ar, an siem taim shi tan op chriet chriet an priez Gad.

Bot andastan dis, di wan dem we de a front a-go de a bak an di wan dem we de a bak a-go de a front.”

Di taim a-go kom wen di uona a di ous get op an lak di duor an unu wi tan op outa duor a nak an beg, ‘Sa, uopm di duor fi wi.’ “Bot im wi ansa se, ‘Mi no nuo unu ar wich paat unu kom fram.’

Nuo, mi tel unu! Bot ef unu no sari fi di rang we unu du an chienj unu wiez, unu a-go ded siem wie laka dem.”

Im wi se, ‘Mi no nuo unu an mi no nuo we unu kom fram. Gu we fram mi, unu uol wikid unu.’

Jiizas aks dem se, “Ou Gad kindom tan? Wa it komiin laik? It komiin laik wan likl likl siid, we wan man plaant iina im gyaadn. It gruo an aal ton chrii, an bod bil nes iin de.”