Лука 2
2
ГЛАВА 2
(Зачало 5)
1Во тие дни#Спроти Рождество Христово и на третиот час: Во оние денови излезе заповед од царот Август за попис на сите жители.
2Тоа беше прв попис кога управуваше Кириниј со Сирија.
3И одеа сите да се запишат, секој во својот град.
4Отиде и Јосиф од Галилеја, од градот Назарет, во Јудеја, во градот Давидов, наречен Витлеем, бидејќи беше од домот и племето Давидово,
5за да се запише со Марија, свршената за него жена, која не беше празна.
6А кога беа таму, нејзе ѝ дојде времето да роди.
7И Го роди својот Син првенец, Го пови и Го положи во јасли, оти за нив немаше место во преноќиштето.
8Имаше пастири во тој крај, кои ноќеваа таму и го чуваа своето стадо.
9И ете, ангел Господов застана меѓу нив и славата Господова ги осветли; и се уплашија многу.
10А ангелот им рече: – Не бојте се! Ете, ви соопштувам голема радост, која ќе биде за сите луѓе;
11зашто денеска во градот Давидов, ви се роди Спасител, Којшто е Христос Господ;
12и еве ви знак: ќе најдете повиен Младенец, Којшто лежи во јасли.
13И одеднаш со ангелот се јави многубројно небесно воинство, кое Го славеше Бога, велејќи:
14– Слава на Бога во висините, а на земјата мир и меѓу луѓето добра волја!
15Кога си отидоа ангелите од нив на небо, пастирите си рекоа меѓу себе: – Да отидеме во Витлеем и да видиме што станало таму, што ни го соопшти Господ.
16И дојдоа брзо и ги најдоа Јосифа и Марија, и Младенецот, Којшто лежи во јаслите.
17А штом видоа, кажаа сѐ што им беше речено за Тоа Дете.
18И сите што слушнаа, се восхитуваа на сето она што им го кажуваа пастирите.
19А Марија ги пазеше сите тие зборови, слагајќи ги во срцето свое.
(Зачало 6)
20И се вратија#На Обрезание Господово, на литургијата: Во она време, се вратија пастирите, славејќи и фалејќи Го Бога за сѐ што чуја и видоа, како што им беше речено.
Крај спроти Рождество Христово и на третиот час
21А кога се навршија осум дена, за да биде обрезан Младенецот, Му Го дадоа името Исус, изречено од ангелот уште пред да биде зачнат во утробата.
Изостави на Обрезание
22И кога се навршија деновите на нејзиното очистување, според Законот на Мојсеја,
(Зачало 7)
23Го донесоа#На Сретение Господово, на литургијата: Во она време, Го донесоа родителите Младенецот Исуса во Ерусалим за да Го претстават пред Господа. Како што е напишано во Законот Господов, дека секое машко дете, коешто прво ќе ја отвори утробата, да се посвети на Господа;
24и да се даде жртва, како што е речено во Законот Господов, две грлици или две гулапчиња.
(Зачало 8)
25Аво Ерусалим живееше тогаш еден човек#На Сретение Господово, на утрената, и на св. Симеон Богопримец: Во она време, во Ерусалим живееше еден човек поиме Симеон; и тој човек беше праведен и благочестив; и ја очекуваше утехата Израилева; и Светиот Дух беше во него.
26Нему, од Светиот Дух му беше ветено дека нема да види смрт, додека не Го види Христа Господов.
27И поттикнат од Духот, дојде во храмот. Па, кога родителите Го донесоа Детето Исус, за да го извршат на Него обичајот, според Законот,
28тој Го зеде во своите раце, Го благослови Бога, и рече:
29– Сега со мир го отпушташ Својот слуга, Владико, според зборовите Твои;
30зашто очите мои го видоа спасението Твое,
31што си го подготвил пред лицето на сите народи:
32светлина за просвета на незнабошците и слава на Твојот народ – Израилот.
33А Јосиф и мајка Му се чудеа на она што се говореше за Него.
34Па ги благослови Симеон и ѝ рече на Марија, мајката Негова: – Ете, Овој лежи за паѓање и подигање на мнозина во Израилот, и е знак против Кого ќе се говори.
35А и тебе самата, меч ќе ти ја прободе душата, за да се откријат мислите на многу срца.
36Таму беше и пророчицата Ана, ќерката Фануилова, од Асировото колено; таа беше многу остарела, а со мажот проживеала само седум години, по моминството свое.
37Таа беше вдовица на околу осумдесет и четири години и не си одеше од храмот, служејќи Му на Бога со пост и молитва, дење и ноќе.
38Во тој час пристапи и таа, и Го славеше Господа и им говореше за Него на сите во Ерусалим, коишто чекаа спасение.
Крај на светителот
39И кога извршија сѐ според Законот Господов, се вратија во Галилеја, во својот град Назарет.
Читај на Обрезание.
40А Младенецот растеше и крепнеше со духот, исполнувајќи се со премудрост, и благодатта Божја беше врз Него.
Крај на Сретение Господово, на литургијата
41И секоја година родителите Негови одеа во Ерусалим на празникот Пасха.
42А кога Он беше на дванаесет години, тие отидоа во Ерусалим, според обичајот на празникот;
43но, при враќањето, кога завршија празничните денови, Младенецот Исус остана во Ерусалим; а Јосиф и мајка Му не го забележаа тоа.
44Мислејќи дека Он е со друштво, изминаа еден ден пат и Го бараа меѓу роднините и познатите.
45Па, откако не Го најдоа, се вратија во Ерусалим да Го ба раат.
46По три дни, Го најдоа во храмот како седи меѓу учители, ги слуша и ги прашува;
47сите што Го слушаа, се восхитуваа на Неговиот разум и на Неговите одговори.
48Кога Го видоа, се зачудија; и мајка Му рече: – Синко, што ни направи така? Ете, татко Ти и јас се измачивме, барајќи Те.
49А Он рече: – Што сте Ме барале? Зар не знаете дека Јас треба да бидам во она, што е на Мојот Отец?
50Но, тие не ги разбраа зборовите што ги кажа Он.
51И слезе со нив, па дојде во Назарет; и им беше послушен. А мајка Му ги чуваше сите тие зборови во срцето свое.
52Исус, пак, напредуваше во премудроста и возраста, и во благодатта пред Бога и луѓето.
Крај на Обрезание
Селектирано:
Лука 2: MK2008
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Македонска Православна Црква 2008
© Мacedonian Orthodox Church 2008