Лука 1
1
1 ГЛАВА 1
(Зачало 1)
1Бидејќи#На литургијата, на Рождество на св. Јован Крстител: Бидејќи мнозина почнаа да пишуваат повест за настаните, што ни се наполно познати,
2како што ни ги предадоа оние, што уште од почетокот беа очевидци и слуги на Словото,
3намислив и јас, откако испитав сѐ од почетокот, да ти опишам по ред, честити Теофиле,
4за да ја разбереш основата на учењето, на кое си се учел.
(Зачало 2)
5Во деновите#На 23 септември, на Зачнување на св. Јован Крстител: Во она време, во деновите на Ирода, царот Јудејски, живееше еден свештеник по име Захарија, од редот Авијанов; а жена му беше од ќерките Аронови и се викаше Елисавета.
6И обајцата беа праведни и беспорочни пред Бога, постапувајќи според сите заповеди и повелби Господови.
7Тие немаа деца, бидејќи Елисавета беше неплодна; а обајцата беа веќе стари.
8Еднаш, кога тој служеше пред Бога, според својот ред,
9според обичајот на свештениците, нему му се падна да влезе во храмот Господов и да покади.
10А целиот народ се молеше однадвор, за време на кадењето.
11Тогаш му се јави ангел Господов, стоејќи од десната страна на кадилниот олтар.
12Захарија се уплаши кога го виде, и страв го опфати.
13Но, ангелот му рече: – Не бој се, Захарија, зашто се услиша твојата молба и жена ти Елисавета ќе роди син, и ќе му ставиш име Јован.
14И ќе ти биде радост и веселие, и мнозина ќе се зарадуваат поради неговото раѓање.
15Тој ќе биде голем пред Господа и нема да пие вино ни сикер, а ќе се исполни со Дух Свети уште од утробата на мајка си;
16и многу Израилеви синови ќе ги врати кон нивниот Господ Бог;
17и ќе врви пред Него во духот и силата на Илија, за да ги обрати срцата на татковците кон децата, и непокорните – кон разумот на праведните, па да Му подготви на Господа народ совршен.
18И му рече Захарија на ангелот: – Според што ќе го разберам тоа? Јас сум стар, а и жена ми е веќе доста возрасна.
19Ангелот му одговори и рече: – Јас сум Гавриил којшто стои пред Бога; испратен сум да говорам со тебе и да те известам за оваа радост;
20и ете, ти ќе онемеш и не ќе можеш да говориш до оној ден, кога ќе се исполни тоа, оти не им поверува на моите зборови, кои ќе се исполнат во свое време.
21Народот го чекаше Захарија и се чудеше зошто се забави во храмот.
22А кога излезе, не можеше да зборува со нив; и разбраа дека имал видение во храмот; тој им објаснуваше со знаци, но остануваше нем.
23И штом изминаа деновите на неговата служба, тој се врати дома.
(Зачало 3)
24По тие дни, зачна неговата жена Елисавета и#На литургијата за Благовештение: Во оние денови, зачна Елисавета, жената на Захарија и (Ова и на Рождество на св. Јован Крстител, на утрената). таеше пет месеци, велејќи:
25– Така ми направи Господ во деновите, во кои ме погледна, за да го отстрани срамот од мене меѓу луѓето.
Крај на Зачнувањето на св. Јован.
Изостави за Рождество на св. Јован
26А во шестиот месец беше испратен од Бога ангелот Гавриил во галилејскиот град, по име Назарет,
27при една девојка, свршена за маж по име Јосиф, од домот Давидов; а името на девојката ѝ беше Марија.
28И кога влезе ангелот при неа, рече: – Радувај се, благодатна! Господ е со тебе; благословена си ти меѓу жените!
29А таа, штом го виде, се уплаши од зборовите негови и помисли: – Каков е овој поздрав?
30И ѝ рече ангелот: – Не плаши се, Марија, зашто си нашла милост пред Бога;
31и ете, ти ќе зачнеш во утробата и ќе родиш Син, и ќе Го наречеш со името Исус.
32Он ќе биде голем и ќе се нарече Син на Севишниот; и ќе Му го даде Господ Бог престолот на Неговиот татко Давида;
33и ќе царува над домот Јаковов секогаш, и царството Негово нема да има крај.
34А Марија му рече на ангелот: – Како ќе биде тоа, кога јас не знам за маж?
35Ангелот ѝ одговори и рече: – Светиот Дух ќе слегне на тебе и силата на Севишниот ќе те осени; па затоа и роденото ќе биде Свето и ќе се нарече Син Божји.
36Ете, и Елисавета, твојата роднина, за која велат дека е неплодна, и таа зачна син во староста своја; нејзе ѝ е веќе шести месец;
37зашто нема да остане во Бога ниеден збор без сила.
38Марија, пак, рече: – Еве ја слугинката Господова; нека ми биде според зборовите твои! И ангелот си отиде од неа.
Крај на Благовештение, на литургијата
(Зачало 4)
39Аво оние дни Марија, откако стана, отиде#На Благовештение, на утрената: Во оние дни, откако стана Марија, отиде (Ова и на другите празници на Пресвета Богородица). набргу во горниот крај, во градот Јудин;
40па влезе во домот на Захарија и ја поздрави Елисавета.
41Штом го чу Елисавета поздравот на Марија, заигра младенецот во утробата нејзина; и Елисавета се исполни со Дух Свети,
42па извика гласно и рече: – Благословена си ти меѓу жените, и благословен е плодот на твојата утроба!
43И од каде на мене ова, да дојде при мене мајката на мојот Господ?
44Зашто, ете, кога пристигна гласот од твојот поздрав до ушите мои, радосно заигра детето во мојата утроба.
45И блажена е таа, која поверува, зашто ќе се исполни она што ѝ рекол Господ.
46И рече Марија: – Душата моја Го велича Господа,
47и мојот дух се зарадува во Бога, Спасителот мој,
48оти ја погледна смиреноста на слугинката Своја, и ете, отсега ќе ме нарекуваат блажена сите родови;
49бидејќи Силниот ми направи големо дело, и свето е Неговото име;
Изостави на св. Богородица
50и милоста Негова е од колено на колено, за оние што се бојат од Него.
51Он покажа сила со раката Своја; ги распрсна оние што се гордеат со мислите во срцата свои;
52ги симна силните од престоли и ги воздигна смирените;
53гладните ги исполни со блага, а богатите ги отпушти празни;
54го прими Израилот, Својот слуга, сеќавајќи се на милоста,
55како што им говореше на татковците наши, на Авраама и на семето негово довека.
Читај на св. Богородица
56И остана Марија со неа околу три месеци, па се врати дома.
Крај на св. Богородица Читај на Рождество на св. Јован
57А на Елисавета ѝ дојде времето да роди, и таа роди син.
58И чуја оние што живееја околу, и роднините нејзини, дека ја возвеличил Господ Својата милост на неа, и се радуваа со неа.
59На осмиот ден дојдоа да го обрезат детето, и сакаа да му го дадат името од татка му Захарија.
60Но, мајка му одговори и рече: – Не! А да се нарече Јован.
61Ѝ рекоа нејзе: – Никој нема во твојот род, којшто се нарекува со такво име.
62И го прашаа со знаци татка му, како би сакал да го наречат.
63Тој побара штичка и ги напиша зборовите: – „Јован му е името“. И сите се зачудија.
64И веднаш му се одврза устата и јазикот негов, и говореше, благословувајќи Го Бога.
65И се уплашија сите што живееја околу; и прикажуваа за сето тоа по целиот крај јудејски.
66Сите што слушнаа, го зедоа тоа при срце и велеа: – Што ли ќе стане од тоа дете? И раката Господова беше со него.
67А Захарија, татко му, се исполни со Дух Свети и пророкуваше, говорејќи:
68– Благословен е Господ, Бог Израилев, оти го посети и избави народот Свој;
Изостави на Рождество на св. Јован
69и подигна рог за нашето спасение, во домот на Давида, Својот слуга.
70Како што говореше преку устата на своите свети пророци низ вековите,
71дека ќе нѐ избави од непријателите наши и од рацете на сите што нѐ мразат;
72за да ја пројави Својата милост на татковците наши и да се сети на Својот свет завет,
73на заклетвата, со која му се заколна на Авраама, нашиот татко;
74оти ќе ни даде, штом ќе нѐ избави од непријателите наши,
75без страв да Му служиме, во светост и правда пред Него, преку целиот наш живот.
Читај на Рождество на св. Јован
76А ти, детенце, ќе се наречеш пророк на Севишниот, оти ќе одиш пред лицето на Господа, за да Му ги подготвиш патиштата Негови;
Изостави на Рождество на св. Јован
77и да го вразумиш народот Негов за спасение, преку прошка на гревовите нивни,
78заради големата милост на нашиот Бог, со која нѐ посети Исток од висините,
79за да ги просвети оние што седат во темнина и сенка смртна, и да ги упати нозете наши по патот на мирот.
Читај на Рождество на св. Јован
80А детето растеше и крепнеше со духот, и остана во пустината до денот, кога му се јави на Израилот.
Крај на Рождество на св. Јован, на утрената и на литургијата
Селектирано:
Лука 1: MK2008
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Македонска Православна Црква 2008
© Мacedonian Orthodox Church 2008