San Lucas 17-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Pä'ü kä'ädü jua̧u̧ru̧ pä'inü̧: —Ä̧rä̧mi̧'ü̧ täi; kua̧'kua̧ ku̧wȩnä̧ro̧mȩttü̧ kumä̧richeittümä̧ pi̧'ä̧ji̧jä̧.

Ja̧'wa̧ta̧nü̧, ya'ute mo̧ro̧mä̧, kko̧ro̧mü̧ttü̧nü̧ todäre jo̧mȩnä̧ ukuru suronä̧ jȩü̧ta̧'a̧nü̧, ji̧yȩta̧'a̧kuä̧ ukuru ichi'ü, täkü suronä̧mä̧ jȩpo̧kü̧sä̧ päüttümä̧, pärokua'aku'i̧nä̧ suronä̧mä̧ chamükuädokokujä̧ pä'irü.

Juätüttü ya̧tȩ umä̧richei jä̧ji̧ttü̧ adiutä pi̧'o̧po̧'ü̧mä̧, ppa̧'ä̧chä̧chi̧nü̧ Dio-rü eseu rü̧ȩnä̧ wo̧pä̧ya̧. Jesú ä'ka jo̧mȩ ichi'ü, iwe'kiyunä̧ rȩjȩ ja̧rȩyu̧nu̧ pä̧mä̧di̧nü̧, ppäkuädäjäkusä pä'ü eseu. Jua̧u̧mä̧ Samaria ttü̧ja̧sa̧ ji̧na̧'a̧.

Ja̧'wa̧nü̧ ja̧'a̧ttü̧ ¡ttü̧'ȩpä̧rä̧kuä̧u̧ kka̧kuä̧tu̧kui̧! kui̧jä̧wa̧ ukuru suronä̧ jȩü̧ttü̧mä̧, ji'äu ro̧'ȩpi̧rü̧; ja̧'wa̧nü̧ jȩ'kuo̧mȩnä̧, kädi'üttümä̧, eseku ikuirü.

Jesú-mä̧ jua̧u̧ru̧ pä'inü̧: —¿Pȩji̧pä̧jä̧tü̧mä̧ to̧mü̧rȩ ruwä jo̧mȩnä̧ jo̧ka̧'a̧ pädäjä'ä? ¿To tti̧'chä̧ja̧'a̧jä̧ttü̧, kkorotü nueve-nü wotümä̧?

Pättäku ttu̧ru̧wa̧mä̧ ädätinä̧u̧: —Kua̧'kua̧ ku̧wȩnä̧rä̧tu̧ku̧mä̧, suro mostaza u̧wä̧ju̧ isäte jä̧'i̧jü̧ta̧'a̧nü̧ jü̧ttü̧'i̧nä̧, pi dau sicómoro isäi: porümä̧ pporächi'ü, rü̧ä̧ ajenä̧ kkä̧mä̧di̧, päkuätukuttü'i̧nä̧, esetäkua'a.

O'katoi'ünä̧tä̧ wa'ü ttiku juiya pä'ü usätümä̧, totte'ächäkuotü. Ja̧'wa̧ta̧nü̧ o'katoi'ünä̧tä̧ to'e'ächätümä̧, ttü̧ji̧pä̧kuo̧tü̧.

Jesú-mä̧ u̧wo̧juȩtä̧u̧rü pä'inü̧: surojüra̧'a̧ ma̧ttä̧cha̧ pä'ü kkü'kekumä̧ juiyokü jä̧kuȩ, ja̧'wa̧nü̧ ja̧'a̧nä̧ surojüra̧'a̧ ma̧ttä̧chü̧nä̧ jȩpü̧rü̧mä̧; ¡isottü̧! jua̧u̧ru̧ juiyo ra̧wä̧pi̧ja̧'a̧. Ttü cho'ka'anä̧ ichätü ppo̧'ä̧tü̧ttü̧, ya̧tȩrü̧ Dio-rü esetä'ija'a ma̧ä̧chü̧nä̧ jȩpü̧rü̧mä̧, ya'utettü u̧ru̧pä̧'kȩnä̧, trigo kkäräwä ido'ki ti̧'ä̧dü̧, rü̧ä̧ duboranä̧ do'opü ttikuarü pä'ütä adiwa ja̧'a̧.

Nué ü̧ji̧nü̧ mo̧ro̧ ji̧nü̧ta'anü̧ jä̧kua̧'a̧, ubo I̧tti̧ weü mo̧ro̧ päi'omȩnä̧mä̧. Jua̧u̧nu̧mä̧, ttü̧ja̧mä̧ ttu̧kuȩ kuä̧nü̧ a̧wä̧rü̧ pȩjü̧, ttirekuarü ȩmü̧, tta̧mü̧nä̧ pa̧ja̧tü̧ ü'käkuäu, jȩpü̧ ttü̧ja̧kua̧'a̧, Nuémä̧ woi'kanä̧ do'ächinü̧. Doächi'a'anä̧ ajiya ma̧ä̧mo̧mȩnä̧, o'katoi'ünä̧tä̧ to'e'ä'chinä̧tü̧.