Luik 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“Dae aa ye can tae get ïn bi tha nerra dure. Fer monies a yin wull try an get ïn, an no be fït tae.

thair wus a wumman that haed bin baad fer echteen yeir acause o an ïll spïrit. She wus bent dooble an cudnae stan up strecht ava. Whan Jesus saa hir, he caad hir an saed tae hir, “Wumman, ye'r redd o yer seeckness, an ye'r noo free!”

An he püt hïs hans on hir, an she stud up hir fu heicht, an gien praise tae God.

But tak heed, thair's yins that's last that'll be furst, an thair's ither yins that's furst that'll be last.”

Fer yinst tha Heid o tha Hoose haes got up an lockt tha dure, ye'll be stannin ootbye rappin an caain oot, ‘Sïr, wull ye no apen tha dure tae iz?’ An he'll cum bak wi, ‘A'm tellin ye, A know naethin aboot ye, or whar yis cum frae!’

Na, A tell ye thïs, ïf yis dïnnae repent, tha hale lock o ye wull perish forbye.”

But he'll cum bak wi, ‘A tell ye, A dïnnae know a thïng aboot ye, or whar ye cum frae. Ye rapscallions ye! Git oot o ma sicht, tha hale lock o yis!’

Then Jesus saed, “Fer whut laik ïs tha Kïngdom o God? Wha shud A compare ït wi? It ïs laik a wee mustèrt seed that a bodie tuk an plantit ïn hïs gairden an ït growed ïntae a tree, a tree bïg eneuch fer wee burds tae tak shiltèr ïn ïts brenches.”