Marc 7
7
1Tokou Pharisiendjé mbona ke Jésus ke mare ndjè da maketourou ndedjidjé ke dé ke Jérusalem té,
2Dèdè do mare ndjè kao go Jésus té ön mourou ke djidè yèdo, ke djidè ke ntoko ang.
3Mbata Pharisiendjé ke Juifdjé toï tokou ntoko djidè ang a dön mourou ang tò, mbata dèdè ngem tar ndedji lo kadèdè.
4Tokou dèdè ntéh nata dèdè dön mourou dongor ang da ndoko man ba. Mare tar to tokou baya ke dao ngem, tokou tar toko ngonarè ke djo ke djo ninga ke kasè.
5Pharisiendjé ke ndjè da maketourou ndedjidjé ndoudjè, Mbata di a ndjè kao goi té ndja deo tar ndedji té lo kadjèdjè ang wa? Dèdè dön mourou lodè ke djidè yèdo?
6Jésus pa aredè, Ésaïe pa tokoro leo tar losè ndjè kere ngem, deo kadaba tokou maketourou lo Allah pa,
Dooudjén lé ke ndjè belem tadè té, a mèdè mbetem dèbè eo.
7Dèdè mpitim ba,
Dèdè ntòdjou tar lo dooudjé tokou tar ndedji.
8Sésè ïyaidjé tar ndedji lo Allah, a sésè ngemidjé tar ndedii lo dooudjé.
9Jésus pa aredè, Sésè mbetidjé ndedji lo Allah tokoro tokou ban sésè asidjé ngem tar béh losè.
10Mbata Moïse pa leo, Ebel bòidjè ke köindjè, ke doou ke pa tar ke madjang dò bèdjè té aséh dò këndjè té ase kare ndjè nèn woei tokoro.
11A sésè epaidjéna, Tokou doou pa ke bèdjè aséh këndjè, né ke madji djim té mam ngeré ta karesè to to Corban, yèn pana, To né ke mare Allah mbä.
12Tokou ban ïyaidjé doou da mare né kada mbata lo këndjè ke bèdjè ang.
13Tokou ban sésè ke edaidjé tar lo Allah are dé to né ke ba mbata tar béh losè ke etòdjidjé dooudjé. Sésè ao edaidjé mare né tokou baya ban.
14Jésus tél bar dooudjé tokou baya, nè mpa naredè, Sésè toï woidjé tar lom, egeridjé.
15Né kada ke ï daka tokou ao mè doou té ase ta dè madjang ang. Né ke téh mè doou té to to né ke da doou madjang.
16Tokou doou éh ke mbi ke ka ko, ase kare nè no.
17Gè té nè nïya dooudjé ke tokou baya, nè nao mè kei té mbä nga, ndjè kao gè tédjé doudjè gel tar gousoun lé.
18Nè mpa naredè, Sésè egeridjé ang to wa? Sésè egeridjé ang, né ke daka ke ao mè doou té ase dè madjang ang wa?
19Mbata yèn ao mèa té ang, nè nao do shi té, gè té ntéh deo té lo shi? (Tokou ban nè ntòdjou ke daka mourou toï to madji.)
20Nè mpana, Né ke téh mè doou té, yèn a dè madjang.
21Mbata né ke téh mè doou té to to kedji ke madjang, loou to madjang, ke boukou, ke tòl doou, ke kaiya,
22Ke ndjè kounda mèa do né té, ke né ke madjang, ke kere, ke boo né da ke madjang, ke kem ke dòboulo, ke tar ke dèkerè, ke ta kòsou gadji rò, ke tar mbe.
23Nédjé ke madjang nèn ke téh mè doou té, dèdè nda doou madjang.
24Jésus ï nou ao nange té ke Tyr ke Sidon. Nè nao mè kei té kada, nè ndiki doou kada ta kare geré ang, a Jésus ase ta kiyaa rè ang.
25Loshénè loshénè dènè kada ke ngonè ke dènè ke ngadji woei dè, nè no tar lo Jésus ndé noso no gòlè té.
26Dènè lé to to Grec ke gelè to Syrophénicien. Nè ndoudjou Jésus nya ta kare touba ndii ke madjang mè ngonè té.
27Jésus pa arè, Ïya are ngandjé ön mourou mèdè ndan dongor baa, mbata to madjang ta taa mourou lo ngandjé ta kare bisidjé.
28Dènè lé tél pa arè, Woio, Mbaibé Seigneur, a bisidjé to kò table té ön bourou mourou lo ngandjé.
29Jésus pa arè, Mbata tar loi lé ao, ndii ke madjang téh mè ngoni té mbä.
30Dènè lé ao kei la, no ngonè to mè twa té, ndii ke madjang téh mbä.
31Goukoudang Jésus ïya nange ke Tyr, nè ndai nange té ke Sidon ta kao tokou man té ke nange té ke Galilée, ndai ke nange té ke Décapole.
32Dèdè ndé rè té ke ndjè mbi koutou ke pa tar gatang, dèdè ndoudjou Jésus nya ta kare ila dja dè té.
33Jésus wèè ao sa deo eo ngadji ïya dooudjé ke baya nèn, nè noula ngaodja mè mbi doou tén lé, Jésus tiwëré òrou ndò doou té.
34Jésus aa loou ke dara, nè ntaakem, nè mpa narè, Ephphatha, yèn pana, Òrou.
35Mbia wo tar, gel ndë oudja, nè mpa tar madji nya.
36Jésus ndedjidè ase kare mpa dare doou kada ang. Tokou nè ndedjidè nare wota, dèdè mpa ke daka dare wota tò.
37Mèdè ounda do biä nya, dèdè mpana, Nè nda né toï madji mbä nga, nè nda dooudjé ke ndjè mbi koutoudjé nare do tar, ke mbedjé nare mpa tar.
നിലവിൽ തിരഞ്ഞെടുത്തിരിക്കുന്നു:
Marc 7: KL1960
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 1960, 2018.
To learn more or sign up for email updates about the mission of BFBS, click here: