Marc 8
8
1Ndè té ke nou, tokou dooudjé ke baya baya tél mbona, dèdè déh ke mourou ang, Jésus bar ndjè kao gè tédjé pa aredè,
2Mam nda mè madji ke dooudjé ke baya baya nèn mbata dèdè disi sem ndò mouta bashénè, dèdè disi ke mourou ang.
3Tokou ma maredè dao béh lodè ke boo ke dadè, singa lodè a goto ke deo, mbata maredjé horode té ï deo eo.
4Ndjè kao gè tédjé tél pa arè, Doou ase ta kinga mourou da wa mè kòr té ta kare dooudjé ke baya nèn wa?
5Nè ndoudjoudè, Isidjé ke mourou ban wa? Dèdè mpana, Shiri.
6Jésus pa are dooudjé ke baya baya ta kare disi nange. Nè noun mourou ke shiri lé, gè té nè nda woio mbä, nè nkai nare ndjè kao gè tédjé ta kare dare dooudjén lé. Dèdè dare mouroun lé dooudjé ke baya baya lé.
7Dèdè disi ke kaindji ke ngadji kada kada, gè té Jésus bar tar ke madji dodè té, nè mpa naredè ta kare doun kaindjin lé dare dooudjén lé tò.
8Dèdè dön mèdè ndan, dèdè mbòn kese mourou dousou karè shiri.
9Dèdè nto dooudjé ke dé ngosiba ke dourou sò.
10Jésus oula dooudjé ta karedè dao, loshénè loshénè nè nao mè to té ke ndjè kao gè tédjé, nè ntéh nange té ke Dalmanutha.
11Pharisiendjé dé rè té ao mai sa tar mbata dèdè dao sange né tòdjou mè dara té, mbata dèdè ndiki ta nèè.
12Jésus taakem nya mèa té, mpana, Mbata di wa dooudjé nèn sange né tòdjou wa? Tokoro ma mpa maresè, da kare tar né tòdjou kare dooudjé nèn ang.
13Nè nïyadè, nè ntél nao mè to té, nè nao toura man té.
14Ndjè kao gè tédjé mèdè woei ta kao ke mourou. Mourou to djidè té kadaba mè to té.
15Jésus ndedjidè pana, Ngemidjé madji, aïndjé tar oum lo Pharisiendjé ke tar oum lo Hérode.
16Ndjè kao gè tédjé sange mèdè, dèdè mpana, Djèdjè djisi ke mourou ang.
17Gè té Jésus geré, nè mpa naredè, Mbata di a esangidjé mèsè mbä mourou ke goto wa? Woidjé tar gatang bai wa? Mèsè to ngeng wa?
18Sésè isidjé ke kem a woidjé ang wa? Sésè isidjé ke mbi a woidjé ang wa? Sésè oundaidjé mèsè kendé ang wa?
19Tokou mam nkai mourou mi mbata lo dooudjé dourou mi, sésè mbòidjé kese mourou karè ban wa? Dèdè mpa darè, Karè dòkou gérè djo.
20Tokou mam nkai mourou shiri mbata lo dooudjé dourou sò, sésè mbòidjé kese mourou karè ban wa? Dèdè mpa darè, Karè shiri.
21Nè mpa naredè, Sésè nai egeridjé ang bai wa?
22Dèdè ntéh Bethsaïda. Dèdè ndé ke ndjè kem tò rò Jésus té. Dèdè ndoudjou Jésus mba kare òrè.
23Nè nwaa dji ndjè kem tò lé, nao sa ta béh té. Gè té ntiwëré kèmè te mbä nga ke nè nila dja dè té, nè ndoudjou dooun lé Wo loou mbä wa?
24Nè no loou, nè mpana, Mo dooudjé, modè tokou lo kake ke ao ndja.
25Jésus ila dja kèmè té mare, nè no loou madji, kèmè tél dé madji. Nè no né toï madji nya.
26Jésus arè nao kei la, mpana, Ao mè béh té ngadji ang.
27Jésus ao ke ndjè kao gè tédjé béh té ke Césarée ke Philippe. Nè ndoudjou ndjè kao gè tédjé ke deo, Dooudjé pana mam nto na wa?
28Dèdè mpa darè, Jean Baptiste, maredjé pana, Élie. Maredjé pana, Doou kada ke to prophète.
29Nè ndoudjoudè, Sésè epaidjé na mam nto doou di wa? Pierre tél pa arè, I to to Christ ndja.
30Jésus ndedjidè ase pa tar la kare doou kada ang.
31Nè nao ntòdjoudè ke Ngon lo doou ase ta kinga nè ongou nya. Tòkou dooudjé ke tòkou ndjè kòrdjé ke ndjè da maketourou ndedjidjé dèdè da mbetè. Dèdè da tòlè, gè té ndò mouta ase kare nï.
32Nè mpa tarn lé ke daka tesèrè. Pierre wèè ao ndangè.
33Jésus tourou rè wo ndjè kao gè tédjé, nao ndange Pierre, mpana, Ao ke nou gom té Satan. Mbata i ndiki gè ke Allah ang, i ndiki gè ke dooudjé.
34Nè mmar dooudjé tokou baya baya ke ndjè kao gè tédjé ta dé rè té, nè mpa naredè, Tokou mare doou ndiki ta dé gom té ase kare nè mbeté rè ndja, ke nase koto kake yo la baa ta kao gom té.
35Mbata doou ke ndiki ta kadji tébe la ndja, tébe la a nai. Doou ke tébe la nai mbata lom ke mbata tar ke madji, nè na kadjè.
36Tokou mare doou inga né ke nange nèn toï a tébe la nai, né lé toï a da sa madji to di wa?
37Mbata doou ase ta koun né di wa mbel né tébe la wa?
38Mbata doou ke da ròkoul mbata lom ke tar lom horo dooudjé té ke ndjè kaiya ke ndjè né da ke madjang loshénè nèn, Ngon lo doou a da ròkoul mbata la to, ndò té ke nè na dé ke ndokoo lo bèdjè ke angedjé ke madji toï.
നിലവിൽ തിരഞ്ഞെടുത്തിരിക്കുന്നു:
Marc 8: KL1960
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 1960, 2018.
To learn more or sign up for email updates about the mission of BFBS, click here: