uYoohani Uvhwandilo

Uvhwandilo

UYoohani áamile wooka mu vhasundikwa 12 avha Yeesu. Ásimvile ikalaata ili, inga avhaavwe avhiitisi vhonti, inga vhamwitishe uYeesu. Atasimvile inongwa zyonti izya vhulanzi uvhwa Yeesu, nkandi akulondovhola inongwa izya vilolesyo vimo vwe uYeesu ávhomvile, ni nsambiilizyo zimo zye ásambiliziizye. Izi zikulolesya kuuti uYeesu atáamile muntu vhweleele, áamile wu Mulungu.

Ikalaata ili ku vhwandilo likuhomeshezya kuuti uYeesu wu Izwi ilya Mulungu. Havhili likuti wu Chilisiti we avhakuvhwi avha Lufingwi ulwa Hali vhákuvile, nu kuuti uvhufwe vhwakwe mpuutile ye yikwefwa uvhutalamalandu uvhwa nsi. Mu lutuulo ulwa 13-17 uYeesu akuyanga izya shikunzi shaakwe ku vhasundikwa vhaakwe, nu kuvhavhuuzya amazwi aga kuvhagomwa amooyo. Ikalaata likumaliilizya kulondovhola izya kulongwa uYeesu nu kuhomeelwa pa shihovhenkanyo, na vwe ázyusile nu kuvhaloleshela ulwinji avhasundikwa vhaakwe.

Zye zili mwi ikalaata ili

UYeesu wu Izwi lye ligalunkiine kuvha muntu 1:1-18

UYeesu akwanda imbombo yaakwe ni vilolesyo ni nsambiilizyo izya ku vhwandilo 1:19--4:54

UYeesu akwonjezya insambiilizyo na mafindango aminji 5:1--8:11

UYeesu akuhomaana na Vhafalisaayi nu kulolesya amaha gaakwe 8:12--10:42

Zye uYeesu ávhomvile lwe ali mwi idala kusogola ku Yelusaleemu 11:1--12:50

UYeesu akuuvhapa avhasundikwa vhaakwe insambiilizyo, lwe apalamila kufwa 13:1--17:26

UYeesu akulemwa nu kumugoga pa shihovhenkanyo 18:1--19:42

UYeesu akuzyuha nu kuloleha ku vhasundikwa vhaakwe 20:1--21:25

നിലവിൽ തിരഞ്ഞെടുത്തിരിക്കുന്നു:

uYoohani Uvhwandilo: nih

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

ULufingwi uLupwa നെക്കുറിച്ച് കൂടുതലറിയുക

uYoohani Uvhwandilo