San Juan Ä'kanä̧ jiäkuäwä
Ä'kanä̧ jiäkuäwä
Bíblia pättä'tänä̧ pa̧ja̧kuä̧nü̧ jo̧mȩnä̧ jareü wȩnȩ kka̧ku̧ttü̧mä̧, Ju̧a̧-tä̧ ja̧'a̧, Dio jäwä ichinomȩ'i̧nä̧ 'kuäopünä̧ kkü̧ Jesucrito tü'kü'i̧nä̧ ukuokumä̧. O'kajuiyünä̧ kkä̧mä̧dä̧kua̧'a̧ ä'kanä̧ i̧wȩnȩ ji̧nü̧mä̧ ä̧kuo̧mȩnä̧tä̧ päi'ünä̧ kki̧na̧'a̧ pä'ü ji'äu (1.1) ja̧'wa̧ta̧nü̧ yabonü̧ ji'äu jua̧u̧ i̧wȩnȩ ji̧nü̧mä̧ ujututäku tü̧'kä̧tȩnä̧ kki̧nü̧, jua̧u̧mä̧ ujutu jü̧ta̧'a̧nü̧ winü̧, ukuokumä̧ jeruwoka'anä̧, ji̧yȩtȩ pä'ü päwä ji̧na̧'a̧, ji̧nä̧so wȩyu̧ti̧nü̧mä̧ «jua̧u̧ i̧wȩnȩ ji̧nü̧mä̧» Jesú ja̧'a̧ Dio i̧tti̧ Irae ttü̧ja̧ ttu̧ru̧wa̧ Rey pä'ü ji'äu (1.43-49).
A̧'kua̧ wȩnä̧rü̧ jiäwino̧mȩttü̧ kkä̧mä̧dü̧, pi'tä wȩyu̧ti̧nü̧mä̧ o̧cȩnä̧ capíturunä̧mä̧ Jesú ujurunä̧ jȩtto̧kü̧ jä̧'i̧juei jȩpü̧: ajiyamä̧ vino isoya jü̧nä̧ ü'ärotinü̧tä̧ (2.1-11), roma-ttü̧ su̧ro̧do̧u̧ ttu̧ru̧wa̧ i̧tti̧rü̧ aditü ikuinü̧tä̧ (4.43-54), Parárisi pättüjuei juo'ächinü̧rü̧ i̧'chü̧nä̧ jȩi̧nü̧tä̧ (5.1-18), cinco mil-nü̧ jo̧mȩ yabonä̧nü̧ wotürü ttu̧kuȩ iyinü̧tä̧ (6.16-20), surojü jȩttü̧ jȩpü̧ ikuinü̧tä̧ (8.2-11), ä̧to̧ka̧rü̧ toünä̧ aditü ikuinü̧tä̧ (9.1-11), ja̧'wa̧ta̧nü̧ wa'ü ikuinä̧tü̧rü̧ ttotächünä̧ jȩi̧nü̧tä̧ (11.1-44).
Jua'a yabonä̧ cinco capíturunä̧mä̧ pi'tä wȩyu̧ti̧nü̧mä̧, Jesú u̧wo̧juȩtä̧u̧ku ukuoku ji'äkuäwinü̧ tü'kütä ji'äu. Umüwäyotü jü̧nä̧kü̧ awaruwä jü̧nä̧ ü̧ji̧nü̧ tü'kütä (15.15), ja̧'wa̧nü̧ ja̧'a̧ttü̧ wäjuönä̧ ukuokuinä̧tä̧ (16.25-30), ja̧'wa̧ta̧nü̧ Jä'o Dio-rü jä'epinü̧ tta̧wä̧ra̧tü̧ pä'ü ja̧'wa̧ta̧nü̧ Dio Jesú-ku todeunä̧ ttü̧ja̧ku̧ ta̧'a̧nü̧, todeunä̧ ttü̧ja̧kua̧ pä'ü (17.1-26). Pi̧yȩ jareü wȩnȩttü̧ kkoro'tättü yorätewokümä̧, Jesú-mä̧ chutä a̧mü̧nä̧ pa̧ja̧tü̧ ji'äkuäu, Ttütäsä, kuäkuäwä tta̧'kua̧rü̧mä̧ (6.35), pi̧jä̧nä̧ kka̧kuä̧tü̧ o'katoi'ünä̧rü̧ tȩya̧u̧mä̧; (8.12), «ji̧nä̧so oweja-tü̧ ttu̧ru̧wa̧mä̧» (10.11), tta̧'kua̧rü̧ iyäwä i̧sa̧mä̧, ja̧'wa̧ta̧nü̧ 'korujuottächaja pä'ü'i̧nä̧ pä'äjita'anü̧ tta̧'kua̧rü̧nä̧ jȩä̧kuä̧wä̧ i̧sa̧mä̧ (11.25), mä̧nä̧mä̧, isopäi'ünä̧mä̧, ja̧'wa̧ta̧nü̧ ta̧'kua̧rü̧mä̧ (14.6), ja̧'wa̧ta̧nü̧ Ji̧nä̧so, jitä uwa daumä̧ (15.1). Ju̧a̧-nä̧ jareü wȩnȩmä̧ pi̧yȩ'i̧nä̧ kka̧'a̧nä̧ ja̧'wa̧ta̧nü̧ kkoro rü̧ä̧u̧ jueü wȩnȩ Jesucrito ütü'kü'i̧nä̧ jua̧u̧mä̧ tta̧mü̧kuäda'aku ka̧ka̧ti̧ku̧mä̧: Dio-mä̧ pi̧jä̧ ttü̧ja̧rü̧ rü̧ȩnä̧ repe'ü eseumä̧, i̧tti̧ chu̧'ä̧kua̧rü̧ iyinü̧, o'katoi'ünä̧ ja̧u̧ru̧ esetätümä̧, totte'ächajü jueimä̧, kkä̧kuä̧wä̧ i'kotä ttu̧ju̧nä̧ra̧ pä'ü.
നിലവിൽ തിരഞ്ഞെടുത്തിരിക്കുന്നു:
San Juan Ä'kanä̧ jiäkuäwä: PNT13
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Sociedades Biblicas Unidas en Venezuela