Luk 4
4
IDEM-EPO ODOOMO YISỌS
Luk 4:1-13; Matio 4:1-11; Maak 1:12-13
1Ndien k'idaha Yọọn imaikinum Yisọs uduọk mmuuŋ imaa, enye ọwọrọ ke mmuuŋ Yọdan ọyọhọ ma odudu Nsasana Sibidid. Ndien Nsasana Sibidid ada eme usuŋ akaa ke nsaad-isọŋ.
2Kendo ke idem-epo ekedidomo Yisọs k'uweme ma itudoyo abaa. Ede k'ofuri mme usen iken, enye ikidiaha ndia beriberikeen, ndien mme usen abaa iken ekewere, ọbiọŋ amadi dọŋ eme.
3Ndien idem-epo ete Yisọs, «Epede ofo ede ataa-ataa eyen Idem-Mbubod, nam itiad iken akabade ndia ọnọ fin.»
4Ede Yisọs ete eme, «Mmọ ama ewewed k'ikọọ Idem-Mbubod ete, k'idehe ndia ọpọọŋ ke owom emidia idu uwem ede esi k'ikọọ idem Mbudod.» 5Idem-epo ada Yisọs ọduọk akaa ke onyuŋ akwaa opupo eke ọwuri eme mme obio ma mme idud ke odorobod ke ataa apapara ini. 6Ndien idem-epo ete Yisọs, «Aminka nsaana mfifien odudu ma ubọọŋ mme obio ma mme idud odorobod nken nyak nnọ fin. Ami nkeme inam ami sia emayak odudu eken enọ min. Ndien nkanyak unen iken ma odudu nnọ owom eke ami made.
7Ke utọ ntak nken, ofo epe enyiime ituak ibuod ipono min, mfifien unen ma odudu eken ekaikabade ide okwo.»
8Ede Yisọs ọbọrọọ eme, «Uwaa! Mehenam#4:8 Usuk ipa ŋwed ke Krik ete, idem-epo bei min k'edem., sia mmọ ama ewewed ke ŋwed Idem-Mbubod, ke ofo ọpọọŋ enyene ituak ibuod ipono Ọbọọŋ ma Idem-Mbubod fo. Enye ọpọọŋ ke ofo enyene inam mpọ inọ.»
9Ndien idem-epo eben Yisọs akaa obio Yedusedem ke ataa etiŋ-onyuŋ efe-uwa, ete Yisọs, «Epede ofo ede ataa eyen Idem-Mbubod, daa ke mmi nken tọrọ ke sibi isọŋ. 10Sia mmọ ama ewewed ke ŋwed Idem-Mbubod ete,
«Ke Idem-Mbubod akainọ mme enyere upeme ise,
Yak mmọ edidaa epeme fin mbaak ofo uda unan.
11Mme enyere nse ekaipobi fin k'ubọk mmọ.
Mbaak ofo utuak ukod ke itiad.»
12Yisọs ọbọọrọ eme, «Uwaa! Mmeŋe nnam, sia mmọ ema ewewed ke ŋwed Idem-Mbubod ete, kudomo Ọbọọŋ ma Idem-Mbubod fo.»
13Ke idem-epo imaikikweŋe mfifien mme idomo iken, enye adaha ọpọŋ Yisọs tutu ini ewen.
YISỌS ỌTỌŊỌ UTOM UKWỌỌRỌ IKỌỌ KE IDAK UKARA KADIDI
Matio 4:12-17; Maak 1:14,15
14Ndien Yisọs adaha onyuŋ akaa idak ukara Kadidi ke odudu Nsasana Sibidid. Etop abaaŋade eme atuana mfifien nkan nkuk obio. 15Eyen akaaiso epeebi mpọ ke mme efe-upono Idem-Mbubod mme Yuu,#4:15 Ufọk iken mme Yuu ekese ebonode ọtọ keen ebọŋ akam epono Idem-Mbubod mfifien owom atiŋ ntiti mpọ ebaaŋa eme.
16Ndien Yisọs edikaa Nasaded, obio emana ese emi Enye eke oponde, nte ido ise ekedede. Enye ọduk efe-upono Idem-Mbubod mme Yuu k'usen ibed#4:16 Ibed: Ọyọhọ usen itiaba, usen nduọk odudu mme Yuu , onyuŋ emeene ada okood ŋwed Idem-Mbubod.
17Ede ama ayak ŋwed asiak-uduak Isaya enọ eme, enye ọkubọde itie ŋwed okood ke akwaa uyo ete,
18«Nsasana Sibidid Idem-Mbubod odu ma mi inwam min.
Enye osio min ọdọŋ
Ete nkwọọrọ etiti mbuk nnọ mmọn ubueene.
Enye ọdọŋ min ete ndọhọ mmọnido esinede k'ukad ke mmọ ọbọhọ.
Nyuŋ ndọhọ mmọn nan ke mmọ ekaikud usuŋ.
Nyuŋ anam mfifien mmọn ọbọọde ufen ọbọhọ.
19Enye ọdọŋ min ete nkwọọrọ mbe k'itua Idem-Mbubod emi fọnde mfọn ma mbuue nse edikem.»
20Yisọs ekekood itie ŋwed nkoro ama ọnọ mmọ, enye ọkubi. Ndien ayak ọnọ adaaidaha efe-upono Idem-Mbubod mme Yuu, onyuŋ ọsuuk etie epeebi mmọ mpọ abaaŋa se enye ekekodde. Ndien enyin mfifien owom k'ufọk Idem-Mbubod ọwuhọ ke eme.
21Ndien Yisọs ete mmọ, «mfin, itie ŋwed nken mf'ikopde nte ami nkoodde ọwọrọ osu.»
22Mfifien owom ekedude kendo nkoro atiŋ etiti ikọọ abaaŋa eme. Idem onyuŋ apa mmọ ke mme mpan-mpan ikọọ ọwọrọde eme k'inua, emi anam mmọ ebib idem mmọ ete, ‹idehe eyen Yosef owoom?›
23Ekem enye ete mmọ, «K'apanikọọ mf'ika itop nke nken inọ min, ‹Ọkọk udọŋọ, kọk idemfo.› Ndien mf'ika idọhọ min, anam utibe-mpọ ke obio Kapanum. Dinam sọ ukem utibe-mpọ nkoro ke obio emana eken okwo eke oponde.›
24«Ndien enye akaiso ete, Ke apanikọọ ke ndọhọ mfo ntedeen, ke asiak-uduak Idem-Mbubod inyeneke upono ke obio emana ese.
25Ede ikere ibaŋa mpọ nken, k'ini asiak-udak Idaiya eke odude, ede apanikọọ k'uwak mme ebepa ekedudo ke obio Isuel. K'idaha ini ikoro, edim ikidepke k'ufaŋ itua ita ma ubaak ndien akwaa ikum amaodu ke ofuri obio Isuel.
26Ede Idem-Mbubod ik'idọŋke Idaiya ekewam ebepa beriberikeen ke obio Isuel. Ede Idem-Mbubod ọdọŋ eme ọnọ ebepa Sarafai emi ikidehe Yuu ke obio eperede Sidọn.
27Nsọ k'ukem usuŋ ikoro, k'oyo asiak-uduak Edisa, uwak mọn epamfia amaodu ke obio Isuel. Ede Edisa ikikọkke mmọ berikeen, ibọhọke Nneman ọpọọŋ emi ikidehe Yuu ekeside Siria.
28K'idaha mfifien owom k'efe-upono Idem-Mbubod mme Yuu ekekopde mme utọ ikọọ iken enye eketiŋde mmọ ayaadi esid.
29Ndien mmọ eke beene adaa, mmọ ọduri eme osio k'obio mmọ. Eben akaa mben opupo obio okoro ekedude, eyeem ibedi eme isio mbaak ọduọ apa.
30Ede enye asaŋa k'ufọọd mmọ ebei, adaha ayak mmọ.
YISỌS EBINE MME SIBIDID IDEM-EPO OSIOOŊO
Maak 1:21-28
31Usen keen Yisọs amadi'daha akaa Kapanum, obio keen ke idak ukara Kadidi, akaaiso epeebi mmọ mpọ k'usen ibed.
32K'idaha Yisọs epeebide mmọn owom mpọ, idem apa mmọ ke odudu ma uko enye akamade epeebi mpọ.
33Ette keen okedude ke efe-upono Idem-Mbubod mme Yuu emi ek'enyene mme sibidid idem-epo, ndien enye amia Yisọs mpubio ke ọpọsọŋ uyo.
34«Eoo! Yisọs eyen Nasaded nnyin ideso ma ofo? Edi emi iwod nnyin imaa? Mediọŋọ se ofo edede, ofo ede Nsasana eyen Idem-Mbubod!»
35Ede Yisọs atuaa ọnọ mme sibidid idem-epo ete, «ikuubi inua! Iwọrọ saana eme iyak!» Ndien mme sibidid idem-epo eken eke okop ntoro, mmọ eben eme ọtọọ k'isọŋ k'ufọd otu owom. Ndien mmọ ọwuọŋọ epọŋ eme, ede enọŋọ eme unan.
36Idem apa mfifien mmọn owom ekedude kendo. Mmọ ebib idem mmọ ete, «Nsutọọ upeebi mpọ owoom? Enye enyene uko ma odudu iduad mme sibidid idem-epo yak mmọ ọwọrọ ndien mmọ ọwọọŋọ mmọn owom k'idem!»
37Ndein mmọn owom akaiso atuaan etop odunam Yisọs ke ofuri ipehe obio.
EKA ANWAAN PITE ỌBỌ UKỌK
Matio 8:14-15; Maak 1:29-31
38Ke enye imaikikwọrọ ikọọ ke efe-upono Idem-Mbubod mme Yuu imaa, Yisọs akaa k'ufọk Saimọn. Ndien enye ekekud eka-anwaan Saimọn emi ọdọŋọde akwaa ufiopidem. Mmọ ebeeŋe yak enye ọkọk eme.
39Ndien Yisọs asaŋa epere itie naa nse onyuŋ aduad ufiopidem yak ọpọŋ eme. Ndien enye okop nsọŋidem onyuŋ ebene eke eyeen ndia ọnọ mmọ.
UWAK OWOM ỌBỌ UKỌK KE NSUUK-OYO USEN IBED
Matio 8:16-17; Maak 1:32-34
40K'idaha nsuuk-oyo, mmọ okoono mfifien mmọnido ek'enyenede nsiosio udọŋọ esọk Yisọs, ndien Enye ododi mmọ keen-keen ubọk, ọkọk udọŋọ mmọ. 41Usuk mmọn owom ekedude emi mme sibidid idem-epo ekeduŋde mmọ k'idem. Mme idem-epo ọwọọŋọ uwak mmọ k'idem k'daha Yisọs aduade mmọ ma mpubio ete, «Ofo ede eyen Idem-Mbubod!» Ede mmọ ama ọdiọŋọ ke enye ede Andinyaaŋa, enye atua ọnọ mmọ amana ete mmọ, «Idobo!»
42Itud-itud usen ubọk edem usen, Yisọs ọwọrọ akaa oporo. Ede otu owom akaiso eyem eme, mmọ ekekud eme, mmọ epei eme yak enye ipọpọŋ sọ mmọ. 43Ede Yisọs ọbọrọọ mmọ, anaa nkaa sọ nke kwọọrọ etiti etop obio-ubọọŋ Idem-Mbubod ke mme obio ewen, sia ntak nkoro ke enye ekedọŋ min ndi. 44Ede enye akaiso ọkwọọrọ ikọọ ke efe-upono Idem-Mbubod mme Yuu ke ofuri idak ukara Yudia.
നിലവിൽ തിരഞ്ഞെടുത്തിരിക്കുന്നു:
Luk 4: NKZ
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 4
4
IDEM-EPO ODOOMO YISỌS
Luk 4:1-13; Matio 4:1-11; Maak 1:12-13
1Ndien k'idaha Yọọn imaikinum Yisọs uduọk mmuuŋ imaa, enye ọwọrọ ke mmuuŋ Yọdan ọyọhọ ma odudu Nsasana Sibidid. Ndien Nsasana Sibidid ada eme usuŋ akaa ke nsaad-isọŋ.
2Kendo ke idem-epo ekedidomo Yisọs k'uweme ma itudoyo abaa. Ede k'ofuri mme usen iken, enye ikidiaha ndia beriberikeen, ndien mme usen abaa iken ekewere, ọbiọŋ amadi dọŋ eme.
3Ndien idem-epo ete Yisọs, «Epede ofo ede ataa-ataa eyen Idem-Mbubod, nam itiad iken akabade ndia ọnọ fin.»
4Ede Yisọs ete eme, «Mmọ ama ewewed k'ikọọ Idem-Mbubod ete, k'idehe ndia ọpọọŋ ke owom emidia idu uwem ede esi k'ikọọ idem Mbudod.» 5Idem-epo ada Yisọs ọduọk akaa ke onyuŋ akwaa opupo eke ọwuri eme mme obio ma mme idud ke odorobod ke ataa apapara ini. 6Ndien idem-epo ete Yisọs, «Aminka nsaana mfifien odudu ma ubọọŋ mme obio ma mme idud odorobod nken nyak nnọ fin. Ami nkeme inam ami sia emayak odudu eken enọ min. Ndien nkanyak unen iken ma odudu nnọ owom eke ami made.
7Ke utọ ntak nken, ofo epe enyiime ituak ibuod ipono min, mfifien unen ma odudu eken ekaikabade ide okwo.»
8Ede Yisọs ọbọrọọ eme, «Uwaa! Mehenam#4:8 Usuk ipa ŋwed ke Krik ete, idem-epo bei min k'edem., sia mmọ ama ewewed ke ŋwed Idem-Mbubod, ke ofo ọpọọŋ enyene ituak ibuod ipono Ọbọọŋ ma Idem-Mbubod fo. Enye ọpọọŋ ke ofo enyene inam mpọ inọ.»
9Ndien idem-epo eben Yisọs akaa obio Yedusedem ke ataa etiŋ-onyuŋ efe-uwa, ete Yisọs, «Epede ofo ede ataa eyen Idem-Mbubod, daa ke mmi nken tọrọ ke sibi isọŋ. 10Sia mmọ ama ewewed ke ŋwed Idem-Mbubod ete,
«Ke Idem-Mbubod akainọ mme enyere upeme ise,
Yak mmọ edidaa epeme fin mbaak ofo uda unan.
11Mme enyere nse ekaipobi fin k'ubọk mmọ.
Mbaak ofo utuak ukod ke itiad.»
12Yisọs ọbọọrọ eme, «Uwaa! Mmeŋe nnam, sia mmọ ema ewewed ke ŋwed Idem-Mbubod ete, kudomo Ọbọọŋ ma Idem-Mbubod fo.»
13Ke idem-epo imaikikweŋe mfifien mme idomo iken, enye adaha ọpọŋ Yisọs tutu ini ewen.
YISỌS ỌTỌŊỌ UTOM UKWỌỌRỌ IKỌỌ KE IDAK UKARA KADIDI
Matio 4:12-17; Maak 1:14,15
14Ndien Yisọs adaha onyuŋ akaa idak ukara Kadidi ke odudu Nsasana Sibidid. Etop abaaŋade eme atuana mfifien nkan nkuk obio. 15Eyen akaaiso epeebi mpọ ke mme efe-upono Idem-Mbubod mme Yuu,#4:15 Ufọk iken mme Yuu ekese ebonode ọtọ keen ebọŋ akam epono Idem-Mbubod mfifien owom atiŋ ntiti mpọ ebaaŋa eme.
16Ndien Yisọs edikaa Nasaded, obio emana ese emi Enye eke oponde, nte ido ise ekedede. Enye ọduk efe-upono Idem-Mbubod mme Yuu k'usen ibed#4:16 Ibed: Ọyọhọ usen itiaba, usen nduọk odudu mme Yuu , onyuŋ emeene ada okood ŋwed Idem-Mbubod.
17Ede ama ayak ŋwed asiak-uduak Isaya enọ eme, enye ọkubọde itie ŋwed okood ke akwaa uyo ete,
18«Nsasana Sibidid Idem-Mbubod odu ma mi inwam min.
Enye osio min ọdọŋ
Ete nkwọọrọ etiti mbuk nnọ mmọn ubueene.
Enye ọdọŋ min ete ndọhọ mmọnido esinede k'ukad ke mmọ ọbọhọ.
Nyuŋ ndọhọ mmọn nan ke mmọ ekaikud usuŋ.
Nyuŋ anam mfifien mmọn ọbọọde ufen ọbọhọ.
19Enye ọdọŋ min ete nkwọọrọ mbe k'itua Idem-Mbubod emi fọnde mfọn ma mbuue nse edikem.»
20Yisọs ekekood itie ŋwed nkoro ama ọnọ mmọ, enye ọkubi. Ndien ayak ọnọ adaaidaha efe-upono Idem-Mbubod mme Yuu, onyuŋ ọsuuk etie epeebi mmọ mpọ abaaŋa se enye ekekodde. Ndien enyin mfifien owom k'ufọk Idem-Mbubod ọwuhọ ke eme.
21Ndien Yisọs ete mmọ, «mfin, itie ŋwed nken mf'ikopde nte ami nkoodde ọwọrọ osu.»
22Mfifien owom ekedude kendo nkoro atiŋ etiti ikọọ abaaŋa eme. Idem onyuŋ apa mmọ ke mme mpan-mpan ikọọ ọwọrọde eme k'inua, emi anam mmọ ebib idem mmọ ete, ‹idehe eyen Yosef owoom?›
23Ekem enye ete mmọ, «K'apanikọọ mf'ika itop nke nken inọ min, ‹Ọkọk udọŋọ, kọk idemfo.› Ndien mf'ika idọhọ min, anam utibe-mpọ ke obio Kapanum. Dinam sọ ukem utibe-mpọ nkoro ke obio emana eken okwo eke oponde.›
24«Ndien enye akaiso ete, Ke apanikọọ ke ndọhọ mfo ntedeen, ke asiak-uduak Idem-Mbubod inyeneke upono ke obio emana ese.
25Ede ikere ibaŋa mpọ nken, k'ini asiak-udak Idaiya eke odude, ede apanikọọ k'uwak mme ebepa ekedudo ke obio Isuel. K'idaha ini ikoro, edim ikidepke k'ufaŋ itua ita ma ubaak ndien akwaa ikum amaodu ke ofuri obio Isuel.
26Ede Idem-Mbubod ik'idọŋke Idaiya ekewam ebepa beriberikeen ke obio Isuel. Ede Idem-Mbubod ọdọŋ eme ọnọ ebepa Sarafai emi ikidehe Yuu ke obio eperede Sidọn.
27Nsọ k'ukem usuŋ ikoro, k'oyo asiak-uduak Edisa, uwak mọn epamfia amaodu ke obio Isuel. Ede Edisa ikikọkke mmọ berikeen, ibọhọke Nneman ọpọọŋ emi ikidehe Yuu ekeside Siria.
28K'idaha mfifien owom k'efe-upono Idem-Mbubod mme Yuu ekekopde mme utọ ikọọ iken enye eketiŋde mmọ ayaadi esid.
29Ndien mmọ eke beene adaa, mmọ ọduri eme osio k'obio mmọ. Eben akaa mben opupo obio okoro ekedude, eyeem ibedi eme isio mbaak ọduọ apa.
30Ede enye asaŋa k'ufọọd mmọ ebei, adaha ayak mmọ.
YISỌS EBINE MME SIBIDID IDEM-EPO OSIOOŊO
Maak 1:21-28
31Usen keen Yisọs amadi'daha akaa Kapanum, obio keen ke idak ukara Kadidi, akaaiso epeebi mmọ mpọ k'usen ibed.
32K'idaha Yisọs epeebide mmọn owom mpọ, idem apa mmọ ke odudu ma uko enye akamade epeebi mpọ.
33Ette keen okedude ke efe-upono Idem-Mbubod mme Yuu emi ek'enyene mme sibidid idem-epo, ndien enye amia Yisọs mpubio ke ọpọsọŋ uyo.
34«Eoo! Yisọs eyen Nasaded nnyin ideso ma ofo? Edi emi iwod nnyin imaa? Mediọŋọ se ofo edede, ofo ede Nsasana eyen Idem-Mbubod!»
35Ede Yisọs atuaa ọnọ mme sibidid idem-epo ete, «ikuubi inua! Iwọrọ saana eme iyak!» Ndien mme sibidid idem-epo eken eke okop ntoro, mmọ eben eme ọtọọ k'isọŋ k'ufọd otu owom. Ndien mmọ ọwuọŋọ epọŋ eme, ede enọŋọ eme unan.
36Idem apa mfifien mmọn owom ekedude kendo. Mmọ ebib idem mmọ ete, «Nsutọọ upeebi mpọ owoom? Enye enyene uko ma odudu iduad mme sibidid idem-epo yak mmọ ọwọrọ ndien mmọ ọwọọŋọ mmọn owom k'idem!»
37Ndein mmọn owom akaiso atuaan etop odunam Yisọs ke ofuri ipehe obio.
EKA ANWAAN PITE ỌBỌ UKỌK
Matio 8:14-15; Maak 1:29-31
38Ke enye imaikikwọrọ ikọọ ke efe-upono Idem-Mbubod mme Yuu imaa, Yisọs akaa k'ufọk Saimọn. Ndien enye ekekud eka-anwaan Saimọn emi ọdọŋọde akwaa ufiopidem. Mmọ ebeeŋe yak enye ọkọk eme.
39Ndien Yisọs asaŋa epere itie naa nse onyuŋ aduad ufiopidem yak ọpọŋ eme. Ndien enye okop nsọŋidem onyuŋ ebene eke eyeen ndia ọnọ mmọ.
UWAK OWOM ỌBỌ UKỌK KE NSUUK-OYO USEN IBED
Matio 8:16-17; Maak 1:32-34
40K'idaha nsuuk-oyo, mmọ okoono mfifien mmọnido ek'enyenede nsiosio udọŋọ esọk Yisọs, ndien Enye ododi mmọ keen-keen ubọk, ọkọk udọŋọ mmọ. 41Usuk mmọn owom ekedude emi mme sibidid idem-epo ekeduŋde mmọ k'idem. Mme idem-epo ọwọọŋọ uwak mmọ k'idem k'daha Yisọs aduade mmọ ma mpubio ete, «Ofo ede eyen Idem-Mbubod!» Ede mmọ ama ọdiọŋọ ke enye ede Andinyaaŋa, enye atua ọnọ mmọ amana ete mmọ, «Idobo!»
42Itud-itud usen ubọk edem usen, Yisọs ọwọrọ akaa oporo. Ede otu owom akaiso eyem eme, mmọ ekekud eme, mmọ epei eme yak enye ipọpọŋ sọ mmọ. 43Ede Yisọs ọbọrọọ mmọ, anaa nkaa sọ nke kwọọrọ etiti etop obio-ubọọŋ Idem-Mbubod ke mme obio ewen, sia ntak nkoro ke enye ekedọŋ min ndi. 44Ede enye akaiso ọkwọọrọ ikọọ ke efe-upono Idem-Mbubod mme Yuu ke ofuri idak ukara Yudia.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Nkari Bible by Beyond Translation is licensed under Creative Commons Attribution-ShareAlike 4.0 License.