Genesis 20
20
Abrahab nunaᴋarninga ilinganingalo Gêrareme.
1Abrahalo tagvangat aularpoᴋ nunamut seᴋinerdlermut, Kâdesiblo Suriblo akorngangne nunaᴋalerpoᴋ tujormiangovlune Gêrareme.
2Nulianelo Sara Abrahab najagivlugo oᴋautigingmago, tagva Abimêlegib, Gêrarib attaningata, tiliklerlune Sara aijaurᴋovâ.
3Gûdible unnuarme Abimêlege sinnaktômanikut tikkipâ, oᴋautivlugolo: Ahâk, toᴋolertuksauvotit arnaᴋ tâmna tigujat pivlugo, angutib nuliaringmago.
4Abimêlegible aktolunginamiuk, oᴋarpoᴋ: Nâlegaᴋ, inuit idluartut toᴋotsomagalloarᴋigît?
5Najagivlugo oᴋalungilâᴋ uvamnut? Amma tâmna nangmineᴋ (arnaᴋ) oᴋarpoᴋ annigivlugo. Omatipkut nelâgôrlunga, aggapkullo passijaksaunanga, taimailiorpunga.
6Gûdiblo sinnaktômanikut oᴋautivâ: Uvangatauᴋ ᴋaujimavagit, ômatikkut nelâgôrlutit taimailioravit. Tamanna pivlugo idluitulerᴋonak uvamnut aktuitailitipagit tâpsominga.
7Mânale angutib nuliane pigiliuk, nelautaijôngmat, tuksiarutiniarpâtillo inôrᴋovlutit. Uttertitsomangikungnele, ᴋaujilerit toᴋolertuksaugavit pigijatillo ilûnatik.
8Abimêlegelo tagva uvlâkut makiname, kivgarne tamaita ᴋairᴋovait tussartipaillo oᴋautsit tamakkoa tamaita oᴋautigivlugit; angutillo taipkoa sivôralerput angijomik.
9Abimêlegible Abrahatauᴋ ᴋairᴋovâ oᴋautivlugo: Sôᴋ taimailiorvigivitigût? Sumik idluitulivingâ illingnut, taimaitoâlungmik ajortoᴋsoarmik uvamnut nâlegauvimnullo pititsijomagavit? piniaraksaungitunik piniarvigivarma.
10Abimêlegiblo Abraha amma oᴋautivâ: Suna pitjutigiviûk, taimailiorlutit?
11Abraha oᴋarpoᴋ: Issumaᴋarama: Gûdemik sivôrajoᴋarpallaingilaᴋ nuname tamattomane; nuliara pivlugo toᴋoniarpânga.
12Nalâguttauᴋ najagigalloarpara, atâtama pannigingmago: anânamale pannigingilâ, uvangalo nuliarivara.
13Gûdiblo aularᴋongmanga atâtama iglunganit, oᴋautivara: Imâk nagliginiarparma: annigivlunga oᴋautiginiarparma tikkiviksaptingne tamaine.
14Tagva Abimêlegib saukat tuktuvaillo kivgallo angutit arnallo tiguvait tunivlugillo Abrahamut, nuliangalo Sara tâpsomunga uttertipâ.
15Oᴋarporlo: Ahâk, nunaga atuinauvoᴋ illingnut, nunaᴋalerit nanelônêt nâmagijarnik.
16Saramullo oᴋarpoᴋ: Ahâk, annît kênaujanik tausendenik tunitjivigivara; tamakkoninga ilûnatik illingnêtut ijingit mattusertauvut pivlutit; taimaglo passijaksautailivotit tamaita pivlugit.
17Abrahable Gûde tuksiarvigingmago, tagva Gûdib Abimêlege nuliangalo kivgangillo arnat inûlivait, ernilerivullo.
18Nâlekab arnat tamaita Abimêlegib iglunganêtut ernitailitingmagit Sara Abrahab nulianga pivlugo.
Одоогоор Сонгогдсон:
Genesis 20: LIHB08
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Labrador Inuttitut Heritage Bible © Canadian Bible Society, 2008.