Jon 19 मधील लोकप्रिय बायबल वचने

सामायिक करा

Tewa kopan Jesuta yangga waaknga bupbuyake tangokenga, “Gwan tasiwa puyukgak,” ngang yakut. Ita unzing yake akgwetawan weenata asakowan akumbut.

Siwana Jesuta anzingu atnatapbut. Itane puyana kuupbam gwa tasiwan puyukgak ngangun. Siwan Anututane wamu matakingu buyana asaawikge ita anzing yakut, “Na yanggae nataat,” ngang yawan

Yuwawa Jesuta kawawan mingaat pandetna tapatu ie take siknga nataak kapaatda wesim yukumayak. Wesim yuwawat kake Jesuta minga anzing inikut, “Ming! Wawi waapa gata waakgae tapso,” ngang inike ita pandetna waapa inike, “Natane minga gata minggae tapso,” ngang inikut. Siwan wa inikut tapa na unin. Siwan tapduu wagwene nata Maria take yotnane takuke kayukum.

Zipbukenga Jesue kuke ngana gwa kumbutna kake Jesutane kepi dua zipmapuking. Siwan ngana amak aminu tapatuta ngikngiknga saak gwawayata makut. Mapan zetgaman dakaat yanggaatda epbing.

Siwan Anututane wamu takngatu tupa siknga ayanikapsa apata anzing matakut, “Aminda itane kwatai tapatu dua zipmaputning,” ngang matakut taknga buyana unin aakut. Siwan wamu takngatuat anzing, “Aminda aminu wa making kapa katasining,” ngang matakut takngaau buyana unin aakut.

Unzingge amak aminda Jesu tapa ita inane amin saamdaka gwaamukut. Gwaamutakuke yot gapma teke keu komdu umana gwapak gwikgwit ngang inikaing komune kukut. Sike Hibru wam tanganu Golgota ngang inikaing.

Tanguke nau bobingga gwasike gwapakngane tupan tapatane kupna binga gwapungamuking. Gwapungamuke tauu gamana sandu buyambam tapatane binga tasingamuking.