परमेश्वर म्हणतो, “असे दिवस येत आहेत की,”
नांगरणी करणारा कापणी करणाऱ्याला,
द्राक्षे तुडविणारा बी पेरणाऱ्याला, गाठील.
आणि पर्वत गोड द्राक्षरस गळू देतील आणि सर्व टेकड्या पाझरतील.
मी माझ्या लोकांस, इस्राएलाला,
कैदेतून सोडवून परत आणीन,
ते उद्ध्वस्त झालेली गावे पुन्हा बांधतील,
आणि त्यामध्ये वस्ती करतील.
ते द्राक्षांचे मळे लावतील.
आणि त्यापासून मिळणारा द्राक्षरस पितील.
ते बागा लावतील व त्यापासून मिळणारे पीक खातील.